1 Korɛ̰t 11:27 - Gabri Maja

²⁷ Na toy di hɨn̰ wo̰ ma ungo gɨ na da mapa wala sa hɨnga ga a bon̰ kobo gɨ ni nare gɨ da Ba-gulɔŋ dan̰ hal gɨ kuɗa gɨ ni dɨn̰ naŋ bɨ son̰ naŋ bɨ na, bɔyɛ kɔl kɨya ƴɔmɛ cayi kɨya wa ban hagɨr kuyon̰ Ba-gulɔŋ bɨ kɨbardi bɨ.

1 Korɛ̰t 11:27 ပူးပေါင်းရင်းမြစ်များ

Matɨyo 22:11

Kɨɗɨn̰ ga nee gaŋ, kɨlma andaŋ duroy ƴaa dɨŋ, solɨn̰ kalaŋ ga ban molge dɔɔ hɨnga gɨ da gɔrɛ ƴaa le ɨni na, ban sol ungo gɨ pɨna wo̰, gɨ dɨba badɨge ga ni orɨn̰ kɨɗɨn̰ gɔrɛ ƴaa gaŋ gusi naŋ.

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

1 Korɛ̰t 10:21

Kɨŋ-gandi kɨŋ kɨya ɓale sɔ hɨnga ga a boy kobo gɨ da Ba-gulɔŋ gɨŋ bɨ, sɔ hɨnga ga a boy kobo gɨ da turnɔ ga ɨsɨndəŋ gaŋ bɨ nee coŋ naŋ. Kɨŋ-gandi kɨŋ kɨya ɓale dɔɔ hɨnga a kɨbɨ tabɨl da Ba-gulɔŋ dɨŋ bɨ, dɔɔ hɨnga a kɨbɨ tabɨl da turnɔ ga ɨsɨndəŋ bɨ nee coŋ naŋ.

1 Korɛ̰t 11:29

Kɨya wa waŋ waŋ gɨ na da bɨ sa bɨ dɨle dorɨn̰ cɨn̰ kuyon̰ Ba-gulɔŋ na, hɨnga ga ban di bɨ si bɨ le na bɔyɛ kɔl gɨ ban boy a cay gusi koyi gɨŋ.

Əbɨro 10:29

Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.