1 Ja̰ 3:2 - Gabri Maja

² Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

1 Ja̰ 3:2 ပူးပေါင်းရင်းမြစ်များ

Matɨyo 5:8

Tumoy wolwa woy caygɨŋ, kɨŋ ga kuduroygɨŋ bɛrɛ kən̰jəŋ, Kɨya wa kɨŋ kɨya sɔlɛ Kumu!

Kɔl-gɨ-Ɗari gɨ Lug wal 17:30

Wɔlɛ gɨ ɨŋ-bandi Kurɨn̰-ungo kɨya andɨn̰ le, kɨya wɔyɛ na hɨn̰ wo̰ bɨ.

Kɔl-gɨ-Ɗari gɨ Lug wal 20:36

Kan kɨya ɓale mare naŋ ɨni, kɨya wa kan woyge na hɨn̰ ka-ƴɔbɛ ga daa nii wo̰. Kan na karɨn̰ Kumu, kɨya wa kan na karɨn̰aŋ ga boyge lɨbɨ a duroy kalaŋ ga madɨrdaŋ.

Kɔl-gɨ-Ɗari gɨ Ja̰ wal 1:12

Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.

Kɔl-gɨ-Ɗari gɨ Ja̰ wal 11:52

Bɨ na kɨya cay ɗarwa di da te wɔɔ gɨ da kalaŋ ga na Jubɨn̰əŋ dan̰ kan̰dɨge naŋ. Ama na kɨya cay ɗarwa di da karɨn̰ Kumu ga sugudoŋge, ɗe na dayaŋge daa bɨləŋge kuyoŋ-gusu gɨ pɨna.

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Magtubu di Pol wal bɨn̰ kalaŋ ga Rɔm 8:16

Turnɔ di da Kumu dan̰ guso kalɨn̰ ma lee tɨmon̰ a ɗugoyna gɨ na naa karɨn̰ Kumu.

Magtubu di Pol wal bɨn̰ kalaŋ ga Rɔm 8:18

Kɨɗɨn̰ ga ɨŋ ba ɨrɨm a cay gusoŋ-tɔgɛ gɨ Kumu ba kɨya wasɨn̰e cay bɨna kardi nee le, hɨnga ga ni gɨle-cɨn̰ ga a tɨwa di haw kɛ dɨŋ le, ɨŋ ɗongɨsɨge na dḛ wo̰ ƴɔbɨ gɨsɨn̰ danaa.

Magtubu di Pol wal bɨn̰ kalaŋ ga Rɔm 8:19

Wɔlɛ pɨna, Kumu kɨya wasɨn̰e cay gusoŋ-tɔgɛ di da karɨndi. Hɨnga se ga da Kumu nɔm woyge te game wɔlɛ gɨ nee le jɨngaa.

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

1 Korɛ̰t 13:12

Na hɨn̰ wo̰ kol cayna bɨ. Haw kɛ na, na sol Kumu na hɨn̰ duroy kudurɔm gɨ mɨdagi gɨŋ wo̰, ama a wɔlɛ ga ɗaŋ gaŋ na, na kɨya solii dan̰ cɨndɨna gerɨn̰ gerɨn̰. Haw kɛ na ɨŋ sol na kɨway hɨnga ƴɔbɨ, ama wɔlɛdi gɨŋ na ɨŋ kɨya sɔlɛ-hɨnga nɔm, hɨn̰ gɨ Kumu ba sɔlɔŋ wo̰ bɨ le.

1 Korɛ̰t 15:49

Hɨn̰ gɨ na ba ay gɨlɨn̰a gɨ da ungo gɨ a cay gɨsəŋ gaŋ kɛ le, na kɨya aye gɨlɨn̰a gɨ da ungo gɨ a gɨɗɨgɨ-Kumu gɨŋ hɨn̰ wo̰ bɨ.

1 Korɛ̰t 2:9

Ama walge a duroy Magtubu di da Kumu dɨŋ yege hɨn̰: «Na hɨnga ga cɨn̰ ungo sɨla naŋ bɨ, Sɨman̰ ungo ja naŋ bɨ, Ungo ɨrɨm cay nee naŋ bɨ, Ma Kumu ƴom cay tɨbayge kol kan ga geyige.»

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Galad 4:6

Na sol gɨ na na karɨn̰ Kumu, kɨya wa Kumu ɗe Turnoy Kurondi kuduroyna bɨ, Turnɔ le lee gɨ na yen̰gɨŋ Kumu hɨn̰: «Ay, Aba Banɨ.»

Pilib 3:21

Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.

Kɔlɔs 3:4

Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

2 Pɨyɛr 1:4

Na kol cay gusoŋ-tɔgɛ dan̰ tɔgɨ toyi le ma, nana wan̰ hɨnga nɔm ga ɗadɨrdaŋ ga gɨmdəŋ ga kɨledɨge osu tɔgɨ, gɨ naa Kumu ye gɨ ɗi na kɨya lɔɔ bɨna le. Ban bɨgɨŋ hɨnga nɔm ga ɗadɨrdaŋ ga nee le, na ɗe gɨ tabɨlaŋdi hɨnga ga ɨsɨndəŋ ga cay gɨsəŋ gaŋ na gɨ mondɨgɨŋ naŋ ɨni. Ama na ɗe gɨ ana na bugoŋgɨŋ pɨna leen̰ cɨndi dan̰ Kumu.

1 Ja̰ 2:28

Ho’o, karɨnɨ kange bugoŋgɨŋ pɨna dan̰ Kɨris ɗe wɔlɛ gɨ ban na andaŋ dus na, ana ɨrɨn̰gɨŋ tumoyi dɨle sɔlɛ-hɨnga pɨna wo̰ bɨ, dɨle dasi dɔɔnagɨŋ bɨ.

1 Ja̰ 2:7

Ay, kɨŋ ga ɨŋ lee-toygɨŋ, ɨŋ wala na te tumɔ di hɨrɨwa bɨgɨŋ naŋ. Ama, ɨŋ wal na te tumɔ di woy nee na jɨne haa bɨ, di kɨŋ sɔlɔɔ na tumɔ hagɨŋ bɨ, bɨgɨŋ. Te tumɔ di nee le, na kɔl gɨ da Kumu gɨ kɨŋ ba je a kɨbɨni le.

1 Ja̰ 3:1

Sɨlagɨŋ, kɛ na geye gɨ mɨna ma Baynagɨŋ gɨlnagɨŋ hɨn̰ wo̰ ga? Geye gɨ da Kumu kol cay nagɨŋ gumu tɔgɨ bɨrɨŋ gɨ ban teenagɨŋ «karɨndi». Na bɨlegɨŋ karɨn̰ Kumu leen̰ cɨndi. Kalaŋ ga a cay gɨsəŋ gaŋ sɨlanagɨŋge naŋ kɨya gɨ kan sɨla Kumu naŋ bɨ.

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 3:21

Ay, kɨŋ ga ɨŋ lee-toygɨŋ, hɨn̰ gɨ ɨrɨmedɨnagɨŋ na dɨbɨ kɔl cay nagɨŋ naŋ na, na kɨya ɨre tumoy Kumu dan̰ ɗugoynagɨŋ di baa po̰ dugo.

1 Ja̰ 5:1

Waŋ waŋ gɨ na bɨga kuduroy cay Jesu gɨ ban naa Kɨris ban gɨ Kumu dorii na, ungo gɨ nee le bɨləŋ na kurɨn̰ Kumu. Waŋ waŋ gɨ na gey Baynagɨŋ Kumu na, gey karɨndi nɔm bɨ.

Wasɨn̰a 2:28

Ho’o ban kɨya wɔɔ dɔnɔ hɨn̰ dɔnɔ di ɨŋ ba way a gusi Banɨ wo̰ bɨ. Ɗaŋ coŋ ɨŋ kɨya bii turɨmbɔlɔ.

Wasɨn̰a 22:4

Kan kɨya sɔlɛ cɨndi bɨ kɨya ɗɔge gusondi a jɨndɨge bɨ.