1 Korɛ̰t 1:21 - Gabri Maja

²¹ Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 1:21 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Kɔl-gɨ-Ɗari gɨ Lug wal 10:21

A kɨɗɨn̰di ga nee gaŋ le bɨ, Turnɔ ɗe-kuduroy-bɛrɛ lee gɨ gusi-mɔwa walɨn̰ kuduroy Jesu bɨ, ye hɨn̰: «Banɨ, ji Ba-gulɔŋ hɨnga nɔm ga daa nii dan̰ ga cay gɨsəŋ gaŋ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga. Ho’o Banɨ, na ban ma na hɨnga ga ji ojɨ dan̰ kuduroy geye kon̰.»

Kɔl-gɨ-Ɗari gɨ Lug wal 12:32

«Ay gamge kange ga lagɨɗe, hundɔrɔ gɨŋ naŋ! Kɨya wa Baygɨŋ ay noyi gɨ ɗi na kɨya bɨgɨŋ dɔɔ-ƴaa toyi.

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 11:33

Na cɨndi, kandi-wɔɔ ga da Kumu ɗɨn̰ cɨn̰-kɨɗɨn̰. Cɨn̰-muɗɔlɛ koyi bɨ, hɨnga-sɔlɛ kayi bɨ, kagadɨge unɔ. Cɨn̰-muɗɔlɛ di da dɔɔ-ƴaa toyi ɗɨn̰ cɨn̰-kɨɗɨn̰. Gɨyəŋ gɨ da lɔɔ hɨnga kayi dor turnoy kɨɗɨn̰ bɨrɨŋ gɨ ungo ɓala dɔrɛ toyge naŋ,

1 Korɛ̰t 1:18

Na cɨndi, kɔl gɨ ojɨ cay tɨma di Jesu ma a cay sɨya-gɨ-dagɨli gɨŋ le, na kɔl gɨ woy dɨngal na kɨya cay kan ga kɨya mundoŋ coŋ, ama na dɔnɔ di da Kumu kɨya cayna na-gandi ga na poɗɨ.

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

1 Korɛ̰t 1:24

Ama ojɨn̰ cay kan ga Kumu teege le, kan naa Jubɨn̰əŋ wala, kan naa Gɨrɛgn̰əŋ kalɨn̰ ma, Kɨris le na dɔnɔ di da Kumu bɨ cɨn̰-muɗɔlɛ da Kumu bɨ.

1 Korɛ̰t 1:25

Ho’o, hɨnga ga ungo sol ma woy hɨn̰ gɨ Kumu na dɨngal wo̰ le, cɨn̰-muɗɔlɛ di woy boy nee ɗɨn̰ cɨn̰-muɗɔlɛ da kalaŋ bɨ, hɨnga ga ungo sol ma woy hɨn̰ gɨ tɔgɨ da Kumu na unɔ boy nee wo̰ le, hɨnga ga nee le togɨyge ɗɨn̰ gɨ da kalaŋ ga ɨndəŋ bɨ.

1 Korɛ̰t 1:27

Ama Kumu bɨnde na hɨnga ga woy dɨngal cɨn̰ kalaŋ ga cay gɨsəŋ gaŋ dɨbɨn̰ dasi cay ka-cɨn̰-muɗɔlɛ bɨ, ban bɨnde na hɨnga ga togɨyge unɔ cɨn̰ kalaŋ dɨbɨn̰ dasi cay hɨnga ga togɨyge woy nee gaŋ bɨ.

1 Korɛ̰t 11:32

Ama ban boy kɔl cayna bɨ halna bɨ na gɨ ɗe kɔl na ƴom cayna dan̰ kalaŋ ga cay gɨsəŋ gaŋ kɛ naŋ.

1 Korɛ̰t 2:14

Ungo gɨ kalɨn̰ gɨ Turnɔ di da Kumu wɨya kuduroy naŋ le, kɨya ɓale ƴɔɔ hɨnga ga sayga gusi Turnoyi Kumu naŋ. Hɨnga ga da Turnoyi Kumu woy gɨlɨn̰ na hɨn̰ hɨnga ga ni dɨngale a cɨndi. Ban ɓala sɔlɛ toyge naŋ, kɨya wa na Turnoyi Kumu ba kɨya ɗɔɔ cɨn̰ ungo sagaŋ a cayi a cay dɔrɛ cɨn̰ hɨnga gaŋ.

1 Korɛ̰t 4:10

Ni na kalaŋ ka-dɨngale kol cay Kɨris, ama kɨŋ na ka-cɨn̰-muɗɔlɛ dan̰ gɨyəŋ gɨ da bugoŋ gɨ kɨŋ bugoŋ pɨna dan̰ Kɨris. Ni na kalaŋ ga usa naŋ, ama kɨŋ na kalaŋ ga dan̰ tɔgɨ. Kalaŋ hɨramgɨŋge, ama ni-gandi na hagɨrnige.

1 Korɛ̰t 6:2

Kalaŋ ga woyge dan̰ cɨndɨge le kɨya bɔyege kɔl a cay kalaŋ ga cay gɨsəŋ gaŋ le kɛɛ, kɨŋ sɨla hɨn̰ wo̰ naŋ ga? Ama hɨn̰ gɨ naa kɨŋ-gandi naa ba kɨya bɔyɛ kɔl cay kalaŋ ga a cay gɨsəŋ gaŋ na, karɨn̰ kɔl ga n̰ən̰əŋ le kɨŋ ɓala bɔyɛ naŋ ga?

Galad 1:15

Ama Kumu dan̰ ɗarwa toyi, ban dɔrɔŋ kɨɗɨn̰ ga ɨŋ ban̰ kuduroy ƴonɨ gaŋ ƴee bɨ, təŋ gɨ ɨŋ na laa gɨye bii.

Galad 4:8

Jɨne, kɨɗɨn̰ ga kɨŋ sɨlan̰ Kumu naŋ ƴee na, kɨŋ lee gɨye guyɔŋdu ga da kulan̰əŋ ga na kumu gɨ hɨnde naŋ le.

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Epɛs 3:10

Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye.

Kɔlɔs 1:19

Hɨnga nɔm ga ba wandɨn̰, Gusi Kumu tɛlɛlɛ tɛlɛlɛ le, Wandɨn̰ gusi kurondi bɨ. Kɨya gɨ Kumu ba geye hɨn̰ wo̰,

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.

Magtubu di Jag wal 5:15

Ɔlɛ gɨ kan ɨrgan̰ge tumoy Kumu dan̰ aye kudurɔ le, kɨya pɔɗɛ ba-hɔmɨn̰ɛ le. Ba-gulɔŋ kɨya ayi si daa bɨ, hɨn̰ gɨ ban na laa naa ɨsɨna kalɨn̰ ma, ban kɨya ɗɔɔ kuduroyi jalɨwa cayi bɨ.

Magtubu di Jag wal 5:20

kuɗa gɨ ban hɨn a cay kɔl gɨ ba kɛ: Waŋ waŋ gɨ na jɨgen̰ dan̰ ka-lɔɔ ɨsɨna a te gɨyəŋ gɨ ɗari gɨŋ na, ban ƴeege na kɨbɨ tɨma dɨŋ bɨ, kɨya cay hɨnga ga ban lee le, Kumu kɨya ɗɔɔ kuduroyi jalɨwa cay ɨsɨnan̰əŋ tɔgɨ bɨ.