1 Korɛ̰t 13:6 - Gabri Maja

⁶ Ban laa gusi-mɔwa a cay hɨnga ga dan̰ gɨyəŋdɨge gaŋ naŋ, naŋ bɨrɨŋ, ama ban lee gusi-mɔwa daa daa na kɨya cay kɔl gɨ cɨndi.

1 Korɛ̰t 13:6 ပူးပေါင်းရင်းမြစ်များ

Matɨyo 18:13

Hɨn̰ gɨ ban na wayaa na, aŋ yəgɨŋ daa waŋ na cɨndi: Gusi kɨya moy tɔgɨ kɔl caa ɗɨn̰ kan ga toyge-dɨngɛsɨ-cayge-dɨngɛsɨ ga kayaŋge naŋ le.

Kɔl-gɨ-Ɗari gɨ Lug wal 22:5

Kan leege gusi-mɔwa tɔgɨ cayi bɨ, kan say ay kɨbɨge bii gɨ ke na gɨ bii gursu bɨ.

Magtubu di Pol wal bɨn̰ kalaŋ ga Rɔm 1:32

Kan solge gɨ kalaŋ ga ka-lɔɔ hɨnga ga nee le, Kumu na kɨya bɔyɛ kɔl tɨma cayge, ama kan woyge te lɔɔ ɨsɨna mɨjag mɨjag. Kan wɨyage na te lɔɔ ƴɔbɨ naŋ ama kalaŋ ga ɗaŋ ga woyge te lɔɔ kalɨn̰ ma, kan gey danage cay nee bɨ.

Magtubu di Pol wal bɨn̰ kalaŋ ga Rɔm 12:9

Kuɗa gɨ geye kogɨŋ nare cɨn̰-kɨɗɨn̰ naŋ. Gɨrgɨŋ ɗagɨŋ ɨsɨna coŋ dan̰ gɨre gɨ daa, ama lun̰doŋgɨŋ kardi hɨnga ga ɗari usa.

Pilib 1:18

Hɨn̰ gɨ naa kol canɨ ɨŋ-bandi na, gɨ nee le dɨlaŋ hɨnga pɨna naŋ. Hɨn̰ gɨ ɨrɨmedɨge na kuɗa wala ɨsɨn kalɨn̰ ma, dan̰ gɨyəŋ gɨ ani ani kan ɨre te na bɛrnɛ kɔl gɨ da Kɨris, gɨ nee le ba bəŋ gusi-mɔwa. Ho’o, ɨŋ kɨya lɔɔ gusi-mɔwa ɗaŋ coŋ,

Pilib 1:4

Dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge kol caygɨŋ nɔm na, ɨŋ lee na dan̰ gusi-mɔwa.

Pilib 3:18

Ɨŋ ye kɔl gɨ nee le, kɨya wa kalaŋ ga geyge kɔl gɨ da sɨya-gɨ-dagɨli gɨ da Kɨris naŋ woyge nee dan̰ kondiige, hɨn̰ gɨ ɨŋ ba yəgɨŋ tɨba kondɨ le, ma maŋ jɨga yəgɨŋ haw kɛ dan̰ kaŋdi cɨnɨ.

2 Tesalonigɨ 2:12

Ɗe kan na bɨyan̰ge kɔl a cay kalaŋ nɔm ga bɨgage kuduroyge a cay kɔl gɨ cɨndi gɨŋ naŋ, ama ga hɨnga ga dan̰ durɔ ɗɨngar naŋ ba mooge.

2 Ja̰ 1:4

Gusɨnɨ mɔŋ tɔgɨ yɔd kɨɗɨn̰ ga ɨŋ usɨbɔŋ dan̰ karɨnde ga pɨna bɨ, ɨŋ solge te gɔrɛ a te kɔl gɨ cɨndi gɨŋ hɨn̰ gɨ Baynagɨŋ ba an̰ te tumoyi bɨnagɨŋ wo̰.