1 Korɛ̰t 1:30 - Gabri Maja

³⁰ Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 1:30 ပူးပေါင်းရင်းမြစ်များ

Matɨyo 1:21

Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.»

Kɔl-gɨ-Ɗari gɨ Lug wal 11:49

Na toy di hɨn̰ wo̰ ma, cɨn̰-muɗɔlɛ gɨ da Kumu koyi ye hɨn̰: “Ɨŋ kɨya gɨyɨn̰ dan̰ ka-yɔɔ-kɔl-gɨ-Kumu-ba-yɔɔ bɨ, dan̰ ka-gɨre-gɨye gusɨge na, kan kɨya dɨɗe ga pɨna bɨ, kan kɨya gɨlɨn̰ ga pɨna cɨn̰-n̰age bɨ.”

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 17:26

Ɨŋ lee gɨ kan solɨn̰ge bɨ, ɨŋ kɨya jɔgɛ lɔɔ ɗe kan solɨn̰ge gɨɗaŋ nee coŋ. Ɗe gɨ geye gɨ ji ba geyəŋ le, kan kalɨn̰ ma na geyge kamdɨge hɨn̰ wo̰ bɨ, ɗe gɨ aŋ woy kuduroyge bɨ.

Kɔl-gɨ-Ɗari gɨ Ja̰ wal 17:8

Kɨya wa ɨŋ-bandi, ɨŋ bɨge kɔl nɔm gɨ ji ba bəŋ le, kan ƴeege bɨ, solge leen̰ cɨndi gɨ ɨŋ na sayga naa gusɨn̰ bɨ. Kan beege kuduroyge cay kɔl gɨ nee le, gɨ ji na ba gɨyigəŋ.

Kɔl-gɨ-Ɗari gɨ Ja̰ wal 8:12

Jesu jɨga yen̰ dɨmdɨrdi kalaŋ ɗaŋ coŋ yege hɨn̰: «Ɨŋ na asɨn̰a gɨ da kalaŋ ga cay gɨsəŋ gaŋ. Ungo gɨ na kɨba karɨnɨ na, kɨya gɔrɛ duroy dɨlɨm dɨŋ naŋ bɨ, kɨya wɔɔ asɨn̰a gɨ or a kɨɗɨn̰ sɔmɛ-bɨra gɨ dan̰ cɨndi gɨŋ bɨ.»

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Magtubu di Pol wal bɨn̰ kalaŋ ga Rɔm 11:36

Ho’o, hɨnga nɔm sayga na gusi Kumu bɨ, woy haw kɛ na dan̰ gɨyəŋ koyi bɨ, kol cayi bɨ. Kuɗa gɨ gusoŋ-tɔgɛ wɨya kol cayi dan̰ tumoyi! Ɗa-ɗe-woy-hɨn̰-wo̰!

Magtubu di Pol wal bɨn̰ kalaŋ ga Rɔm 12:5

Kona na-gandi kalɨn̰ ma woy gɨlɨn̰ na hɨn̰ wo̰ bɨ. Na woy gɨlɨn̰ na hɨn̰ kɨway kuyoŋdi-gusu wo̰. Na gandi ga na kondɨ le nana kuyoŋdi-gusu gɨ pɨna hayi, te bugoŋ pɨna dan̰ Kɨris. Waŋ waŋ kalɨn̰ ma orɨn̰ dan̰ gɨye-lɔɔdi.

Magtubu di Pol wal bɨn̰ kalaŋ ga Rɔm 16:11

Laan̰gɨŋ Ɛrɔdɨyo̰ lapɨya bəŋ. Ban na gɨlmɨnɨ. Laan̰gɨŋ kalaŋ ga a duroy ƴaa gɨ da Narsis ga beege kuduroyge a cay Ba-gulɔŋ lapɨya bəŋ bɨ.

Magtubu di Pol wal bɨn̰ kalaŋ ga Rɔm 16:7

Laan̰gɨŋ Andironikus dan̰ Junɨyas lapɨya bəŋ bɨ. Kan na kanɨ bɨ, kamnɨ ka-dangay bɨ. Kan na ka-gɨre-gɨye ga gɨmdəŋ bɨ, kan na kalaŋ ga beege kuduroyge cay Kɨris tumɔnɨ coŋ ƴee bɨ.

Magtubu di Pol wal bɨn̰ kalaŋ ga Rɔm 4:25

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

Magtubu di Pol wal bɨn̰ kalaŋ ga Rɔm 4:6

Kɨlma Dabid kalɨn̰ ma naa ye kɔl tɔrɛ-kɨbɨ gɨ da ungo gɨ Kumu bɨlii leen̰ ungo gɨ dan̰ durɔ ɗɨngar a cɨndi dɨle sɔlɛ gɨye-lɔɔdi.

Magtubu di Pol wal bɨn̰ kalaŋ ga Rɔm 5:19

Ɨni na, dan̰ gɨyəŋ gɨ da jɔɔ kɔl naŋ gɨ da ungo gɨ pɨna hayi nɛŋ le, kalaŋ nɔm bɨləŋge ka-lɔɔ ɨsɨna bɨ, dan̰ gɨyəŋ gɨ da jɔɔ kɔl gɨ da ungo gɨ pɨna hayi nɛŋ le, Kumu lee gɨ kalaŋ dan̰ kondiige bɨləŋge kalaŋ ga dan̰ durɔ ɗɨngar a cɨndi.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

Magtubu di Pol wal bɨn̰ kalaŋ ga Rɔm 8:23

Ama na hɨnga se ga da Kumu ba gɨle-cɨn̰ kan̰dɨge naŋ. Na-gandi ga na orɨn̰ dan̰ Turnɔ di da Kumu di woy gɨlɨn̰ hɨn̰ hɨnga ga ni bɨn̰ Kumu ga cay wase cɨg cɨg ga Kumu bɨna le. Na-gandi kalɨn̰ ma, na ɨle gusɨna a kuyoŋdi-gusɨna gɨŋ ƴen̰, gamɨn̰ gɨ Kumu na dɨɗɨn̰ kɨbɨ gɨye koyi cayna bɨ, bɨlna laan̰ karɨndi kɨɗɨn̰ ga ban kɨya pɔɗɛ kuyoŋdi-gusɨna bɨ.

Magtubu di Pol wal bɨn̰ kalaŋ ga Rɔm 8:9

Ama kɨŋ-gandi na, kɨŋ gura na dan̰ gɨyəŋ gɨ da ɨrɨme gɨ da kuyoŋdi-gusɨgɨŋ naŋ. Kɨŋ gor na dan̰ gɨyəŋ gɨ da Turnɔ ɗe-kuduroy-bɛrɛ, kɨya wa Turnɔ di da Kumu som a kuduroygɨŋ. Hɨn̰ gɨ ungo na ɨran̰ dan̰ Turnɔ di da Kɨris naŋ na, ban na gɨ da Kɨris naŋ.

1 Korɛ̰t 1:2

Ni wal magtubu di kɛ le gɨyɨn̰ bɨn̰ na Ka-Daye ga da Kumu ga somge a cay ƴaa di Korɛ̰t bɨ, bɨn̰ kan ga woyge dan̰ cɨndɨge dan̰ bugoŋ pɨna dan̰ Jesu-Kɨris bɨ, bɨn̰ kalaŋ nɔm ga Kumu teege te gɨyəŋ koyi gɨŋ ɗe na bɨləŋge kalaŋ ga woyge dan̰ cɨndɨge dan̰ kalaŋ nɔm ga olge Kumu a kɨɗɨn̰ gaŋ nɔm dan̰ guson̰ Ba-gulɔŋ Jesu-Kɨris, ban gɨ na Ba-gulondɨge bɨ, Ba-gulondɨna bɨ le.

1 Korɛ̰t 1:24

Ama ojɨn̰ cay kan ga Kumu teege le, kan naa Jubɨn̰əŋ wala, kan naa Gɨrɛgn̰əŋ kalɨn̰ ma, Kɨris le na dɔnɔ di da Kumu bɨ cɨn̰-muɗɔlɛ da Kumu bɨ.

1 Korɛ̰t 12:18

Ama Kumu si kɨway gusɨna pɨna pɨna gusɨna na dan̰ kuduroy geye koyi.

1 Korɛ̰t 12:27

Kɨŋ-gandi nɔm kɨŋ na kuyoŋdi Kɨris ɨni bɨ, kɨŋ-gandi pɨna pɨna na karɨn̰ gusi bɨ.

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 4:15

Ko hɨn̰ gɨ gɨmdəŋ ga ka-gɨlgɨŋ gɨyəŋ gɨ ni gorɨn̰ te bugoŋ pɨna dan̰ Kɨris naa dubu-mɔjɨ kalɨn̰ ma, kɨŋ-gandi na baygɨŋ na pɨna hayi. Na ɨŋ-bandi pɨna hange ma na baygɨŋ gɨ ba woogɨŋ dan̰ gɨyəŋ gɨ da Kɔl-gɨ-Ɗari gɨ da Jesu-Kɨris le.

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

2 Korɛ̰t 12:2

Ɨŋ sol ungo gɨ pɨna wo̰ gɨ bugoŋ pɨna dan̰ Kɨris, wɔlɛ gɨ pɨna wo̰ ɓal ɨlge mɔjɨ-cay-poɗɨn̰ labɨde, Kumu ayi orɨn̰ danayi bɨrɨŋ andɨn̰ a gɨɗɨgɨ-Kumu gɨ tɨba sɨbɨ gɨŋ gɨ Kumu somɨn̰ nee. Ama gɨlmi gɨ nee le, Kumu ayi na dan̰ kuyoŋdi-gusi wala dan̰ turnoyi kalɨn̰ ma ɨŋ sɨla naŋ, ban Kumu ba sɔlɛ.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Galad 3:13

Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Epɛs 1:14

Turnɔ ɗe-kuduroy-bɛrɛ na hɨnga ga gɨl gɨ Kumu na kɨya bɨna hɨnga ga ɗari ga ban ƴom cay tɨbayige kol cay kalaŋ kayi. Ban gɨlna gɨ na na kɨya wɔɔgɨŋ hɨnga ga nee le leen̰ cɨndi, kɨɗɨn̰ ga Kumu kɨya dorna ɗena daa cɨrab. Kuɗa gɨ na hɨramgɨŋ gɨmɨn̰aw di da Kumu.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Pilib 3:9

Ɨŋ gey gɨ bugoŋ hɨnge pɨna danayi na duroŋ cɨrɛɗ. Na toy di hɨn̰ wo̰ ma, ɨŋ gey lɔɔ gusɨnɨ leen̰ ungo gɨ dan̰ durɔ ɗɨngar dan̰ gɨyəŋ gɨ da lɔɔ hɨnga ga gasɨn̰-kɔl ojɨ naŋ. Ama ɨŋ gey bɨle ungo gɨ dan̰ durɔ ɗɨngar dan̰ gɨyəŋ gɨ da kuduronɨ ga ɨŋ bɨn̰ Kɨris, kɨya wa gɨyəŋ gɨ Kumu bɨlɨn̰ kalaŋ durɔ ɗɨngar le, na gɨyəŋ gɨ da aye kudurɔ.

Kɔlɔs 1:14

Dan̰ te bugoŋ pɨna dan̰ Kurondi le, Kumu dornagɨŋ beenagɨŋ daa bɨ, ɗe kuduroyi jal cay ɨsɨna konagɨŋ gɨŋ bɨ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 9:12

Kɨris andaŋ a kɨɗɨn̰ ga woy dan̰ cɨndɨge cɨla gaŋ ga Kumu ɨre nee, na cay pɨna ƴɔbɨ dan̰ cɨndi. Ban andaŋ nee na dan̰ kɨbar gɨ da kugan̰əŋ naŋ bɨ, karɨn̰ sɨn̰əŋ naŋ bɨ, ama na dan̰ kɨbardi koyi. Na hɨn̰ wo̰ ma ban dorna beena daa kɨbɨ ɨsɨna konagɨŋ dan̰ tumoyna.

Magtubu di Jag wal 1:5

Hɨn̰ gɨ ungo pɨna duroygɨŋ cɨn̰-muɗɔlɛ na wɨyi na, kuɗa gɨ ban ɨngɨrɨn̰ Kumu, ban kɨya bii. Kɨya wa ban na ba bɨn̰ kalaŋ nɔm hɨnga, dan̰ kuduroy ga pɨna dɨle son̰ danage.

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

1 Ja̰ 5:6

Na Jesu-Kɨris ba sɔ gɨɗɨgɨ-Kumu gɨŋ ɨrga cay gɨsəŋ gaŋ bɨ lee batɛm dan̰ kaŋ bɨ, bee kɨbardi dugo dan̰ gɨyəŋ gɨ da tɨmaydi bɨ. Ban ɨrga na dan̰ kaŋ ƴɔbɨ naŋ, ama dan̰ kaŋ bɨ kɨbar bɨ. Turnɔ di da Kumu na kɔl gɨ cɨndi. Na hɨndi ba lɔɔ tɨmon̰ hɨn̰ wo̰ le kɔ.

Wasɨn̰a 14:4

Kan na kalaŋ ga dɨbage gusɨge duroy kɨni gɨŋ malan̰ge kandɨ naŋ, kɨya wa sɨlage kandɨ naŋ. Kan ga nee le na ka-kɔbɛ kurɨn̰-dɨmangɨ a kɨɗɨn̰ gaŋ nɔm ga ban orɨn̰ nee. Kan na kalaŋ ga ban boy cayge duroy kalaŋ ga ɨndəŋ bɨ, kan woy gɨlɨn̰ na hɨn̰ hɨnga ga cay wase ga walge duroy yage gɨŋ ɗege dan̰ cɨndɨge gɨ ni aye bɨn̰ Kumu bɨ, bɨn̰ kurɨn̰-dɨmangɨ bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,