1 Korɛ̰t 1:23 - Gabri Maja

²³ Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

1 Korɛ̰t 1:23 ပူးပေါင်းရင်းမြစ်များ

Matɨyo 11:6

Tumoy wolwa woy kol cay ungo gɨ ɨŋ bɨl gundo gɨ ba dɔgɛ tɨbayi nayi naŋ.»

Matɨyo 13:57

Jesu woy gɨlɨn̰ na hɨn̰ gundi sɨya gɨ de tɨbayge wo̰. Ɨni na, Jesu yege hɨn̰: «Ba-yɔɔ-kɔl-gɨ-Kumu-ba-yɔɔ le, na a cay ƴaadi dɨŋ ƴɔbɨ bɨ, na a te wandɨ toyi dɨŋ ƴɔbɨ bɨ, ma kalaŋ kɨya dibiige hurɔmɔ cay naŋ.»

Kɔl-gɨ-Ɗari gɨ Lug wal 2:34

Simin̰o tor-kɨbi cayge bɨ, yen̰ Mari Jesu ƴoyi yo hɨn̰: «Na cɨndi! Kɨye gɨ kɛ le, kɨya bɨle te gabaŋ gɨ da kondɨwadi kalaŋ gɨ da te wɨn̰je gɨ da Ɨsɨrayɛl bɨ, kɨya bɨle te pɔɗɛ gɨ da kondɨwadɨge a duroyge bɨ. Bɨ ban na hɨnga ga kɨya gɨle Kumu bɨ, kalaŋ kɨya sayɨn̰ danayi dan̰ kɔl bɨ.

1 Korɛ̰t 1:18

Na cɨndi, kɔl gɨ ojɨ cay tɨma di Jesu ma a cay sɨya-gɨ-dagɨli gɨŋ le, na kɔl gɨ woy dɨngal na kɨya cay kan ga kɨya mundoŋ coŋ, ama na dɔnɔ di da Kumu kɨya cayna na-gandi ga na poɗɨ.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 1:28

Kumu bɨnde na hɨnga ga kalɨn̰ wo̰ dugo cɨn̰ kalaŋ bɨ, hɨnga ga kalaŋ hagɨrge bɨ, kalaŋ ga ɓalage lɔɔ hɨnga naŋ bɨ, kɨya mondɨn̰ hɨnga ga woy hɨnga a cɨn̰ kalaŋ le,

1 Korɛ̰t 2:14

Ungo gɨ kalɨn̰ gɨ Turnɔ di da Kumu wɨya kuduroy naŋ le, kɨya ɓale ƴɔɔ hɨnga ga sayga gusi Turnoyi Kumu naŋ. Hɨnga ga da Turnoyi Kumu woy gɨlɨn̰ na hɨn̰ hɨnga ga ni dɨngale a cɨndi. Ban ɓala sɔlɛ toyge naŋ, kɨya wa na Turnoyi Kumu ba kɨya ɗɔɔ cɨn̰ ungo sagaŋ a cayi a cay dɔrɛ cɨn̰ hɨnga gaŋ.

1 Korɛ̰t 2:2

Kɨya wa ɨŋ uja gɨ ni sɔlɛ-hɨnga ga ɗaŋ kɨɗɨn̰ ga ɨŋ ban̰ duroygɨŋ le naŋ, ama na Jesu-Kɨris ƴɔbɨ, ban gɨ kan gagɨliige a cay sɨya-gɨ-dagɨli gɨŋ le.

1 Korɛ̰t 4:10

Ni na kalaŋ ka-dɨngale kol cay Kɨris, ama kɨŋ na ka-cɨn̰-muɗɔlɛ dan̰ gɨyəŋ gɨ da bugoŋ gɨ kɨŋ bugoŋ pɨna dan̰ Kɨris. Ni na kalaŋ ga usa naŋ, ama kɨŋ na kalaŋ ga dan̰ tɔgɨ. Kalaŋ hɨramgɨŋge, ama ni-gandi na hagɨrnige.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 5:11

Ay, karmɨnɨ ga ban̰aŋ dan̰ ga kandɨ, hɨn̰ gɨ ɨŋ-bandi kalɨn̰ ma, ɨŋ na ɨr tɨga bɛrnɛ bɨn̰ kalaŋ coŋ gɨ wale ban̰a na ojɨ gɨ ni lɔɔ na, kɛ na kɨya wa ma Jubɨn̰əŋ ɨrege gɨləŋge cɨn̰-gɨle-cɨn̰ coŋ ga? Hɨn̰ gɨ leen̰ cɨndi, ɨŋ na ɨr ya kɔl gɨ hɨn̰ wo̰ na, tɔgɛ bɛrnɛ di da sɨya-gɨ-dagɨli kɨya homge naŋ ɨni.

Galad 6:14

Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

1 Pɨyɛr 2:8

Bɨ walge duroy Magtubu di da Kumu dɨŋ ɗaŋ coŋ yege hɨn̰: «Na oru gɨ kɨya dɔgɛ tɨbay ungo bɨ, Na garma gɨ kɨya lɔɔ gɨ ungo kɨya bɔɔ bɨ.» Kalaŋ ga nee le, dege tɨbayge oru gɨŋ le na kɨya gɨ kan kan̰ge bɔgɛge kɔl a cay kɔl gɨ da Kumu gɨŋ. Na toy di hɨn̰ wo̰ ma, hɨnga ga kan ojɨ kol cayge le andaŋ cayge.