1 Korɛ̰t 1:20 - Gabri Maja

²⁰ Haw kɛ na, ba cɨn̰-muɗɔlɛ le ba ani ga? Ba-gɨlɨn̰ kalaŋ gasɨn̰-kɔl gɨ da Moyis le ba ani ga? Ba man̰de kɔl gɨ kalaŋ ga a cay gɨsəŋ gaŋ geyge le ba ani ga? Kɛ, Kumu gɨl gɨ cɨn̰-muɗɔlɛ di a cay gɨsəŋ gaŋ kɛ naa hɨnga ga ni dɨngale naŋ ga?

1 Korɛ̰t 1:20 ပူးပေါင်းရင်းမြစ်များ

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Gɨye-lɔɔ 17:18

Ka-gɨlɨn̰ kalaŋ kɔl ga pɨna wo̰, say man̰ge kɔl dan̰ Pol. Kan na kalaŋ ka-ɨrɨme kɔl tɔgɨ cay kɔl nɔm ga da Epikursin̰ḛn̰əŋ bɨ, Ɛstoyisin̰ḛn̰əŋ bɨ, kan jege kɔl gɨ ojɨ cay Jesu bɨ, cay bɔyɛ lɨbe koyi bɨ. Ɨni na, kan ga pɨna wo̰ yege hɨn̰: «Na kɔl wa ma ba-yɔɔ kɔl tɔgɨ gɨ kɛ le ɨre ye wo̰ ga?» Bɨ kan ga ɗaŋ yege hɨn̰: «Ni sol cɨndi woy hɨn̰ gɨ da ba tɔgɛ bɛrnɛ gɨ da kulan̰əŋ ga a cay gɨsəŋ ga ɗaŋ gaŋ wo̰.»

Magtubu di Pol wal bɨn̰ kalaŋ ga Rɔm 1:20

Ungo sɨla Kumu dan̰ tɨdi cay pɨna naŋ, ama an̰ toy jɨne ɓɨrag a te ɗɔɔ gɨ da cay gɨsəŋ le, dɔnɔ toyi di woy dan̰ tumɔɔ bɨ, Kumu gusi bɨ le, woy cɨn̰ tɨwa dɨŋ ɗen̰ ɗen̰ dan̰ gɨyəŋ gɨ da hɨnga se kayi. Na toy di hɨn̰ wo̰ ma, kɨɗɨn̰ ga ni an̰ jɨba unɔ ɨni.

Magtubu di Pol wal bɨn̰ kalaŋ ga Rɔm 1:22

Kan solge gusɨge leen̰ ka-muɗɔlɛ, ama leen̰ cɨndi na kan bɨlege na ka-dɨngale.

1 Korɛ̰t 1:19

Kɨya wa walge duroy Magtubu di da Kumu dɨŋ yege hɨn̰: «Ɨŋ kɨya mɔndɛ cɨn̰-muɗɔlɛ da ka-muɗɔlɛ coŋ bɨ, Ɨŋ kɨya mɔndɛ hɨnga-sɔlɛ ga da ka-sɔlɛ hɨnga, Bɨlɨn̰ leen̰ hɨnga ga kalɨn̰ wo̰ dugo bɨ.»

1 Korɛ̰t 1:26

Dan̰ kɔl gɨ ɗaŋ, ay, karmɨnɨ, kɨŋ ga Kumu təgɨŋ le, kɨbagɨŋ gusɨgɨŋ kogɨŋ sɨlagɨŋ kɛ kɨŋ na waŋ ga? Cɨn̰ kalaŋ na, ka-muɗɔlɛ kundage duroygɨŋ naŋ bɨ, kan ga ka-dɔnɔ kundage duroygɨŋ naŋ bɨ, kalaŋ ga toyge na te kalaŋ ga gɨmdəŋ kundage duroygɨŋ naŋ bɨ.

1 Korɛ̰t 1:27

Ama Kumu bɨnde na hɨnga ga woy dɨngal cɨn̰ kalaŋ ga cay gɨsəŋ gaŋ dɨbɨn̰ dasi cay ka-cɨn̰-muɗɔlɛ bɨ, ban bɨnde na hɨnga ga togɨyge unɔ cɨn̰ kalaŋ dɨbɨn̰ dasi cay hɨnga ga togɨyge woy nee gaŋ bɨ.

1 Korɛ̰t 1:28

Kumu bɨnde na hɨnga ga kalɨn̰ wo̰ dugo cɨn̰ kalaŋ bɨ, hɨnga ga kalaŋ hagɨrge bɨ, kalaŋ ga ɓalage lɔɔ hɨnga naŋ bɨ, kɨya mondɨn̰ hɨnga ga woy hɨnga a cɨn̰ kalaŋ le,

1 Korɛ̰t 11:32

Ama ban boy kɔl cayna bɨ halna bɨ na gɨ ɗe kɔl na ƴom cayna dan̰ kalaŋ ga cay gɨsəŋ gaŋ kɛ naŋ.

1 Korɛ̰t 2:6

Ama kɔl gɨ ni gɨlɨn̰ kalaŋ ga da Kɨris ga cɨndɨge na le na cɨn̰-muɗɔlɛ. Ama na cɨn̰-muɗɔlɛ di a cay gɨsəŋ gaŋ kɛ naŋ bɨ, na cɨn̰-muɗɔlɛ gɨ da kɨlma gɨ a cay gɨsəŋ gaŋ kɛ naŋ bɨ, ga woy kɨya mundoŋ coŋ.

1 Korɛ̰t 2:8

Ungo pɨna wo̰ duroy kɛrɨmbɛlɛŋ ga a cay gɨsəŋ gaŋ kɛ gɨ sol cɨn̰-muɗɔlɛ di nee le unɔ. Hɨn̰ gɨ kan ni na sɨlage na, Ba-gulɔŋ gɨ gusoŋ-tɔgɛ na toy le, kan ni kɨya gagɨliige a cay sɨya-gɨ-dagɨli gɨŋ naŋ.

1 Korɛ̰t 3:18

Ɗɔɔ gɨ ungo pɨna wo̰ cɨndi narii naŋ. Hɨn̰ gɨ ungo duroygɨŋ na ɨrɨm gɨ ban naa ba cɨn̰-muɗɔlɛ hɨn̰ kalaŋ ga cay gɨsəŋ gaŋ kɛ na, ɗa gɨ ban bɨl ba dɨngale kɨya bɨlɨn̰ ungo gɨ ba cɨn̰-muɗɔlɛ.

1 Korɛ̰t 3:19

Kɨya wa cɨn̰-muɗɔlɛ da kalaŋ ga cay gɨsəŋ gaŋ kɛ, woy dɨngal cɨn̰ Kumu. Kɨya wa walge duroy Magtubu di da Kumu dɨŋ yege hɨn̰: «Kumu ƴom ka-cɨn̰-muɗɔlɛ dan̰ jɨba toge gaŋ.»

1 Korɛ̰t 6:2

Kalaŋ ga woyge dan̰ cɨndɨge le kɨya bɔyege kɔl a cay kalaŋ ga cay gɨsəŋ gaŋ le kɛɛ, kɨŋ sɨla hɨn̰ wo̰ naŋ ga? Ama hɨn̰ gɨ naa kɨŋ-gandi naa ba kɨya bɔyɛ kɔl cay kalaŋ ga a cay gɨsəŋ gaŋ na, karɨn̰ kɔl ga n̰ən̰əŋ le kɨŋ ɓala bɔyɛ naŋ ga?

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.