1 Korɛ̰t 12:13 - Gabri Maja

¹³ Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

1 Korɛ̰t 12:13 ပူးပေါင်းရင်းမြစ်များ

Matɨyo 3:11

Ɨŋ-bandi na, ɨŋ leegɨŋ batɛm na dan̰ kaŋ ɗe gɨl gɨ kɨŋ na bɨle gɨye-lɔɔdɨgɨŋ. Ama ban gɨ tɨlga karɨnɨ nee le, dɔnɔdi ɗəŋ bɨrɨŋ gɨ ɨŋ ɓala gɨ ni pɨndɨre gangɨdi gɨyabe ga a tɨbayi coŋ naŋ. Ungo gɨ nee le ba kɨya loogɨŋ batɛm dan̰ Turnɔ ɗe-kuduroy-bɛrɛ bɨ, dan̰ tɨwa bɨ.

Kɔl-gɨ-Ɗari gɨ Lug wal 3:16

Ɨni na, Ja̰ yege hɨn̰: «Ɨŋ-bandi le, Ɨŋ leegɨŋ batɛm na dan̰ kaŋ ƴɔbɨ. Ama ungo gɨ pɨna wo̰ gɨ dɔnɔdi ɗɨn̰ tɨnge tɨlga karɨnɨ nee. Ɨŋ ɓala gɨ ni pɨndɨre gangɨdi gɨyabe ga a tɨbayi naŋ. Ungo gɨ nee le ba kɨya loogɨŋ batɛm dan̰ Turnɔ ɗe-kuduroy-bɛrɛ bɨ, dan̰ tɨwa bɨ.

Kɔl-gɨ-Ɗari gɨ Ja̰ wal 1:16

Hɨnga wɔɔdi ga ɗɨn̰ cɨn̰-kɨɗɨn̰ le, ni-gandi nɔm ni way kani ga ojɨ cayni, na kɨya cay ɗarwa toyi di say cay mɨga dɨŋ nee nee bɨ.

Kɔl-gɨ-Ɗari gɨ Ja̰ wal 1:33

Tumɔ ɨŋ sɨla hɨn̰ gɨ naa ban ma, maŋ naa na ye koldi naŋ, ama ban gɨ ba gɨyigəŋ loon̰ kalaŋ batɛm boy kaŋ gaŋ le, yəŋ hɨn̰: «“Ungo gɨ ji na sɨla Turnɔ di da Kumu na se daa ɨre gɨsɨn sɨma cayi na, na ban gɨ ba-leen̰ kalaŋ batɛm dan̰ Turnɔ ɗe-kuduroy-bɛrɛ dɨŋ le”.

Kɔl-gɨ-Ɗari gɨ Ja̰ wal 3:5

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na wɔɔge ungo dan̰ kaŋ naŋ bɨ, dan̰ Turnɔ di da Kumu naŋ bɨ na, ban kɨya ɓale andaŋ a boy dɔɔ-ƴaa di da Kumu dɨŋ naŋ.

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 6:63

Na turnɔ da Kumu ba bɨn̰ ungo sɔmɛ-bɨra gɨ dan̰ cɨndi, ama kuyoŋdi-gusi ungo laa danayi naŋ. Kɔl nɔm gɨ ɨŋ ba yəgɨŋ le, sayga na gusi Turnɔ di da Kumu bɨ, bee sɔmɛ-bɨra gɨ dan̰ cɨndi bɨ.

Gɨye-lɔɔ 1:5

Kɨya wa Ja̰ leen̰ kalaŋ batɛm na duroy kaŋ gaŋ, ama baa wɔlɛ dḛ wo̰ gɨ Kumu kɨya loogɨŋ batɛm da Turnɔ ɗe-kuduroy-bɛrɛ.»

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

Magtubu di Pol wal bɨn̰ kalaŋ ga Rɔm 3:29

Kɛ, kɨŋ ɨrɨm hɨn̰ gɨ Kumu naa Kumu gɨ da Jubɨn̰əŋ kan̰dɨge ga? Kɛ, te kalaŋ ga toyge na Jubɨ naŋ le, ban na Kumu koge bɨ naŋ ga? Ban na Kumu koge bɨ leen̰ cɨndi,

Magtubu di Pol wal bɨn̰ kalaŋ ga Rɔm 4:11

Kumu bɨn̰ Abɨraham kambe ga da wale ban̰a na kɨya gɨlɨn̰ gɨ tumɔ dɨm ma ban walɨn̰ ban̰a ƴee le, ban bɨle ungo gɨ dan̰ durɔ ɗɨngar cɨn̰ Kumu na kɨya cay aye kudurɔ koyi. Na toy di hɨn̰ wo̰ ma, Abɨraham bɨle bay kalaŋ nɔm ga Kumu bɨlge leen̰ kalaŋ ga dan̰ durɔ ɗɨngar a cɨndi, kol aye kudurɔ koge ko kan na walage ban̰a naŋ.

1 Korɛ̰t 10:2

Lee gɨ kan nɔm bugoŋge pɨna dan̰ Moyis dan̰ gɨyəŋ gɨ da batɛm di bon̰ gɨrɨmbale gaŋ bɨ, bon̰ kuray gɨ gumu gɨŋ bɨ.

Galad 3:23

Tumɔ pa dɨm ma kɔl gɨ da aye kudurɔ ye ƴee na, ni-gandi ni woy na hɨn̰ ka-dangay wo̰ bɨ, kɔl gɨ da gasɨn̰-kɔl na ba gam ni gɨ dii cayni bɨrɨŋ gɨsɨn̰ gɨ Kumu gɨlni gɨyəŋ gɨ da aye kudurɔ.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Epɛs 4:5

Ba-gulɔŋ na pɨna hayi ƴɔbɨ bɨ, aye kudurɔ na pɨna hayi ƴɔbɨ bɨ, batɛm na pɨnaa ƴɔbɨ bɨ.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Epɛs 6:8

Sɨlagɨŋ kuɗa gɨ waŋ waŋ, guyɔŋ naŋ le ungo gɨ cay-kalɨn̰, kɨya wɔɔ hɨnga ga ni cay kobi na kobɨ Ba-gulɔŋ, dan̰ gɨyəŋ gɨ da gɨye-lɔɔdi gɨ kuɗa.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.