1 Ja̰ 4:4 - Gabri Maja

⁴ Ay, karɨnɨ kange, kɨŋ na ga da Kumu, kɨŋ boy-kɨmbɨl a cay ka-yɔɔ-kɔl-gɨ-Kumu-ba-yɔɔ ga cɨndi naŋ le ɨni, kɨya gɨ ban gɨ som a kuduroygɨŋ le, gumu ɗɨn̰ ban gɨ som a cay gɨsəŋ gaŋ.

1 Ja̰ 4:4 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Kɔl-gɨ-Ɗari gɨ Ja̰ wal 14:30

Ayɨn̰ toy haw kɛ na ɨŋ kɨya are-kɔl tɔgɨ danagɨŋ naŋ bɨrɨŋ ɨni. Kɨya wa kɨlma gɨ da kalaŋ ga a cay gɨsəŋ gaŋ kɛ, tɨlga nee. Ban ɨran̰ dan̰ dɔnɔ pɨna a canɨ naŋ.

Kɔl-gɨ-Ɗari gɨ Ja̰ wal 16:11

Ama gɨ ojɨ cay bɔyɛ kɔl na, na kɨya gɨ boyge kɔl cay kɨlma gɨ a cay gɨsəŋ gaŋ ɨni bɨ.

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Magtubu di Pol wal bɨn̰ kalaŋ ga Rɔm 8:31

Kardi kɔl ga nee le nɔm na, kɛ na koldi wa ma mana kɨya dɨbe cay nee ɗaŋ coŋ ga? Hɨn̰ gɨ Kumu naa danana na, kɛ na waŋ ɗaŋ coŋ ba kɨya jɨbna coŋ ga?

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

1 Korɛ̰t 2:12

Ama na-gandi na, na waa na turnɔ da kalaŋ ga a cay gɨsəŋ gaŋ kɛ naŋ, ama na Turnɔ di sayga gusi Kumu ɗe ana na solɨn̰ hɨngan̰əŋ ga Kumu bɨna dan̰ ɗarwa toy.

1 Korɛ̰t 6:13

«Hɨnga ga ni dɔɔ na woy naa kɨya cay kuduroy ungo bɨ, kuduroy ungo na woy naa kɨya cay dɔɔ bɨ.» Ho’o, a kagadi wɔlɛ gɨŋ na Kumu kɨya mɔndɛ hɨnga ga ni dɔɔ bɨ kudurɔ bɨ sɔɗɨmɔŋ toge dɨŋ. Ama kuyoŋdi-gusu wɨya na kɨya yoyɨn̰ dan̰ gangɨ caygɨŋ naŋ. Kuyoŋdi-gusu woy ojɨ na cay Ba-gulɔŋ bɨ, Ba-gulɔŋ woy ojɨ na cay kuyoŋdi-gusu bɨ.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

2 Korɛ̰t 6:16

Kɛ na wa ba kɨya ɓale daye ƴaa-di-da-Kumu dan̰ kulan̰əŋ ga? Kɨya wa na-gandi na, na na ƴaa-di-da-Kumu gɨ som-bɨra dan̰ tumoyi hɨn̰ gɨ ban Kumu gusi ba ye duroy magtubu toy dɨŋ le, ban ye hɨn̰: «Ɨŋ kɨya sɔmɛ duroyge bɨ, Ɨŋ kɨya gɔrɛ duroyge bɨ, Ɨŋ kɨya bɨle Kumu koge bɨ, Kan kɨya bɨle na kalaŋ kange bɨ.»

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Epɛs 6:10

Kagadi kɔl hɨnge ba kɛ: Daragɨŋ togɨygɨŋ na duroy te bugoŋ pɨna kogɨŋ gɨŋ dan̰ Ba-gulɔŋ bɨ, a gusi tɔgɨ toyi di ɗɨn̰ hɨnga nɔm bɨ.

1 Ja̰ 2:1

Ay, kɨŋ ga kɨŋ woy hɨn̰ karɨnɨ kange wo̰ le, ɨŋ wal kɔl gɨ kɛ le bɨgɨŋ na ɗe gɨ agɨŋ na leen̰ ɨsɨna naŋ ɨni. Ama hɨn̰ gɨ ungo duroynagɨŋ na laa ɨsɨna na, na orɨn̰gɨŋ dan̰ ungo pɨna woy nee gɨ ba ƴɔɔ cay nagɨŋ tumoy Baynagɨŋ Kumu. Ba ƴɔɔ cayna le, na Jesu-Kɨris gɨ ba lɔɔ hɨnga ga dan̰ durɔ ɗɨngar le.

1 Ja̰ 2:13

Ay, karɨn̰aŋ ban̰an̰ge, ɨŋ wal kɔl gɨ kɛ le bɨgɨŋ: «Kɨŋ sol ban gɨ som a toyi dɨŋ ɓɨrag. Ay, marɨne, ɨŋ wal kɔl gɨ kɛ le bɨgɨŋ: Kɨŋ boy-kɨmbɨl cay Haban̰ Ba-lɔɔ ɨsɨna.»

1 Ja̰ 3:20

Hɨn̰ gɨ ɨrɨmedɨnagɨŋ na dɨbɨ kɔl cay nagɨŋ kalɨn̰ ma, Kumu gumu ɗɨn̰ ɨrɨmedɨnagɨŋ bɨ, ban sol hɨnga nɔm bɨ.

1 Ja̰ 3:24

Waŋ waŋ gɨ na gama te tumɔn̰əŋ kayi na, ban bugoŋ pɨna dan̰ Kumu dan̰ wɔlɛ pɨna pɨna bɨ, Kumu bugoŋ pɨna danayi bɨ. Hɨnga ga gɨl gɨ Kumu na bugoŋ pɨna dananagɨŋ dan̰ wɔlɛ pɨna pɨna le, na Turnoyi di ban ɗoo som kuduroynagɨŋ.

1 Ja̰ 4:13

Kumu bɨna Turnɔ toyi. Na hɨn̰ wo̰ ma na solgɨŋ gɨ nana bugoŋgɨŋ pɨna danayi bɨ, ban na bugoŋ pɨna dananagɨŋ bɨ.

1 Ja̰ 4:16

Na-gandi na, na solgɨŋ geye gɨ Kumu geynagɨŋ bɨ, na beegɨŋ kuduroynagɨŋ cay nee bɨ. Kumu na geye, lee gɨ ungo gɨ geye na wɨya kuduroyna, ban bugoŋ pɨna dan̰ Kumu bɨ, Kumu bugoŋ pɨna danayi bɨ.

1 Ja̰ 4:6

Na-gandi na, nana ga da Kumu. Waŋ waŋ gɨ na sɨla Kumu na, kɨya jɔɔ kɔl kɨbɨnagɨŋ. Ama waŋ waŋ gɨ naa gɨ da Kumu naŋ na, kɨya jɔɔ kɔl kɨbɨnagɨŋ naŋ. Na dan̰ gɨyəŋ gɨ nee le ma mana kɨya solɨn̰gɨŋ turnɔ di da kɔl gɨ cɨndi bɨ, turnɔ di da kɔl gɨ ni poy bɨ.

1 Ja̰ 5:19

Na solgɨŋ gɨ na na-gandi ƴɔbɨ ma na kalaŋ ga da Kumu. Ama kalaŋ ga a cay gɨsəŋ gaŋ nɔm le, woyge na te dɔnɔ di da Haban̰ Ba-lɔɔ ɨsɨna gɨŋ.

1 Ja̰ 5:4

Ho’o, waŋ waŋ gɨ naa kurɨn̰ Kumu na, orɨn̰ dan̰ dɔnɔ di ni bon̰-kɨmbɨl a cay dɔnɔ di a cay gɨsəŋ gaŋ. Bɨ dɔnɔ di na ba bon̰ kɨmbɨl a cay dɔnɔ ga cay gɨsəŋ gaŋ le, sayga na gusi aye kudurɔ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.