1 Korɛ̰t 10:32 - Gabri Maja

³² Kɨŋ ɗɔɔ ba lɔɔ hɨnga pɨna ga kɨya bɨle gundo dɔgɛ tɨban̰ Jubɨn̰əŋ naŋ le, Gɨrɛgn̰əŋ naŋ le, Ka-Daye ga da Kumu, noge.

1 Korɛ̰t 10:32 ပူးပေါင်းရင်းမြစ်များ

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 24:16

Na kɨya cay kɔl gɨ nee le ma, maŋ ƴomɨn̰ togɨnɨ dan̰ wɔlɛ pɨna pɨna ɗe gɨ ɨrɨmenɨ masadi na unɔ tumoy Kumu bɨ, tumoy kalaŋ nee bɨ.»

Magtubu di Pol wal bɨn̰ kalaŋ ga Rɔm 14:13

Na hɨn̰ wo̰ ma, ɗanagɨŋ bɔyɛ kɔl a cay gusɨnagɨŋ baa. Kuɗa gɨ na uja gɨ ni lɔɔ hɨnga ga kɨya dɨbɨn̰ kurɨndɨna sɨya bɨrɨŋ gɨ ban kɨya andɨn̰ a te gɨyəŋ gɨŋ coŋ naŋ.

1 Korɛ̰t 1:2

Ni wal magtubu di kɛ le gɨyɨn̰ bɨn̰ na Ka-Daye ga da Kumu ga somge a cay ƴaa di Korɛ̰t bɨ, bɨn̰ kan ga woyge dan̰ cɨndɨge dan̰ bugoŋ pɨna dan̰ Jesu-Kɨris bɨ, bɨn̰ kalaŋ nɔm ga Kumu teege te gɨyəŋ koyi gɨŋ ɗe na bɨləŋge kalaŋ ga woyge dan̰ cɨndɨge dan̰ kalaŋ nɔm ga olge Kumu a kɨɗɨn̰ gaŋ nɔm dan̰ guson̰ Ba-gulɔŋ Jesu-Kɨris, ban gɨ na Ba-gulondɨge bɨ, Ba-gulondɨna bɨ le.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 11:22

Kɛ kɨŋ ɨran̰ dan̰ ƴaadɨgɨŋ gɨ ni dɨn̰ dɔɔ bɨ, gɨ ni sɨn̰ hɨnga bɨ, naŋ ga? Wala kɛ kɨŋ hagɨr na Ka-Daye gɨ da Kumu bɨ, kɨŋ gey dɨbe na dasi cay kan ga ɨran̰ dan̰ hɨnga naŋ bɨ ga? Kɛ ɨŋ yagɨŋ na wa ga? Kɛ ɨŋ hɨramagɨŋ koldi ga? Cə cə, ɨŋ kɨya hɨramgɨŋ koldi naŋ.

1 Korɛ̰t 12:28

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,

1 Korɛ̰t 15:9

A duroy ka-gɨre-gɨye nɔm le ɨŋ-bandi ma na gɨ dḛ ɗige bɨrɨŋ uja gɨ ni tɔgɔŋge ba-gɨre-gɨye kalɨn̰ ma naŋ, kɨya wa tumɔ ɨŋ gɨlɨn̰ Ka-Daye ga da Kumu cɨn̰-gɨle-cɨn̰.

1 Korɛ̰t 7:17

Gasi kɔl ba kɛ, ɗa gɨ waŋ waŋ kalɨn̰ ma sɨma hɨn̰ gɨ tumɔ Ba-gulɔŋ ba bii gɨ ni somɨn̰ kɨɗɨn̰di gaŋ pa dɨm ma Kumu ba teeyi ƴee le. Na hɨnga ga nee le ma na te tumɔ di ɨŋ bɨn̰ Ka-Daye a kɨɗɨn̰ gaŋ nɔm.

1 Korɛ̰t 8:13

Na toy di hɨn̰ wo̰ ma, hɨn̰ gɨ hɨnga ga ni dɔɔ naa hɨnga ga kɨya lɔɔ gɨ kurɨnɨ na kɨya bɔɔ boy ɨsɨna gɨŋ na, ɨŋ kɨya dɔɔ kuyoŋ gɨ nee le naŋ bɨrɨŋ dan̰ cɨnɨ, kuɗa ɗɨn̰ gɨ ni lɔɔ gɨ kurɨnɨ gɨ bɔɔ.

2 Korɛ̰t 1:1

Na ɨŋ-bandi Pol ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨgɨŋ Timote bɨ, ba gɨyɨn̰ge dan̰ magtubu di kɛ le. Ni gɨyɨn̰ bɨn̰ na Ka-Daye ga da Kumu ga a cay ƴaa-di-gumu di Korɛ̰t bɨ, kan ga woyge dan̰ cɨndɨge ga somge a cay gɨsəŋ ga Agay gaŋ nɔm bɨ.

2 Korɛ̰t 6:3

Ni gey lɔɔ hɨnga ga ɨsɨni wo̰ gɨ kɨya bɨle gundi sɨya dɔgɛ tɨbay ungo nayi naŋ, kɨya wa ni gey gɨ ungo na gɨ dɔrɛ kol gɨye gɨ ni lee ɨsɨn naŋ.

Galad 1:13

Kɨya wa kɨŋ je kol gɨye-lɔɔnɨ gɨ jɨne, kɨɗɨn̰ ga ɨŋ ba leen̰ gɨye bɨn̰ Kumu dan̰ gɨyəŋ gɨ da kalaŋ ga ni Jubɨ le. Ɨŋ gɨlɨn̰ Ka-Daye ga da Kumu kayi cɨn̰-gɨle-cɨn̰ dan̰ man̰e tɔgɨ bɨ, ɨŋ leege hɨnga ga ɨsɨni tɔgɨ bɨ.

Pilib 1:10

ɗe agɨŋ ɓalɨn̰ dorɨn̰ cɨn̰ hɨnga ga ɗari. Na toy di hɨn̰ wo̰ ma, wɔlɛ gɨ Jesu-Kɨris kɨya caga le kɨŋ kɨya duroŋ mɨra bɨ masadɨgɨŋ kɨya unɔ bɨ.

Pilib 3:6

Gɨ ojɨ cay gusi-hɨmbalwa na, ɨŋ lun̰doŋ kardi gasɨn̰-kɔl osu bɨrɨŋ gɨ ɨŋ gɨlɨn̰ Ka-Daye cɨn̰-gɨle-cɨn̰ gɨɗaŋ. Ungo wo̰ kɨya ɓale dɨbe kɔl canɨ gɨ ɨŋ na hangɨɗɨ cay gasɨn̰-kɔl naŋ, kɨya wa ɨŋ bee kɔl cay nee ɗəndəŋ.

1 Tesalonigɨ 2:14

Ay, karmɨnɨ ga ban̰aŋ dan̰ ga kandɨ, kɨŋ ay cay tɨban̰ gɨyəŋ gɨ nee le, hɨn̰ Ka-Daye ga da Kumu ga bugoŋge pɨna dan̰ Jesu-Kɨris, ga somge a cay gɨsəŋ ga Jude gaŋ le. Kɨŋ woy na hɨn̰ kan wo̰ bɨ. Kalaŋ ga a cay gɨsəŋ kagɨŋ gaŋ gɨlgɨŋge cɨn̰ na hɨn̰ gɨ Jubɨn̰əŋ kalɨn̰ ma ba gɨlɨn̰ge kalaŋ ga da Jesu ga a cay gɨsəŋ kage gaŋ cɨn̰ wo̰ bɨ.

1 Timote 3:15

Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.

1 Timote 3:5

Na cɨndi, ungo gɨ na sɨla dɔrɛ tumoy kalaŋ ga a duroy ƴaadi dɨŋ naŋ na, kɛ kɨya sɔlɛ kardi Ka-Daye ga da Kumu na mɨna ga?