1 Ja̰ 4:2 - Gabri Maja

² Sɨlagɨŋ, gɨyəŋ gɨ kɨŋ ba kɨya solɨn̰ gɨ ungo na orɨn̰ dan̰ Turnɔ di da Kumu a gusi ba kɛ: Hɨn̰ gɨ ungo na ya gɨ Jesu-Kɨris na ɨrga a cay gɨsəŋ gaŋ kɛ hɨn̰ ungo gɨ ɨndi wo̰ na, ban ye kɔl na dan̰ gɨyəŋ gɨ da Turnɔ di da Kumu.

1 Ja̰ 4:2 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

1 Korɛ̰t 12:3

Na toy di hɨn̰ wo̰ ma ɨŋ gey gɨ kɨŋ na sɨla duroy kuɗa gɨ ungo gɨ na ya kɔl dan̰ gɨyəŋ gɨ da Turnɔ di da Kumu le, kɨya yɔ gɨ: «Ɓɨse na ƴɨma cay Jesu» naŋ bɨrɨŋ. Bɨ ungo gɨ ɓale yɔ hɨn̰: «Jesu naa Ba-gulɔŋ» dɨle gɨ Turnɔ ɗe-kuduroy-bɛrɛ naa ba ɗa kɨbi bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

1 Ja̰ 1:2

Ban gɨ na sɔmɛ-bɨra le, gɨl gusi lee gɨ ni solii dan̰ cɨndɨni bɨ, ni lee tɨmon̰ toyi bɨ. Na toy di hɨn̰ wo̰ ma, ni tee bɛrnɛ di da sɔmɛ-bɨra gɨ dan̰ tumoy gɨ tumɔ som na gusi Bayi pa dɨm ma gɨl gusi bɨni ƴee le, bɨgɨŋ.

1 Ja̰ 2:23

Waŋ waŋ gɨ na man̰a kɨbi yan̰ gɨ Jesu naa Kurɨn̰-Kumu naŋ na, ungo gɨ nee le, Kumu na bayi naŋ ɨni. Ungo gɨ na ya pɨraŋ daa gɨ Jesu naa Kurɨn̰-Kumu na, Kumu bɨle na bayi ɨni.

1 Ja̰ 4:15

Waŋ waŋ gɨ na ya Jesu gusi naa Kurɨn̰-Kumu na, Kumu bugoŋ pɨna danayi bɨ, ban kalɨn̰ ma bugoŋ pɨna dan̰ Kumu bɨ.

1 Ja̰ 4:3

Ama turnɔ di na ya gɨ to na sɨla Jesu naŋ na, saya na a gusi Kumu naŋ. Turnɔ di nee le, na ɗe-baa di da Kɨris di kɨŋ ba je kɔldɔ gɨ na kɨya caga le. Ama haw kɛ na hɨndi woy a cay gɨsəŋ gaŋ kɛ ɨni.

1 Ja̰ 5:1

Waŋ waŋ gɨ na bɨga kuduroy cay Jesu gɨ ban naa Kɨris ban gɨ Kumu dorii na, ungo gɨ nee le bɨləŋ na kurɨn̰ Kumu. Waŋ waŋ gɨ na gey Baynagɨŋ Kumu na, gey karɨndi nɔm bɨ.

2 Ja̰ 1:7

Ka-nare cɨn̰-kɨɗɨn̰ kondɨ andaŋge a cay gɨsəŋ gaŋ. Kan kan̰ge yɔ daa pɨraŋ hɨn̰ gɨ Jesu-Kɨris na ɨrga naa hɨn̰ ungo gɨ ɨndi wo̰ a cay gɨsəŋ gaŋ. Ungo gɨ na ya kɔl gɨ hɨn̰ wo̰ na, ban na ba nare kɨɗɨn̰ bɨ na ba-baa gɨ da Kɨris bɨ.