1 Korɛ̰t 12:11 - Gabri Maja

¹¹ Na Turnɔ di da Kumu di pɨnaa di nee le ba lɔɔ hɨnga ga nee le nɔm. Hɨndi gosɨn hɨnga ga ni bee-kalɨn̰ ga nee le bɨn̰ waŋ waŋ kalɨn̰ ma dan̰ kuduroy geye kɔɔ.

1 Korɛ̰t 12:11 ပူးပေါင်းရင်းမြစ်များ

Matɨyo 11:26

Ho’o Banɨ, na ban mana hɨnga ga ji ojɨ dan̰ kuduroy geye kon̰.»

Matɨyo 20:15

Ɨŋ ɓala lɔɔ hɨnga ga kuduronɨ gey dan̰ hɨnga-wɔɔnɨ naŋ ga? Naŋ le, ji lee na cɨn̰-pɨɗɨma kɨya ɗarwa di ɨŋ lee le ga?”»

Kɔl-gɨ-Ɗari gɨ Ja̰ wal 3:27

Ɨni na, Ja̰ jɨga dɨbɨge cay nee yege hɨn̰: «Hɨnga ga Kumu ay bɨn̰ ungo dɨm ma ban kɨya wɔɔ ƴee. Ama ungo kɨya ɓale wɔɔ dan̰ cay gusi naŋ.

Kɔl-gɨ-Ɗari gɨ Ja̰ wal 3:8

Kɨya wa kal gɨre na jɨn̰ kɨɗɨn̰ ga kuduroyi gey gaŋ. Ji je na noyi ama ji sɨla kɨɗɨn̰ ga ban saygan̰ nee naŋ bɨ, orɨn̰ jɨn̰ nee naŋ bɨ. Kɨya wɔyɛ na hɨn̰ wo̰, kɨya cay waŋ waŋ gɨ Turnɔ di da Kumu bii dan̰ sɔmɛ-bɨra gɨ hɨrɨwa.»

Kɔl-gɨ-Ɗari gɨ Ja̰ wal 5:21

Hɨn̰ gɨ kɨye bayi boy kalaŋ ga madɨrdaŋ lɨbge bɨ, lee gɨ kan somin̰ge-bɨra bɨ le, na hɨn̰ wo̰ ma, Kurɔŋ kalɨn̰ ma lee gɨ ɗe kan ga kuduroyi geyge le, na sɨman̰ge-bɨra bɨ.

Magtubu di Pol wal bɨn̰ kalaŋ ga Rɔm 12:6

Na orɨn̰ dan̰ hɨnga ga ni bee-kalɨn̰ ga toyge kan̰dɨge kan̰dɨge dan̰ gɨyəŋ gɨ da ɗarwa di Kumu lee danana. Hɨn̰ gɨ Kumu na bɨn̰ ungo dɔnɔ di ni yɔɔ-kɔl-gɨ-Kumu-ba-yɔɔ na, kuɗa gɨ ban ya ɗe or pɨna dan̰ aye kudurɔ.

Magtubu di Pol wal bɨn̰ kalaŋ ga Rɔm 9:18

Lee gɨ dan̰ kɔl gɨ nee le na, na sol gɨ ungo gɨ Kumu gey sɔlɛ cɨn̰-n̰age toyi na, ban kɨya sɔlɛ cɨn̰-n̰age toyi bɨ, ungo gɨ Kumu gey lɔɔ gɨ kuduroyi na usa na, ban kɨya lɔɔ gɨ kuduroyi na usa bɨ.

1 Korɛ̰t 12:18

Ama Kumu si kɨway gusɨna pɨna pɨna gusɨna na dan̰ kuduroy geye koyi.

1 Korɛ̰t 12:4

Hɨnga ga Turnɔ di da Kumu bɨn̰ kalaŋ kalɨn̰ le toyge kondɨ, ama na Turnɔ di da Kumu di pɨnaa di nee le ba bɨge.

1 Korɛ̰t 12:6

Gɨyəŋ gɨ kalaŋ leen̰ge gɨye toy kondɨ, ama na Kumu gɨ pɨna hayi gɨ nee le ma, mana ba lɔɔdɨge nɔm a kuduroyna nɔm.

1 Korɛ̰t 7:17

Gasi kɔl ba kɛ, ɗa gɨ waŋ waŋ kalɨn̰ ma sɨma hɨn̰ gɨ tumɔ Ba-gulɔŋ ba bii gɨ ni somɨn̰ kɨɗɨn̰di gaŋ pa dɨm ma Kumu ba teeyi ƴee le. Na hɨnga ga nee le ma na te tumɔ di ɨŋ bɨn̰ Ka-Daye a kɨɗɨn̰ gaŋ nɔm.

1 Korɛ̰t 7:7

Na cɨndi ɨŋ gey gɨ kalaŋ nɔm na wɨyage hɨn̰ ɨŋ-bandi wo̰. Ama waŋ waŋ kalɨn̰ ma, Kumu bii hɨnga ga ni bee-kalɨn̰ ga ojɨn̰ cayi. Na toy di hɨn̰ wo̰ ma, ungo pɨna way gɨ ni somɨn̰ gaba bɨ, ungo gɨ ɗaŋ way gɨ ni ƴon̰-tama bɨ.

2 Korɛ̰t 10:13

Ama ni-gandi na, ni kɨya gɨle gusɨni tɔgɨ naŋ. Ni sol cay kɨɗɛlɛ koni. Ni ye na kol gɨye gɨ ni lee a cay gɨsəŋ ga na cay kɨɗɛlɛ gɨ Kumu ojɨ bɨni gaŋ. Na cɨndi, kɨŋ-gandi kalɨn̰ ma kɨŋ woy na a kɨɗɨn̰ gɨye gɨ Kumu ojɨ cayi bɨni gɨŋ.

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 4:7

Ama Kɨris gosɨnɨn̰ waŋ waŋ kalɨn̰ ma duroyna hɨnga ga ni bee kalɨn̰ ga toyge kan̰dɨge kan̰dɨge, kɨya loon̰ gɨye koyi hɨn̰ gɨ ban ba ojɨ gɨ ni lɔɔ.

Əbɨro 2:4

Kumu kalɨn̰ ma gɨl gɨ tɨmon̰ di kan na leege le naa cɨndi, dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ bɨ, belin̰əŋ ga toyge kan̰dɨge kan̰dɨge bɨ, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ gɨ hɨndi gosɨn dan̰ kuduroy geye kɔɔ bɨ.

Magtubu di Jag wal 1:18

Na dan̰ gɨyəŋ gɨ da kɔl gɨ cɨndi ma ban woona dan̰ kuduroy geye koyi, ɗe ana na bɨlɨn̰ won̰ hɨn̰ kalaŋ se kayi ga cay wase cɨg cɨg wo̰.