1 Korɛ̰t 13:2 - Gabri Maja

² Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.

1 Korɛ̰t 13:2 ပူးပေါင်းရင်းမြစ်များ

Matɨyo 13:11

Ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga woy ojɨ cay dɔɔ-ƴaa di daa nii, ama kan ga kɛ le ban bɨge gɨyəŋ naŋ ƴee.

Matɨyo 17:20

Ɨni na, Jesu dɨbɨge cay nee yege hɨn̰: «Na kɨya gɨ aye kudurɔ kogɨŋ ɓala hɨnga naŋ. Aŋ yəgɨŋ daa waŋ na cɨndi: Hɨn̰ gɨ aye kudurɔ kogɨŋ na gumu hɨn̰ cɨn̰ hɨnga ga n̰en̰əŋ ga kan teegege naa mutardɨ na, kɨŋ kɨya yon̰ garma gɨ kɛ le hɨn̰: “Ɗɨda kɛ ɨra nii kɔ coŋ na”, kɨya ɗɔdɛ bɨ, hɨnga pɨna kɨya mɨn̰gɨŋ naŋ bɨ.

Matɨyo 21:19

Ban sol tuguyɔŋ di pɨna wo̰ bongi gɨyəŋ gɨŋ ɨni na, ɨrga toy nee, ama hɨnga ga ban way cay nee na kabɨn̰do ƴɔbɨ. Ɨni na, ban yen̰ tuguyɔŋ le hɨn̰: «Me kɨya wɔɔ wɔɔde naŋ bɨrɨŋ ɨni!» Ɨni na, tuguyɔŋ le hayi kuyɔm coŋ kɨɗɨn̰di ga nee gaŋ le.

Matɨyo 21:21

Ɨni na, Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Hɨn̰ gɨ kɨŋ na ɨran̰ dan̰ aye kudurɔ bɨ, kɨŋ na ɨrɨm kuduroygɨŋ sɔɔ sɔɔ naŋ bɨ na, na hɨnga ga ɨŋ lee dan̰ tuguyɔŋ di kɛ le ƴɔbɨ ma, magɨŋ kɨya lɔɔ naŋ. Garma gɨ woy kɛ le kalɨn̰ ma, hɨn̰ gɨ kɨŋ na yayi hɨn̰: “Ɗɨda a kɨɗɨn̰ ga kɛ gaŋ coŋ, bɨ ɨra bɔɔ a duroy kuray gɨ gumu taa taa gɨŋ na”, kɨya ɗɔdɛ ɔrɛ bɔɔ duroy kuray gɨ gumu gɨŋ.

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Magtubu di Pol wal bɨn̰ kalaŋ ga Rɔm 15:14

Ay karmɨnɨ ga ban̰aŋ dan̰ ga kandɨ, gɨ ojɨ caygɨŋ kɨŋ-gandi na, ɨŋ-bandi dan̰ gusɨnɨ hɨnge ɨŋ sol kuɗa gɨ ɗarwa bɨ sɔlɛ-hɨnga bɨ walɨn̰ kuduroygɨŋ jɨŋ jɨŋ daa bɨ, kɨŋ ɓal hale gusɨgɨŋ duroygɨŋ bɨ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

1 Korɛ̰t 11:4

Hɨn̰ gɨ bara na ɨr ula Kumu, naŋ le na ɨr ya-kɔl-gɨ-Kumu-ba-yɔɔ ma na saɗa cayi na, ban dɨbɨ na dasi cay Kɨris gɨ na ba-cay.

1 Korɛ̰t 12:28

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,

1 Korɛ̰t 13:1

Ko hɨn̰ gɨ ɨŋ na ya na kɨbɨ gɨ da kalaŋ ga a cay gɨsəŋ gaŋ bɨ, ga da ka-ƴɔbɛ ga daa bɨ, ama wandɨ na unɔ gusɨnɨ na, kɔl yɔnɨ gɨlɨn̰ na hɨn̰ mandaŋ gɨ ye wo̰, naŋ le na hɨn̰ nare gɨ yɨle gɨ wol gɨ joɗɨge wo̰ bɨ.

1 Korɛ̰t 13:3

Ko hɨn̰ gɨ ɨŋ na gusɨna naa hɨnga wɔɔnɨ nɔm ga ɨŋ orɨn̰ bɨn̰ ka-n̰age ɗe diige bɨ, hɨn̰ gɨ ɨŋ na aya naa kuyoŋdi-gusɨnɨ bee ɗe ulge bɨ, ma hɨn̰ gɨ wandɨ na unɔ gusɨnɨ na, hɨnga pɨna ga ɨŋ kɨya wɔɔ toy nee le unɔ.

1 Korɛ̰t 13:8

Wandɨ kɨya kaɗɨn̰e naŋ bɨrɨŋ. Te yɔɔ-kɔl-gɨ-Kumu-ba-yɔɔ kɨya ayaŋ bɨ. Wɔlɛ kɨya caga gɨ dɔnɔ di ni yon̰ kɨbɨn̰əŋ ga ungo sɨla toyge naŋ kɨya ayaŋ bɨ, wɔlɛ kɨya caga gɨ te sɔlɛ-hɨnga kɨya kaga bɨ.

1 Korɛ̰t 14:29

Ɗa gɨ sɔɔ naŋ le kalaŋ sɨbɨ yage-kɔl-gɨ-Kumu-ba-yɔɔ bɨ, ɗa gɨ toyge ga ba kɨbage duroy kɔl koge.

1 Korɛ̰t 14:39

Naa hɨn̰ wo̰ na, karmɨnɨ ga ban̰aŋ dan̰ ga kandɨ, ɨran̰gɨŋ dan̰ kuroŋ gɨ ni bɨle ka-yɔɔ-kɔl-gɨ-Kumu-ba-yɔɔ bɨ, kɨŋ ɗɔɔ ba nare kalaŋ yɔ kɨbɨ gɨ ungo sɨla toy naŋ naŋ bɨ.

1 Korɛ̰t 14:4

Ungo gɨ ye kɨbɨ gɨ ungo sɨla naŋ le, jɨb na te aye kudurɔ koyi ban gaŋ, ama ba-yɔɔ-kɔl-gɨ-Kumu-ba-yɔɔ le jɨb na te Ka-Daye nɔm.

1 Korɛ̰t 15:51

Jagɨŋ, ɨŋ gey yogɨŋ hɨnga pɨna ga woy kɨɗɨn̰ ɓurongɛdɨge gaŋ ɗe agɨŋ sol. Na kɨya mare nɔm naŋ, ama na-gandi nɔm le kuyoŋdi-gusɨna kɨya bɨləŋ.

1 Korɛ̰t 16:22

Hɨn̰ gɨ ungo na gey Ba-gulɔŋ naŋ na, ɗa gɨ ɓɨse ƴɨma cayi! Marana ta, Ba-gulondɨna ɨre.

1 Korɛ̰t 4:1

Naa hɨn̰ wo̰ na, kuɗa gɨ kɨŋ sɨlani laan̰ marɨne ka-gɨye ga da Kɨris bɨ, laan̰ kalaŋ ka-sɔlɛ kardi hɨnga ga da Kumu ga woy kɨɗɨn̰ wɔsɛdɨge gaŋ bɨ.

1 Korɛ̰t 7:19

Hɨn̰ gɨ ungo na wala ban̰a, naŋ le na wala ban̰a kalɨn̰ ma, hɨnga ga nee le kɨya lɔɔ hɨnga naŋ. Hɨnga ga ojɨ gɨ ban kɨya kɔbɛ na, na te tumɔ da Kumu.

1 Korɛ̰t 8:4

Naa hɨn̰ wo̰ na, kɛ ni gɨ ɓale dɔɔ culom gɨ been̰ge kɨbar bɨn̰ kulan̰əŋ ga? Ni sol kuɗa, gɨ kula pɨna wo̰ kalɨn̰ ma unɔ a cay gɨsəŋ gaŋ kɛ bɨ, ni sol gɨ Kumu kalɨn̰ ma na pɨna hayi kəɗ kəɗ bɨ Kumu gɨ ɗaŋ unɔ.

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

Galad 5:16

Jagɨŋ, kɨbagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ hɨn̰ wo̰ na, kɨŋ kɨya kɔbɛ tabɨlaŋdi lɔɔ hɨnga ga da kuyoŋdi-gusɨgɨŋ naŋ.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 6:3

Hɨn̰ gɨ ungo na laa gusi ɗi naa gɨ gumu ɗɨn̰ karmii bɨrɨŋ jɨbɨn̰ toyge naŋ na, leen̰ cɨndi na ban laa hɨnga pɨna naŋ bɨ, nar na gusi koyi gaŋ bɨ.

Epɛs 3:4

Kɨɗɨn̰ ga kɨŋ na ɗɨngɨsa kɔl hɨnge gɨ nee le na, kɨŋ kɨya sɔlɛ gɨ ɨŋ na sol hɨnga ga ojɨ cay Kɨris ga woy kɨɗɨn̰ wɔsɛdɨge gaŋ le.

Epɛs 6:19

Ɨŋ-bandi kalɨn̰ ma, ulagɨŋ Kumu kol canɨ bɨ, ɗe Kumu ɗe kɔl gɨ dan̰ gɨyəŋdi kɨbɨnɨ, ɗe aŋ teen̰ bɛrnɛ Kɔl-gɨ-Ɗari gɨ woy kɨɗɨn̰ wɔsɛdi gɨŋ gɨ Kumu haŋgɨ cayi le, dɨle hundɔrɔ.

Kɔlɔs 1:26

Kɔl gɨ nee le na hɨnga ga woy kɨɗɨn̰ wɔsɛdɨge gaŋ ga Kumu gam kɨɗɨn̰ wɔsɛdɨge gaŋ ɨlge dan̰ ɨlge le. Haw kɛ ban lee gɨ cɨn̰ kan ga woyge dan̰ cɨndɨge hangaŋ cay nee.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

1 Ja̰ 4:8

Ungo gɨ geye unɔ kuduroy le, sɨla Kumu naŋ, kɨya gɨ Kumu gusi na geye.