1 Ja̰ 4:9 - Gabri Maja

⁹ Sɨlagɨŋ gɨyəŋ gɨ Kumu wasɨn̰ɨn̰ geye koyi duroynagɨŋ ba kɛ: Ban gɨygɨ Kurondi gɨ pɨna hayi kəɗ kəɗ a cay gɨsəŋ gaŋ ɗe ana na orɨn̰ dan̰ sɔmɛ-bɨra dan̰ gɨyəŋ koyi.

1 Ja̰ 4:9 ပူးပေါင်းရင်းမြစ်များ

Marg 12:6

Bayi na ungo pɨna ƴɔbɨ gusi, na kurondi gɨ ban lee-toyi tɔgɨ. Lee gɨ kɨɗɨn̰ ga kan kagage nɔm coŋ ɨni na, na ban ma ban gɨygii gusɨge. Kɨya wa ban ye hɨn̰: “Kan kɨya bogɨn̰ kuronɨ kɔl nee.”

Kɔl-gɨ-Ɗari gɨ Lug wal 4:18

«Turnɔ di da Ba-gulɔŋ baa danaŋ, Ban dɔrɔŋ ɗe aŋ na tee bɛrnɛ Kɔl-gɨ-Ɗari bɨn̰ ka-n̰age bɨ, Ban gɨyəŋ ɗe aŋ na tee bɛrnɛ bɨn̰ kan ga woyge a dangay dɨŋ gɨ kan na kɨya ɗoge daa bɨ, Ɗe aŋ na yen̰ ka-bɨbe, gɨ kan na kɨya sɔlɛ kɨɗɨn̰ bɨ, Ban gɨygəŋ ɗe aŋ na yen̰ kan ga kan ba gɨlge cɨn̰-n̰age gɨ Kumu na kɨya dorge kɨbɨ cɨn̰-n̰age dɨŋ bɨ.

Kɔl-gɨ-Ɗari gɨ Ja̰ wal 10:10

Ba-hase le ɨrga na kɨya hase bɨ, dɨɗe kɨɗɨn̰ bɨ, mɔndɛ kɨɗɨn̰ bɨ ƴɔbɨ. Ama ɨŋ-bandi na, ɨŋ ɨrga na ɗe gɨ kalaŋ na wayan̰ge sɔmɛ-bɨra bɨ, tɔrɛ-kɨbɨ gɨ toy kan̰di kan̰di bɨ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:18

Waŋ waŋ gɨ na bɨga kuduroyi cayi na, bɔyɛ kɔl unɔ cayi. Ama waŋ waŋ gɨ na bɨga kuduroyi cayi naŋ na, boyge kɔl cayi ɨni, kɨya wa ban bɨga kuduroyi a cay Kurɨn̰-Kumu gɨ pɨna hayi kəɗ kəɗ le naŋ.

Kɔl-gɨ-Ɗari gɨ Ja̰ wal 5:23

ɗe gɨ kalaŋ nɔm been̰ge hurɔmɔ cay kuroŋ hɨn̰ gɨ kan ba been̰ge Kumu hurɔmɔ le. Ungo gɨ na dɨbɨn̰ kuroŋ hurɔmɔ naŋ na, kɨya dɨbɨn̰ Kɨye bayi gɨ gɨygɨn̰ dan̰ kuroŋ le hurɔmɔ naŋ bɨ.

Kɔl-gɨ-Ɗari gɨ Ja̰ wal 6:29

Jesu dɨbɨge cay nee yege hɨn̰: «Gɨye gɨ da Kumu na, na gɨ kɨŋ na bɨga kuduroygɨŋ cay ban gɨ Kumu gɨygi le.»

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Kɔl-gɨ-Ɗari gɨ Ja̰ wal 6:57

Hɨn̰ gɨ Banɨ ba gɨyigəŋ ba som-bɨra dan̰ cɨndi bɨ, ɨŋ ba som-bɨra na kol cay Banɨ bɨ na, ungo gɨ na daaŋ na, kɨya sɔmɛ-bɨra dan̰ cɨndi kol canɨ bɨ.

Kɔl-gɨ-Ɗari gɨ Ja̰ wal 8:29

Ban gɨ ba gɨyigəŋ le ɨre danaŋ, ban ɗaŋ kan̰nɨ naŋ. Kɨya wa ɨŋ lee hɨnga ga ƴee cɨndi dan̰ wɔlɛ pɨna pɨna.»

Kɔl-gɨ-Ɗari gɨ Ja̰ wal 8:42

Jesu jɨga dɨbɨge cay nee yege hɨn̰: «Hɨn̰ gɨ baygɨŋ ni naa Kumu na, kɨŋ ni kɨya geyəŋ, kɨya wa ɨŋ andɨgaŋ na gusi Kumu maŋ ɨrga. Ɨŋ ɨre na dan̰ cay gusɨnɨ hɨnge naŋ, na ban ba gɨyigəŋ.»

Kɔl-gɨ-Ɗari gɨ Ja̰ wal 9:3

Ɨni na, Jesu jɨga dɨbɨge cay nee yege hɨn̰: «Ban bɨbɨ na kɨya cay ɨsɨna koyi naŋ bɨ, ɨsɨna gɨ da ka-woyi naŋ bɨ. Ama na ɗe gɨ gɨye gɨ da Kumu na gɨl gusi doŋ a cayi.

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

Əbɨro 1:5

Na cɨndi duroy ka-ƴɔbɛ ga daa le, pɨna wo̰ gɨ Kumu yeyi hɨn̰: «Ji na kuronɨ, ayɨn̰ toy labɨde ɨŋ na ban̰» le, unɔ. Naŋ le, ɗaŋ coŋ: «Ɨŋ kɨya bɨle ban̰ bɨ, ji kɨya bɨle kuronɨ bɨ» le, unɔ.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

1 Ja̰ 4:10

Gɨyəŋ gɨ da geye gɨ da Kumu le ba kɛ: Na na-gandi ba geye Kumu tumɔ naŋ, ama na ban ba geyna tumɔ ma gɨyɨn̰ dan̰ Kurondi ɗe ɨrga. Kurondi le, ɗe gusi bɨn̰ tɨma leen̰ hɨnga ga ni bogɨn̰ kɨbar, kol cay nagɨŋ na toy di hɨn̰ wo̰ ma Kumu ɗen̰ kuduroyi jal a cay ɨsɨna konagɨŋ.

1 Ja̰ 4:16

Na-gandi na, na solgɨŋ geye gɨ Kumu geynagɨŋ bɨ, na beegɨŋ kuduroynagɨŋ cay nee bɨ. Kumu na geye, lee gɨ ungo gɨ geye na wɨya kuduroyna, ban bugoŋ pɨna dan̰ Kumu bɨ, Kumu bugoŋ pɨna danayi bɨ.

1 Ja̰ 5:11

Tɨmon̰ di Kumu lee le ba kɛ: Ban gɨ na sɔmɛ-bɨra gɨ dan̰ tumoyi bɨ sɔmɛ-bɨra gɨ nee le, ban bɨna na dan̰ gɨyəŋ gɨ da Kurondi.

1 Ja̰ 5:13

Ɨŋ wal kɔl nɔm gɨ kɛ le duroy magtubu dɨŋ bɨgɨŋ kɨŋ-gandi ga kɨŋ bee kuduroygɨŋ a cay Kurɨn̰-Kumu, ɗe agɨŋ na solɨn̰ gɨ kɨŋ na orɨn̰ dan̰ sɔmɛ-bɨra gɨ dan̰ tumoyi ɨni.