1 Korɛ̰t 13:13 - Gabri Maja

¹³ Haw kɛ na, hɨnga ga woy dan̰ cɨndɨge yɔd le toyge won̰ na sɨbɨ: Na aye kudurɔ bɨ, bɔgɛ ɨrɨme a cay Kumu bɨ, wandɨ bɨ. Ama duroy kan ga sɨbɨ le, gɨ gumu ɗige nɔm na wandɨ.

1 Korɛ̰t 13:13 ပူးပေါင်းရင်းမြစ်များ

Kɔl-gɨ-Ɗari gɨ Lug wal 10:27

Ungo le, dɨbii cay nee yeyi hɨn̰: «“Ba-gulondɨn̰ Kumu le, ji kɨya ɗoyi jam cɨndɨn̰ gaŋ dan̰ ɗugon̰ di pɨna bɨ, dan̰ kuyoŋdi-gusɨn̰ nɔm bɨ, dan̰ togɨn̰ nɔm bɨ, dan̰ ɨrɨme dɨn̰ nɔm nee bɨ.” Bɨ “Ɗɔɔ kamdɨn̰ jam cɨndɨn̰ gaŋ, hɨn̰ gɨ ji ba geyɨn̰ kuyoŋdi-gusɨn̰ wo̰ bɨ.”»

Kɔl-gɨ-Ɗari gɨ Lug wal 22:32

Ama ɨŋ-bandi na, ɨŋ ol Kumu kol can̰ ɗe aye kudurɔ kon̰ na gɨ jɔgɛ karu naŋ. Kɨɗɨn̰ ga ji na bɨl gɨye lɔɔdɨn̰ jɨge gusɨnɨ na, dɨba bandɨ a kuduroy karmɨn̰.»

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

1 Korɛ̰t 14:1

Hɨn̰ wo̰ na ƴɨmagɨŋ te geye bɨ, ɗaŋ coŋ, ɨran̰gɨŋ dan̰ kurɔŋdi wɔɔ hɨnga ga da Turnɔ ɗe-kuduroy-bɛrɛ dan̰ ɗugoygɨŋ ga pɨna. Duroy hɨnga ga ni tɔrɛ-kɨbɨ ga nee le, ɨran̰gɨŋ na dan̰ kurɔŋdi yɔɔ-kɔl-gɨ-Kumu-ba-yɔɔ ɗe cɨla coŋ.

1 Korɛ̰t 16:14

Laagɨŋ hɨnga nɔm dan̰ geye.

1 Korɛ̰t 3:14

Ungo gɨ gɨye-lɔɔdi na wɨya jaŋ na, kɨya wɔɔ cay kobi.

1 Korɛ̰t 8:1

Haw kɛ, kɔl gɨ ojɨ cay kuyoŋ gɨ da nare gɨ been̰ge kɨbar bɨn̰ kulan̰əŋ le, na sol gɨ na-gandi nɔm na orɨn̰ dan̰ hɨnga ga ni sɔlɛ ojɨn̰ cayge. Hɨnga-sɔlɛ na hɨnga ga kɨya lɔɔ gɨ ungo gɨ ɨndi kɨya dogɨn̰ jorgii, ama wandɨ na hɨnga ga kɨya lɔɔ gɨ kalaŋ kɨya orɨn̰ge cɨndɨge tumɔ tumɔ te aye kudurɔ gɨŋ.

1 Korɛ̰t 8:3

Ama hɨn̰ gɨ ungo na gey Kumu na, ungo gɨ nee le Kumu solii ɨni.

2 Korɛ̰t 5:10

Kɨya wa naa wa wa kalɨn̰ ma, na-gandi nɔm na kɨya ɨregɨŋ tumoy Kɨris ɗe ban na bon̰ kɔl caynagɨŋ. Kɨɗɨn̰di ga nee gaŋ le na, waŋ waŋ kalɨn̰ ma kɨya wɔɔ hɨnga ojɨn̰ cay gɨye-lɔɔdi gɨ ɗari, naŋ le gɨ ɨsɨni, na hɨnga ga ban lee kɨɗɨn̰ ga ban ban̰ dan̰ kuyoŋdi-gusi a cay gɨsəŋ gaŋ kɛ.

2 Korɛ̰t 5:15

Ban ma na kɨya cay kalaŋ nɔm ɗe kan ga somge-bɨra le na sɨmage-bɨra na kol cayge ke naŋ, ama na kol cay ban gɨ ma ma boy lɨbɨ kol cayge le.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Pilib 1:9

Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ,

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

Kɔlɔs 3:14

Dɨbagɨŋ geye hɨn̰ badɨge wo̰ a cay hɨnga ga nee le nɔm, kɨya wa geye woy gɨlɨn̰ na hɨn̰ gangɨ di saɗɨ kalaŋ pɨna kuɗa duroŋ cɨrɛɗ wo̰.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 5:8

Ama na-gandi ga na kalaŋ ga da kɨɗɨn̰ ga woli le, kuɗa gɨ na ƴɨma gusɨna a cay hɨnga nɔm. Dɨbanagɨŋ badɨge ga ni kɨmbɨl ga na nare gɨ na aye kudurɔ bɨ, geye bɨ le a gusɨnagɨŋ, bɨ jagɨwa ga ni kɨmbɨl gɨ na bɔgɛ ɨrɨmedɨna cay pɔɗɛ gɨŋ le, cayna gɨŋ bɨ.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

2 Timote 1:7

Kɨya wa Kumu bɨnagɨŋ na Turnɔ di ni hɨndarɨn̰ cɨn̰ ungo naŋ. Ama dan̰ gɨyəŋ gɨ da Turnɔ ɗe-kuduroy-bɛrɛ le, ban bɨnagɨŋ tɔgɨ bɨ, geye bɨ, ƴɔmɛ gusɨna osɨwa cay hɨnga gaŋ bɨ.

Əbɨro 10:35

Naa hɨn̰ wo̰ na, kɨŋ ɗɔɔ ba kaye bandɨ togɨŋ naŋ: Kɨya wa hɨnga ga ni cay kobɨgɨŋ ga gumu woy ojɨ cay bandɨ di nee le.

Əbɨro 10:39

Ama na-gandi na, na na kalaŋ ga kɨya dɔrɛ toynagɨŋ karu ɗe ana na orɨn̰gɨŋ mundoŋ gɨŋ naŋ. Na na kalaŋ ga ka-aye kudurɔ bɨ, na orgɨŋ na te gɨyəŋ gɨ ni pɔɗɛ gɨŋ bɨ.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

Əbɨro 6:19

Hɨnga ga na bee ɨrɨmedɨna cay nee ga nee le, na hɨnga ga saɗɨ sɔmɛ-bɨra kona dugo kɨɗɨn̰ pɨna ɗɛgɛgɛ wo̰. Na hɨnga ga leen̰ cɨndi bɨ ɨre osu bɨ. Hɨnga ga na bee ɨrɨmedɨna cay nee le, or bɨrɨŋ andaŋ ƴen̰ a kardi badɨge ga kan bon̰ge duroy ƴaa di Kumu woy duroy nee.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Ja̰ 2:10

Ama ungo gɨ na gey karmii ga ban̰aŋ dan̰ ga kandɨ na, ban som na a duroy asɨn̰a gɨŋ bɨ, ban ɨran̰ dan̰ hɨnga ga kɨya dɔgɛ tɨbayi dorii a te gɨyəŋ gɨŋ coŋ naŋ bɨ.

1 Ja̰ 2:14

Ay, karɨn̰aŋ, ɨŋ wal kɔl gɨ kɛ le bɨgɨŋ: «Kɨŋ sol Bayna.» Ay, karɨn̰aŋ ban̰an̰ge, ɨŋ wal kɔl gɨ kɛ le bɨgɨŋ: «Kɨŋ sol ban gɨ som a toyi dɨŋ ɓɨrag.» Ay, marɨne, ɨŋ wal kɔl gɨ kɛ le bɨgɨŋ: «Kɨŋ lee bandɨ bɨ, kɔl gɨ da Kumu ƴom kuduroygɨŋ bɨ, kɨŋ boy-kɨmbɨl cay Haban̰ Ba-lɔɔ ɨsɨna bɨ.»

1 Ja̰ 2:24

Kɔl gɨ kɨŋ ba je a toyi dɨŋ le, kuɗa gɨ ɗe woy kuduroygɨŋ. Hɨn̰ gɨ kɔl gɨ kɨŋ ba je a toyi dɨŋ le, na wɨya kuduroygɨŋ na, kɨŋ bugoŋ pɨna dan̰ Kɨye bɨ, dan̰ Bayi bɨ.

1 Ja̰ 3:3

Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.

1 Ja̰ 3:9

Waŋ waŋ gɨ na bɨləŋ kurɨn̰ Kumu na kɨya lɔɔ ɨsɨna naŋ, kɨya wa Kumu gɨsɨ sɔmɛ-bɨra koyi a kuduroyi. Lee gɨ ban laa ɨsɨna cɨndi tumɔ tumɔ naŋ, kɨya wa Kumu bɨle na bayi.