1 Korɛ̰t 13:5 - Gabri Maja

⁵ Ban laa hɨnga ga wɨyan̰ lɔɔ naŋ, naŋ bɨ, ban ɨrɨm na a cay gusi koyi gɨŋ ƴɔbɨ naŋ bɨ, ban laa kuduroy-hɔmɛ haw naŋ bɨ, ban ƴɨma kɔl gɨ ɨsɨni gɨ karmii lee danayi kuduroyi naŋ bɨ.

1 Korɛ̰t 13:5 ပူးပေါင်းရင်းမြစ်များ

Matɨyo 5:22

«Ama ɨŋ-bandi na ɨŋ yəgɨŋ hɨn̰: Waŋ waŋ gɨ na laa kuduroy-hɔmɛ dan̰ kurɨndi na, kɨya orɨn̰ge danayi tumoy ka-bɔyɛ kɔl gaŋ. Waŋ waŋ gɨ na yan̰ kurɨndi ji naa ba-matɨr na, kɨya orɨn̰ge danayi tumoy ka-bɔyɛ kɔl cay Jubɨn̰əŋ. Waŋ waŋ gɨ na yan̰ kurɨndi ji na ba-dɨngale na, ojɨ gɨ ni orɨn̰ge danayi duroy tɨwa di ƴee dan̰ tumɔɔ di ni gehɛn dɨŋ.

Matɨyo 9:4

Jesu sol ɨrɨme koge lee gɨ ban yege hɨn̰: «Na kɨya wa ma magɨŋ ɨrɨm ɨrɨme gɨ ɨsɨni a kuduroygɨŋ ga?

Marg 3:5

Jesu dor tɨdi solge pɨna pɨna dan̰ kuduroy-hɔmɛ. Homii tɔgɨ kɨya cay kuduroy-osɨwa koge bɨ, ban yen̰ gɨlmi le hɨn̰: «Tara kobɨn̰.» Ungo le tar kobi bɨ, kobi le jɨga poɗɨ.

Kɔl-gɨ-Ɗari gɨ Lug wal 7:39

Kɨɗɨn̰ ga Parɨsɨn̰a gɨ ba mɔlɛ Jesu sol hɨnga ga nee le na, ban ɨrɨm kuduroyi hɨn̰: «Hɨn̰ gɨ ungo gɨ nee le, naa ba-yɔɔ-kɔl-gɨ-Kumu-ba-yɔɔ leen̰ cɨndi na, ban ni kɨya sɔlɛ tama di ɗe əsɨbi le gɨye-lɔɔdo bɨ, ni kɨya sɔlɛ hɨn̰ gɨ naa tama di ɗe-lɔɔ ɨsɨna bɨ.»

1 Korɛ̰t 10:24

Ɗɔɔ gɨ waŋ waŋ kalɨn̰ ma male hɨnga ga ojɨ cay ɗarwa di da kuyoŋdi-gusi koyi ƴɔbɨ naŋ, ama mala na hɨnga ga ojɨ cay ɗarwa di da kamdi dɨm.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 11:18

Hɨnga ga cay wase na yəŋge gɨ kɨɗɨn̰ ga kɨŋ na daya caygɨŋ kɨɗɨn̰ dayaŋ gaŋ na, puyoŋ na woy duroygɨŋ. Bɨ ɨŋ sol kuɗa gɨ na kɔl gɨ ni poy nɔm naŋ.

1 Korɛ̰t 12:25

Hɨn̰ wo̰ ɗe puyoŋ na unɔ duroy kuyoŋdi-gusɨna ama ɗe kuyoŋdi-gusɨna nɔm na sɨlage kardi gusɨge ɗe ɓadɨlɨn̰.

1 Korɛ̰t 7:36

Hɨn̰ gɨ ungo na sɨla gɨ kan̰e ƴɔɔ-turmɔ di kan ba ƴom caa bii naa hɨnga ga ɨsɨn bɨ, hɨn̰ gɨ tabɨlaŋdi turmɔ di kan ba ƴom caa bii le na laayi tɔgɨ bɨ na. Ɗa gɨ kan ƴa gusɨge. Kan laage na ɨsɨna naŋ.

2 Korɛ̰t 5:19

Na cɨndi, tumɔ Kumu lee gɨye dan̰ gɨyəŋ gɨ da Kɨris been̰ kalaŋ pɨna danayi, dɨle ɗɔngɨsɛ kardi hɨnga ga dan̰ gɨyəŋdɨge naŋ ga kan leege le. Gɨye bɔgɛ kalaŋ pɨna danayi gɨ nee le, Kumu gusi ba bogɨni kobɨni.

Galad 5:13

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Pilib 2:21

Kalaŋ nɔm malge na hɨnga ga kɨya ɨrgan̰ dan̰ ɗarwa di da kuyoŋdi-gusɨge koge ƴɔbɨ, ama na hɨnga ga kɨya ɨrgan̰ dan̰ ɗarwa kol cay Jesu-Kɨris naŋ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

2 Tesalonigɨ 3:7

Kɨya wa kɨŋ sol gɨyəŋ gɨ ni ayɨn̰ cay tɨbay gɨye-lɔɔdini kuɗa: Kɨya wa ni wɨya kuŋ a cay gusɨni gɨŋ a duroygɨŋ naŋ.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

2 Timote 4:16

Wɔlɛ bɔyɛ kɔl hɨnge gɨŋ gɨ cay wase gɨ ɨŋ dorɨn̰ kɔl ƴen̰ canɨ le, ungo pɨna wo̰ ɨra karɨnɨ naŋ, ama kan nɔm ɗəŋge coŋ. Kuɗa gɨ Kumu ɗɔɔ kɔl gɨ nee le ƴɔmɛ cayge naŋ.

Magtubu di Jag wal 1:19

Karmɨnɨ ga ban̰aŋ dan̰ ga kandɨ, ga ɨŋ lee-toygɨŋ. Hɨngɨŋ kuɗa cay kɔl gɨ ɨŋ ba kɨya yɔ kɛ: Dɨragɨŋ sɨmaygɨŋ kuɗa jan̰gɨŋ kɔl haw, ama yɔɔgɨŋ kɔl haw naŋ bɨ, lɔɔgɨŋ kuduroy-hɔmɛ haw naŋ bɨ.