1 Korɛ̰t 12:25 - Gabri Maja

²⁵ Hɨn̰ wo̰ ɗe puyoŋ na unɔ duroy kuyoŋdi-gusɨna ama ɗe kuyoŋdi-gusɨna nɔm na sɨlage kardi gusɨge ɗe ɓadɨlɨn̰.

1 Korɛ̰t 12:25 ပူးပေါင်းရင်းမြစ်များ

1 Korɛ̰t 12:24

Kɨway gusɨna ga ɗaŋ ga da dasi naŋ le dɨlage a cay hɨnga ga nee le naŋ. Ama Kumu lee kuyoŋdi-gusɨna dan̰ gɨyəŋ gɨ kɨway gusɨna ga wɨyan̰ hɨrame naŋ le, hɨramgege tɔgɨ.

1 Korɛ̰t 12:26

Hɨn̰ gɨ kɨway gusɨna gɨ pɨna na gɨl-cɨn̰ na te kɨway gusɨna nɔm gɨlge-cɨn̰ pɨna danayi bɨ. Hɨn̰ gɨ kɨway gusɨna gɨ pɨna na wa hɨrame na te kɨway gusɨna ga ba nɔm leege gusi-mɔwa pɨna danayi bɨ.

1 Korɛ̰t 3:3

Kɨya wa kɨŋ ɨre lee hɨnga na dan̰ gɨyəŋ gɨ da kuyoŋ-gusu ƴee. Kɨɗɨn̰ ga jangɨ bɨ bɔjɨn̰ɛ bɨ woy duroygɨŋ le, kɛ kɨŋ na ka-lɔɔ hɨnga dan̰ gɨyəŋ gɨ da kuyoŋ-gusu naŋ ga? Kɛ gɨye-lɔɔdɨgɨŋ gɨlɨn̰ pɨna na dan̰ gɨ da kalaŋ ga ɨndəŋ naŋ ga?

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

2 Korɛ̰t 7:12

Na cɨndi, wɔlɛ gɨ nee le ɨŋ wal magtubu gɨyɨn̰ bɨgɨŋ, ama ɨŋ wala na kɨya cay ungo gɨ ba-lɔɔ ɨsɨna le naŋ bɨ, cay ungo gɨ leeyige ɨsɨna le naŋ bɨ. Ɨŋ wal na kɨya gɨle gɨ kɨŋ na som pɛɗɛɗɛ gɨ ni lɔɔ hɨnga kol cayni. Sɔmɛ gɨ kɨŋ ba som pɛɗɛɗɛ kol cayni le, woy cɨn̰ tɨwa dɨŋ ɗen̰ ɗen̰ cɨndɨgɨŋ bɨ, cɨn̰ Kumu bɨ.

2 Korɛ̰t 8:16

Laan̰nagɨŋ Kumu ho’o kol bee gɨ ban bɨn̰ Titɨ gusi-hɨmbalwa hɨn̰ gusi-hɨmbalwa tɨnge ɨŋ-bandi wo̰ kɨya jɨbɨn̰ toygɨŋ.