1 Korɛ̰t 1:10 - Gabri Maja

¹⁰ Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

1 Korɛ̰t 1:10 ပူးပေါင်းရင်းမြစ်များ

Matɨyo 9:16

«Ungo wala kɨbɨ badɨge ga hɨrɨwa dɨbɨn̰ ɓade ga ɨlgi naŋ. Kɨya wa kɨbɨ badɨge ga hɨrɨwa ga kan dɨbɨn̰ge ɓade le, kɨya sɔgɛ kɨway badɨge ga ɨlgi le dɔrɛ, lɔɔ gɨ araŋdɨge kɨya gɨmɨwa cɨla coŋ ƴee.

Marg 2:21

Ungo aya kɨbɨ badɨge ga hɨrɨwa cɨgɨnan̰ dan̰ ga ɨlgi naŋ. Naŋ na kɨbɨ badɨge ga hɨrɨwa gɨ da are kɨbɨ badɨge ga ɨlgi le, lɔɔ gɨ araŋdɨge kɨya gɨmɨwa cɨla coŋ ƴee.

Marg 3:24

Hɨn̰ gɨ kalaŋ ga a te tɨrɨmbala di pɨna dɨŋ na dɨbɨge kɨmbɨl dan̰ gusɨge na, dɔɔ tɨrɨmbala di nee le kɨya sɔmɛ osɨwa naŋ.

Kɔl-gɨ-Ɗari gɨ Ja̰ wal 10:19

Kɔl gɨ nee le, lee gɨ Jubɨn̰əŋ cuduroŋge daa ɗaŋ coŋ.

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Kɔl-gɨ-Ɗari gɨ Ja̰ wal 7:43

Na toy di hɨn̰ wo̰ ma, dɨmdɨrdi kalaŋ cuduroŋge daa kɨya cayi.

Kɔl-gɨ-Ɗari gɨ Ja̰ wal 9:16

Duroy Parɨsɨn̰an̰əŋ le, ga pɨna say yege hɨn̰: «Ungo gɨ ba lee hɨnga ga nee le ban se na gusi Kumu naŋ. Kɨya wa ban bɨga kɔl a cay wɔlɛ kona gɨ ni dorɨn̰ gɨlale gɨ da Jubɨn̰əŋ gɨŋ naŋ.» Ama ga ɗaŋ yege hɨn̰: «Kɛ na mɨna ma ungo naa ba lɔɔ ɨsɨna na, gɨ orɨn̰ dan̰ dɔnɔ di ni leen̰ hɨnga ga ɗɨn̰ cɨn̰-kɨɗɨn̰ nɔm ga hɨn̰ wo̰ ga?» Na toyi di hɨn̰ wo̰ ma, say bɨle na te cuduroŋdɨge duroyge.

Gɨye-lɔɔ 4:32

Kalaŋ nɔm ga ba ayge kuduroyge le, beege kuduroyge dan̰ ɨrɨmedɨge pɨna. Ungo gɨ ba-lɔɔ hɨnga wɔɔdi leen̰ kayi dan̰ cay gusi unɔ bɨ. Hɨnga nɔm na kage nɔm.

Magtubu di Pol wal bɨn̰ kalaŋ ga Rɔm 1:13

Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla gɨ ɨŋ ojɨ tɨba kondɨ gɨ ni ɔrɛ gusɨgɨŋ, ɨŋ gey gɨ ɗe gɨye-lɔɔnɨ na andaŋ hɨnga duroygɨŋ hɨn̰ gɨ ba andɨn̰ hɨnga duroy kalaŋ ga toyge na Jubɨ naŋ ga ɗaŋ nɔm wo̰ bɨ. Ama ɨŋ ɓala bugoŋ gusɨgɨŋ naŋ bɨrɨŋ gɨsɨn̰ labɨde.

Magtubu di Pol wal bɨn̰ kalaŋ ga Rɔm 12:1

Ay karmɨnɨ ga ban̰aŋ dan̰ ga kandɨ, ɨŋ dobɨ bandɨ kuduroygɨŋ na kol sɔlɛ cɨn̰-n̰age da Kumu di kɨŋ way, waŋ waŋ kalɨn̰ ma duroygɨŋ aya gusi bɨn̰ Kumu, hɨn̰ hɨnga ga ni bogɨn̰ kɨbar ga woy bɨra bɨ, ga woy dan̰ cɨndɨge bɨ, ga ƴee cɨn̰ Kumu bɨ. Gɨ nee le mana n̰ɨre Kumu gɨ dan̰ gɨyəŋdi.

Magtubu di Pol wal bɨn̰ kalaŋ ga Rɔm 12:16

Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

Magtubu di Pol wal bɨn̰ kalaŋ ga Rɔm 15:30

Haw kɛ na, ay karmɨnɨ ga ban̰aŋ dan̰ ga kandɨ, ɨŋ olgɨŋ dan̰ gɨyəŋ gɨ da Ba-gulondɨna Jesu-Kɨris bɨ, dan̰ gɨyəŋ gɨ da geye gɨ Turnɔ di da Kumu bɨn̰ ungo bɨ le, hɨnga ga ba kɛ: Ɗagɨŋ gusɨgɨŋ kɨbɨ wɔrɨn̰ɛ gɨŋ danaŋ pɨna bɨ, ulan̰gɨŋ Kumu kol canɨ bɨ.

Magtubu di Pol wal bɨn̰ kalaŋ ga Rɔm 16:17

Ay karmɨnɨ ga ban̰aŋ dan̰ ga kandɨ, aŋ halgɨŋ cay hɨnga ga pɨna. Ɗagɨŋ muɗɔlɛ a cay gusɨgɨŋ gɨŋ, a cay kalaŋ ga ka-gɨlgɨŋ hɨnga ga woy kan̰dɨge dan̰ hɨnga ga ni gɨle ga kɨŋ ba je tumɔ. Kalaŋ ga nee le, na ka-pɔyɛ ka-aye kudurɔ duroy nee bɨ, ka-dɨbe sɨya tumon̰ ka-aye kudurɔ bɨ. Dɨragɨŋ gusɨgɨŋ sɛdɨ gusɨge coŋ.

1 Korɛ̰t 1:11

Ay, karmɨnɨ ga ban̰aŋ dan̰ ga kandɨ, ɨŋ ye kɔl gɨ nee le na kɨya gɨ kalaŋ ga pɨna a duroy ƴaa gɨ da tɨmdɨna Kulwe yəŋge gɨ bɔjɨn̰ɛ na woy duroygɨŋ.

1 Korɛ̰t 11:18

Hɨnga ga cay wase na yəŋge gɨ kɨɗɨn̰ ga kɨŋ na daya caygɨŋ kɨɗɨn̰ dayaŋ gaŋ na, puyoŋ na woy duroygɨŋ. Bɨ ɨŋ sol kuɗa gɨ na kɔl gɨ ni poy nɔm naŋ.

1 Korɛ̰t 12:25

Hɨn̰ wo̰ ɗe puyoŋ na unɔ duroy kuyoŋdi-gusɨna ama ɗe kuyoŋdi-gusɨna nɔm na sɨlage kardi gusɨge ɗe ɓadɨlɨn̰.

1 Korɛ̰t 3:3

Kɨya wa kɨŋ ɨre lee hɨnga na dan̰ gɨyəŋ gɨ da kuyoŋ-gusu ƴee. Kɨɗɨn̰ ga jangɨ bɨ bɔjɨn̰ɛ bɨ woy duroygɨŋ le, kɛ kɨŋ na ka-lɔɔ hɨnga dan̰ gɨyəŋ gɨ da kuyoŋ-gusu naŋ ga? Kɛ gɨye-lɔɔdɨgɨŋ gɨlɨn̰ pɨna na dan̰ gɨ da kalaŋ ga ɨndəŋ naŋ ga?

1 Korɛ̰t 4:16

Na toy di hɨn̰ wo̰ ma, ɨŋ dobɨ bandɨ kuduroygɨŋ. Ayagɨŋ cay tɨbanɨ.

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

2 Korɛ̰t 13:9

Hɨn̰ gɨ ni-gandi ni na ɨran̰ dan̰ dɔnɔ naŋ, ma naa kɨŋ-gandi ƴɔbɨ na ba ɨran̰ na, ni lee gusi-mɔwa. Ni ol Kumu kol caygɨŋ ɗe agɨŋ na bɨləŋ ka-aye kudurɔ ga duroŋ cɨrɛɗ.

2 Korɛ̰t 5:20

Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Galad 4:12

Ay, karmɨnɨ ga ban̰aŋ dan̰ ga kandɨ, ɨŋ lee n̰age toygɨŋ, ɗa gɨ kɨŋ wɨya hɨn̰ ɨŋ-bandi wo̰ bɨ, hɨn̰ gɨ ɨŋ-bandi kalɨn̰ ma ɨŋ ba lee gusɨnɨ gɨlɨn̰ hɨn̰ kɨŋ-gandi wo̰ bɨ. Kɨŋ laaŋ hɨnga ga ɨsɨni pɨna nɛŋ tumɔ naŋ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 3:16

Ama naa hɨn̰ wo̰ kalɨn̰ ma, kuɗa gɨ na or cɨndɨna tumɔ a te gɨyəŋ gɨ na ba ɨre boy nee bɨrɨŋ gɨsɨn̰ labɨde le.

1 Tesalonigɨ 5:13

Laagɨŋ toyge tɔgɨ dan̰ wandɨ kɨya cay gɨye gɨ kan lee le. Sɨmagɨŋ dan̰ gusi-dɔbɛ duroygɨŋ.

2 Tesalonigɨ 2:1

Karmɨnɨ ga ban̰aŋ dan̰ ga kandɨ, kɔl gɨ ojɨ cay jɨga gɨ da Ba-gulondɨna Jesu-Kɨris bɨ, cay dayaŋ kona gusii bɨ le, ni olgɨŋ gɨ:

1 Timote 5:21

Ɨŋ olɨn̰ tumoy Kumu bɨ, tumoy Jesu-Kɨris bɨ, tumoy ka-ƴɔbɛ ga daa nii ga torgege bɨ, ji laa hɨnga ga ɨŋ ba gɨlɨn̰ kɛ le dɨle bɔɔ te ungo pɨna naŋ bɨ, dɨle lɔɔ hɨnga pɨna kɨya dorɨn̰ cɨn̰ ungo naŋ bɨ.

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.