1 Korɛ̰t 13:12 - Gabri Maja

¹² Na hɨn̰ wo̰ kol cayna bɨ. Haw kɛ na, na sol Kumu na hɨn̰ duroy kudurɔm gɨ mɨdagi gɨŋ wo̰, ama a wɔlɛ ga ɗaŋ gaŋ na, na kɨya solii dan̰ cɨndɨna gerɨn̰ gerɨn̰. Haw kɛ na ɨŋ sol na kɨway hɨnga ƴɔbɨ, ama wɔlɛdi gɨŋ na ɨŋ kɨya sɔlɛ-hɨnga nɔm, hɨn̰ gɨ Kumu ba sɔlɔŋ wo̰ bɨ le.

1 Korɛ̰t 13:12 ပူးပေါင်းရင်းမြစ်များ

Matɨyo 18:10

«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Matɨyo 5:8

Tumoy wolwa woy caygɨŋ, kɨŋ ga kuduroygɨŋ bɛrɛ kən̰jəŋ, Kɨya wa kɨŋ kɨya sɔlɛ Kumu!

Kɔl-gɨ-Ɗari gɨ Ja̰ wal 10:15

Hɨn̰ gɨ Banɨ ba sɔlɔŋ bɨ, ɨŋ-bandi, ɨŋ ba solii bɨ le, lee gɨ ɨŋ ay gusɨnɨ dɨbɨ coŋ kɨya gamge kange.

Magtubu di Pol wal bɨn̰ kalaŋ ga Rɔm 8:18

Kɨɗɨn̰ ga ɨŋ ba ɨrɨm a cay gusoŋ-tɔgɛ gɨ Kumu ba kɨya wasɨn̰e cay bɨna kardi nee le, hɨnga ga ni gɨle-cɨn̰ ga a tɨwa di haw kɛ dɨŋ le, ɨŋ ɗongɨsɨge na dḛ wo̰ ƴɔbɨ gɨsɨn̰ danaa.

1 Korɛ̰t 13:11

Jagɨŋ, kɨɗɨn̰ ga ɨŋ ba karma ƴee le, ɨŋ ye na kɔl karma bɨ, ɨrɨmenɨ na ɨrɨme gɨ ni karma bɨ, kɔl yɔnɨ na kɔl karma bɨ. Ama kɨɗɨn̰ ga ɨŋ malgɨ ɓal bara ɨni na, ɨŋ ɗe gɨye-lɔɔ gɨ ni karma coŋ.

1 Korɛ̰t 8:3

Ama hɨn̰ gɨ ungo na gey Kumu na, ungo gɨ nee le Kumu solii ɨni.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

2 Korɛ̰t 5:7

Na cɨndi, na godɨrde na dan̰ gɨyəŋ gɨ da aye kudurɔ kona wala na gudɨrda na dan̰ gɨyəŋ gɨ da hɨnga ga na sol dan̰ cɨndɨna naŋ.

Pilib 3:12

Hɨnga ga ɨŋ ba gɨre koldɨge le ɨŋ ɨsɨma dan̰ kɔbɔŋ mɛj naŋ ƴee bɨ, ɨŋ duroŋ cɨrɛɗ naŋ ƴee bɨ. Ama ɨŋ gɨre cɨnɨ jɨn̰ cay hɨnga ga woy tumonɨ, ɗe aŋ na osɨmɨn̰ hɨnga ga ɨŋ gɨre koldɨge le dan̰ kɔbɔŋ mɛj, hɨn̰ Jesu-Kɨris kalɨn̰ ma ba ɔsɨmɔŋ dan̰ kobi wo̰ bɨ.

Magtubu di Jag wal 1:23

Hɨn̰ gɨ ungo na ja kɔl gɨ da Kumu ma na aya laan̰ gɨye naŋ na, ban gɨlɨn̰ na hɨn̰ ungo gɨ ba sɔlɛ cɨndi boy kudurɔm gɨŋ wo̰.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 22:4

Kan kɨya sɔlɛ cɨndi bɨ kɨya ɗɔge gusondi a jɨndɨge bɨ.