1 Ja̰ 3:3 - Gabri Maja

³ Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.

1 Ja̰ 3:3 ပူးပေါင်းရင်းမြစ်များ

Matɨyo 5:48

Duroŋgɨŋ cɨrɛɗ, hɨn̰ gɨ Baygɨŋ gɨ woy a daa nii duroŋ cɨrɛɗ wo̰ bɨ.

Kɔl-gɨ-Ɗari gɨ Lug wal 6:36

Sɨlagɨŋ cɨn̰-n̰age di da kalaŋ hɨn̰ gɨ Baygɨŋ Kumu ba solɨn̰ cɨn̰-n̰age di da kalaŋ wo̰ bɨ.

Kɔl-gɨ-Ɗari gɨ Ja̰ wal 17:19

Ɨŋ ay gusɨnɨ hɨnge ɨŋ-bandi si dan̰ cɨndi kɔl cayge, ɗe gɨ kan kalɨn̰ ma na wɨyage dan̰ cɨndɨge dan̰ gɨyəŋ gɨ da kɔl gɨ cɨndi bɨ.»

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

Magtubu di Pol wal bɨn̰ kalaŋ ga Rɔm 15:12

Ba-yɔɔ-kɔl-gɨ-Kumu-ba-yɔɔ Ijay ye ɗaŋ coŋ hɨn̰: «Kungay Jese pɨna kɨya andɨgaŋ, Na ban ba kɨya sɔ gɨ ni dɔɔ cayi te wɔɔ, Gɨ da kalaŋ pɨna pɨna le. Te wɔɔ gɨ da kalaŋ kɨya bɔgɛge ɨrɨmedɨge a cayi.»

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

Titɨ 3:7

Na hɨn̰ wo̰ ma, na bɨlegɨŋ kalaŋ ga dan̰ durɔ ɗɨngar dan̰ gɨyəŋ gɨ da ɗarwa toyi bɨ, na beegɨŋ ɨrɨmedɨnagɨŋ na cay Ba-gulondɨnagɨŋ gɨ na na kɨya wɔɔ hɨnga ga ni ban̰di-gulɔŋ gɨ na sɔmɛ-bɨra gɨ dan̰ tumoyi.

Əbɨro 12:14

Malagɨŋ gɨyəŋ gɨ ni somɨn̰ dan̰ gusi-dɔbɛ dan̰ kalaŋ nɔm bɨ, gɨ ni somɨn̰ dan̰ kuduroy-bɛrɛ dan̰ cɨndɨgɨŋ tumɔ tumɔ bɨ. Kɨya wa dɨle hɨnga ga nee le na, ungo gɨ ba kɨya sɔlɛ cɨn̰ Ba-gulɔŋ unɔ bɨrɨŋ.

Əbɨro 6:18

Hɨn̰ wo̰ na tumɔ dan̰ kɔl gɨ ban ye gɨ ɗi na kɨya lɔɔ bɨ, ɗaŋ coŋ dan̰ ɓɨse gɨ ban ɓɨse gusi bɨ. Hɨnga ga sɔɔ ga nee le, kɨya bɨle ɗaŋ naŋ bɨ Kumu kɨya yɔ poy cay nee naŋ bɨrɨŋ bɨ. Ɨni na, na-gandi ga ba ɗe hɨnga nɔm coŋ kɨya ƴomɨn̰ hɨnga ga na ba bee ɨrɨmedɨna cay nee gɨ ban ba ɗe tumoyna le, na orɨn̰ dan̰ hɨnga ga dobɨ bandɨ kuduroyna tɔgɨ gɨɗaŋ.

Əbɨro 7:26

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.

Magtubu di Jag wal 4:8

Sɨygɨŋ mɨnde gusi Kumu bɨ, ban kalɨn̰ ma kɨya sɨygɨ mɨnde gusɨgɨŋ bɨ. Kɨŋ ka-lɔɔ ɨsɨna le, ɨsɨbegɨŋ ɨsɨna naŋ ɨni. Kɨŋ ga kuduroygɨŋ sɔɔ sɔɔ le, pɨlgɨŋ cay ɗugoygɨŋ ɗe arɨn̰ cərərə.

1 Pɨyɛr 1:15

Kumu gɨ ba togɨgɨŋ le woy dan̰ cɨndi. Na toy di hɨn̰ wo̰ ma, kuɗa gɨ kɨŋ-gandi kalɨn̰ ma kɨŋ wɨya dan̰ cɨndɨgɨŋ te gɨye-lɔɔdɨgɨŋ gɨŋ nɔm bɨ.

1 Pɨyɛr 1:3

Kuɗa gɨ ana hɨramgɨŋ Ba-gulondɨna Kumu, Jesu-Kɨris Bayi. Kɨya cay sɔlɛ cɨn̰-n̰age toyi di gumu di ban jɨga wɔɔnagɨŋ ɗaŋ dan̰ gɨyəŋ gɨ da bɔyɛ lɨbe gɨ da Jesu-Kɨris duroy kalaŋ ga madɨrdaŋ. Hɨnga ga nee le, lee gɨ ɨrɨmedɨnagɨŋ gɨ na ba bee cay nee le kɨya wɔyɛ-bɨra.

2 Pɨyɛr 1:4

Na kol cay gusoŋ-tɔgɛ dan̰ tɔgɨ toyi le ma, nana wan̰ hɨnga nɔm ga ɗadɨrdaŋ ga gɨmdəŋ ga kɨledɨge osu tɔgɨ, gɨ naa Kumu ye gɨ ɗi na kɨya lɔɔ bɨna le. Ban bɨgɨŋ hɨnga nɔm ga ɗadɨrdaŋ ga nee le, na ɗe gɨ tabɨlaŋdi hɨnga ga ɨsɨndəŋ ga cay gɨsəŋ gaŋ na gɨ mondɨgɨŋ naŋ ɨni. Ama na ɗe gɨ ana na bugoŋgɨŋ pɨna leen̰ cɨndi dan̰ Kumu.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

1 Ja̰ 2:6

Ungo gɨ na ya gɨ ɗi na bugoŋ pɨna dan̰ Kumu na, ojɨ gɨ ban kɨya ɔrɛ a cay gɨsəŋ gaŋ hɨn̰ gɨ Kɨris ba orɨn̰ a cay gɨsəŋ gaŋ wo̰ bɨ.

1 Ja̰ 4:17

Na hɨn̰ wo̰ ma, a wɔlɛ gɨ ni bon̰ kɔl gɨŋ le, na kɨya hundɔrɔgɨŋ naŋ. Kɨya wa geye gɨ da Kumu duroŋ dan̰ durɔ cɨrɛɗ gusɨnagɨŋ bɨ, na orgɨŋ a cay gɨsəŋ gaŋ kɛ, gɨlɨn̰ na hɨn̰ gɨ da Jesu-Kɨris wo̰ bɨ.