1 Korɛ̰t 1:27 - Gabri Maja

²⁷ Ama Kumu bɨnde na hɨnga ga woy dɨngal cɨn̰ kalaŋ ga cay gɨsəŋ gaŋ dɨbɨn̰ dasi cay ka-cɨn̰-muɗɔlɛ bɨ, ban bɨnde na hɨnga ga togɨyge unɔ cɨn̰ kalaŋ dɨbɨn̰ dasi cay hɨnga ga togɨyge woy nee gaŋ bɨ.

1 Korɛ̰t 1:27 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 21:16

Bɨ kan ɨngɨrɨn̰ge Jesu yege hɨn̰: «Kɛ ban na je kɔl gɨ kan na ye kɔ le ga?» Ɨni na, ban dɨbɨge cay nee yege hɨn̰: «Əw ɨŋ je. Na kɔl gɨ kan walge duroy Magtubu di da Kumu dɨŋ yege hɨn̰: “Ji lee gɨ karɨn̰aŋ ga n̰ən̰əŋ bɨ, karɨn̰aŋ ga kɨbɨ kobɨn̰ gaŋ bɨ, hɨramiige le kɛ” kɨŋ ɗɨngɨsa cay pɨna naŋ ga?»

Matɨyo 9:9

Jesu sayga kɨɗɨn̰ ga nee gaŋ ma pɨde na, ban sol gɨlmi gɨ pɨna wo̰, ɨre kɨɗɨn̰ ƴɔɔ hɔgɛ lambo gaŋ. Gɨlmi gɨ nee le gusondi na Matɨyo. Ban yeyi hɨn̰: «Kɨba karɨnɨ!» Ɨni na, Matɨyo de say daa cud bɨ, kobɨn̰ kardi.

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Gɨye-lɔɔ 17:18

Ka-gɨlɨn̰ kalaŋ kɔl ga pɨna wo̰, say man̰ge kɔl dan̰ Pol. Kan na kalaŋ ka-ɨrɨme kɔl tɔgɨ cay kɔl nɔm ga da Epikursin̰ḛn̰əŋ bɨ, Ɛstoyisin̰ḛn̰əŋ bɨ, kan jege kɔl gɨ ojɨ cay Jesu bɨ, cay bɔyɛ lɨbe koyi bɨ. Ɨni na, kan ga pɨna wo̰ yege hɨn̰: «Na kɔl wa ma ba-yɔɔ kɔl tɔgɨ gɨ kɛ le ɨre ye wo̰ ga?» Bɨ kan ga ɗaŋ yege hɨn̰: «Ni sol cɨndi woy hɨn̰ gɨ da ba tɔgɛ bɛrnɛ gɨ da kulan̰əŋ ga a cay gɨsəŋ ga ɗaŋ gaŋ wo̰.»

Gɨye-lɔɔ 7:35

Bɨ Etɛn ye ɗaŋ coŋ hɨn̰: «Moyis le, na ban gɨ naa karmii Ɨsɨrayɛln̰əŋ jɨbige sɛdɨ coŋ yeyge hɨn̰: “Na waŋ ba sɨn̰ ba-cayni bɨ, ba-bɔyɛ kɔl cayni bɨ ga le?” Na ban ma Kumu gɨygi hɨn̰ ba-cayge bɨ, ba-dorge kɨbɨ guyɔŋdu dɨŋ bɨ, dan̰ gɨyəŋ gɨ da ba-ƴɔbɛ gɨ daa nii gɨ andaŋ cayi duroy karɨn̰ sɨya gaŋ le.

Gɨye-lɔɔ 7:54

Kɔl gɨ ban yege le bɨge kuduroy-hɔmɛ tɔgɨ bɨ, gɨdɨdege gasɨndɨge cay Etɛn.

1 Korɛ̰t 1:20

Haw kɛ na, ba cɨn̰-muɗɔlɛ le ba ani ga? Ba-gɨlɨn̰ kalaŋ gasɨn̰-kɔl gɨ da Moyis le ba ani ga? Ba man̰de kɔl gɨ kalaŋ ga a cay gɨsəŋ gaŋ geyge le ba ani ga? Kɛ, Kumu gɨl gɨ cɨn̰-muɗɔlɛ di a cay gɨsəŋ gaŋ kɛ naa hɨnga ga ni dɨngale naŋ ga?

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 2:12

Ama na-gandi na, na waa na turnɔ da kalaŋ ga a cay gɨsəŋ gaŋ kɛ naŋ, ama na Turnɔ di sayga gusi Kumu ɗe ana na solɨn̰ hɨngan̰əŋ ga Kumu bɨna dan̰ ɗarwa toy.

2 Korɛ̰t 10:10

Ho’o, hɨn̰ gɨ kalaŋ ga pɨna na hagɨraŋge yan̰ge kol canɨ hɨn̰: «Kɔl gɨ da Pol gɨ a duroy magtubu toy dɨŋ ye man̰ bɨ, osu bɨ. Ama kɨɗɨn̰ ga ban dan̰ gusi na ɨr duroyni na, ban ɨran̰ dan̰ dɔnɔ naŋ bɨ, kɔl koyi na kɔl gɨ maɗɨ wo̰ dugo bɨ.»

2 Korɛ̰t 4:7

Ama na-gandi ga na kojɨ kandi-wɔɔ ga nee le, na woy gɨlɨn̰ na hɨn̰ pɨray gun̰u wo̰, ɗe kalaŋ solɨn̰ gɨ dɔnɔ di ɗɨn̰ cɨn̰-kɨɗɨn̰ di ni ba leen̰ gɨye le, na sayga na gusi Kumu wala naa gusɨni ni-gandi naŋ.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.