1 Korɛ̰t 10:13 - Gabri Maja

¹³ Hɨnga ga ni gɨybe ga toyge kan̰dɨge kan̰dɨge ga ba leegɨŋ le, gɨlɨn̰ na dan̰ hɨnga ga ni gɨybe ga da kamdɨgɨŋ kalaŋ ga ɨndəŋ bɨ. Kumu na ungo gɨ ɨre a cay tɨbay dɨŋ, ban kɨya ɗɔɔ hɨnga ga ni gɨybe ɗɨn̰ togɨygɨŋ naŋ. Ama kɨɗɨn̰ ga hɨnga ga ni gɨybe na andaŋ caygɨŋ na ban kɨya bɨgɨŋ tɔgɨ ɗe agɨŋ na ƴomɨn̰ kuduroygɨŋ bɨ, kɨya bɨgɨŋ gɨyəŋ ɗe agɨŋ na andɨn̰ duroy nee coŋ bɨ.

1 Korɛ̰t 10:13 ပူးပေါင်းရင်းမြစ်များ

Matɨyo 6:13

Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

Kɔl-gɨ-Ɗari gɨ Lug wal 11:4

Ɗa kuduron̰ jala cay ɨsɨna koni, Hɨn̰ gɨ ni-gandi kalɨn̰ ma ni ba ɗen̰ kuduroyni jal A cay waŋ waŋ gɨ ba looni ɨsɨna wo̰ bɨ. Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ.”»

Kɔl-gɨ-Ɗari gɨ Lug wal 16:26

Ɗaŋ coŋ, duroygɨŋ kɨŋ-gandi bɨ ni-gandi bɨ le, umboŋ gɨ kagadi unɔ woy a duroynagɨŋ. Na ban ma kɨɗɨn̰ ga ni sɔ gusɨni ɔrɛ gusɨgɨŋ unɔ bɨ, kɨɗɨn̰ ga ni sɔ gusɨgɨŋ ɨrgan̰ gusɨni unɔ nee bɨ.”

Kɔl-gɨ-Ɗari gɨ Lug wal 22:46

Ban say yege hɨn̰: «Jə! Na kɨya wa ma magɨŋ woy kuŋ hɨn̰ wo̰ ga? Sagɨŋ daa ulagɨŋ Kumu ɗe agɨŋ ban̰ duroy hɨnga ga ni gɨybe gaŋ naŋ.»

Gɨye-lɔɔ 27:44

Bɨ kan ga na sɨlage tɔgɛ nale naŋ le, na dɨnage sɨyan̰əŋ ga wodɨldəŋ, naŋ le gundi sɨya di koburo gɨ gumu taa taa ga puyoŋ wɨydan̰ge cay nee haɗan̰ge ɨran̰. Na hɨn̰ wo̰ ma, kan nɔm kɨbɨge koge gɨŋ, andɨn̰ge kɨbɨge koge gɨŋ cɨrab a cay gɨsəŋ gaŋ.

1 Korɛ̰t 1:9

Kumu gɨ ba togɨgɨŋ ɗe agɨŋ na bugoŋ pɨna dan̰ Kurondi Jesu-Kɨris gɨ na Ba-gulondɨna le, na Kumu gɨ ba ɨre a cay gasɨndi gaŋ.

2 Korɛ̰t 1:10

Na cɨndi, Kumu gɨ ba boɗɨni kɨbɨ tɨma di ba hɨn̰ wo̰ dɨŋ le, ban kɨya boɗɨni ɗaŋ coŋ. Ni bee ɨrɨmedɨni nɔm na cayi ban ƴɔbɨ, ho’o ban kɨya dorni kɨbɨ tɨma dɨŋ ɗaŋ coŋ.

1 Tesalonigɨ 5:24

Ban gɨ təgɨŋ a te gɨyəŋ koyi gɨŋ le, na ba ɨre a cay tɨbayi dɨŋ: Na ban gaŋ ba kɨya lɔɔ hɨnga ga nee le nɔm.

2 Tesalonigɨ 3:3

Ama Ba-gulɔŋ le, na ba ɨre a cay tɨbay dɨŋ. Ban kɨya lɔɔ gɨ kɨŋ kɨya orɨn̰ dan̰ tɔgɨ bɨ, kɨya amgɨŋ ɗe Haban̰ Ba-lɔɔ ɨsɨna ay banga caygɨŋ naŋ bɨ.

2 Timote 4:18

Ba-gulɔŋ kɨya bɔɗɔŋ duroy hɨnga nɔm ga ɨsɨnde gaŋ coŋ bɨ. Ban kɨya pɔɗɔŋ kɨya cay dɔɔ-ƴaa toyi di daa nii bɨ. Gusoŋ-tɔgɛ na koyi, ɨlge dan̰ ɨlge! Ɗa-ɗe-woy-hɨn̰-wo̰.

Əbɨro 10:23

Ɗe gɨ ana gamgɨŋ hɨnga ga na bee ɨrɨmedɨnagɨŋ a cay nee, ma na ye koldɨge le osu. Kɨya wa Kumu gɨ ba-yɔɔ gɨ ɗi na kɨya lɔɔ hɨnga ga ban ye gɨ ɗi na kɨya lɔɔ le, na ba ɨre a cay gasɨndi gaŋ.

Əbɨro 11:11

Na dan̰ gɨyəŋ gɨ da aye kudurɔ le ma, hɨn̰ gɨ ɨlge gɨ da Sara na hala kalɨn̰ ma, Kumu lee gɨ hɨndi ɓal wɔɔ kɨye ma wan̰ kongɨn̰ɔɔ kardo. Kɨya wa hɨndi sol leen̰ cɨndi gɨ Kumu na kɨya lɔɔ hɨnga ga ban ye gɨ ɗi na kɨya lɔɔ le.

Əbɨro 12:4

Gɨsɨn̰ haw kɛ kalɨn̰ ma kɨŋ ƴɨma gusɨgɨŋ usa kɨbɨ kɨmbɨl gɨŋ dan̰ ɨsɨna maran̰ naŋ ƴee.

Əbɨro 6:18

Hɨn̰ wo̰ na tumɔ dan̰ kɔl gɨ ban ye gɨ ɗi na kɨya lɔɔ bɨ, ɗaŋ coŋ dan̰ ɓɨse gɨ ban ɓɨse gusi bɨ. Hɨnga ga sɔɔ ga nee le, kɨya bɨle ɗaŋ naŋ bɨ Kumu kɨya yɔ poy cay nee naŋ bɨrɨŋ bɨ. Ɨni na, na-gandi ga ba ɗe hɨnga nɔm coŋ kɨya ƴomɨn̰ hɨnga ga na ba bee ɨrɨmedɨna cay nee gɨ ban ba ɗe tumoyna le, na orɨn̰ dan̰ hɨnga ga dobɨ bandɨ kuduroyna tɔgɨ gɨɗaŋ.

1 Pɨyɛr 4:19

Naa hɨn̰ wo̰ na, kan ga solge cɨn̰-gɨle-cɨn̰ kɨya ɨre gɨ kan ɨre kardi kuduroy-geye gɨ da Kumu le, kuɗa gɨ kan ɨr kɨɗɨn̰ lɔɔ ɗarwa dɨŋ dan̰ tumoyge bɨ, ayage kuduroyge gɨ cɨndi bɨn̰ Kumu gɨ ba ɗɔɔ hɨnga nɔm bɨ, ba-lɔɔ te tumoyi di ban ay bɨ le.

2 Pɨyɛr 2:9

Hɨn̰ gɨ na wɨya hɨn̰ wo̰ na, ni sol gɨ Ba-gulɔŋ ɓal dɔrɛ kalaŋ ka-lɔɔ hɨnga ga dan̰ durɔ ɗɨngar kɨbɨ hɨnga ga ni gɨybe gaŋ bɨ, ɓal game kalaŋ ga ka-lɔɔ hɨnga ga dan̰ durɔ ɗɨngar naŋ kɨya lɔɔge hɨnga ga homi a wɔlɛ gɨ ni bon̰ kɔl gɨŋ bɨ.

1 Ja̰ 1:9

Kumu na ungo gɨ ɨre a cay gasɨndi gaŋ bɨ, na ungo gɨ dan̰ durɔ ɗɨngar bɨ. Hɨn̰ gɨ na na yagɨŋ te ɨsɨna konagɨŋ daa pɨraŋ na, ban kɨya ɗɔɔ kuduroy jalɨwa cay ɨsɨna konagɨŋ gɨŋ bɨ, kɨya dornagɨŋ mɨra te ɨsɨna konagɨŋ gɨŋ nɔm bɨ.

Wasɨn̰a 19:11

Kardi nee, ɨŋ sol gɨɗɨgɨ-Kumu hangaŋ. Gaa ma, ɨŋ sol hɨnda gɨ bɛrɛ. Ungo gɨ ba nɔɔ cay hɨnda le gusondi na, ba-ɨre a cay tɨbayi dɨŋ bɨ ungo gɨ hɨnde bɨ. Ban boy kɔl bɨ lee kɨmbɨl bɨ na dan̰ durɔ ɗɨngar.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.