1 Ja̰ 2:4 - Gabri Maja

⁴ Waŋ waŋ gɨ na ya hɨn̰: «Ɨŋ solii», ama na bɨga kɔl a cay te tumɔn̰əŋ kayi naŋ na, ban na ba poy bɨ kɔl gɨ cɨndi unɔ kɨbi bɨrɨŋ bɨ.

1 Ja̰ 2:4 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Titɨ 1:10

Na cɨndi, ka-mɨn̰e daa bɨ, ka-dɔrɛ kɔl gɨ toyi dan̰ cayi unɔ bɨ, ka-nare cɨn̰ kalaŋ bɨ, kondɨge. Ama kondɨwayge na, na a duroy Jubɨn̰əŋ ga ayge kuduroyge.

Titɨ 1:16

Kan yege gɨ ke na sol Kumu ama gɨye-lɔɔdɨge gɨl gɨ kan sɨlage Kumu naŋ leen̰ cɨndi. Kalaŋ ga gɨlɨn̰ge hɨn̰ wo̰ le, na kalaŋ ga ɨsɨnge tɔgɨ bɨ, na ka-mɨn̰e daa bɨ, ɓalage lɔɔ hɨnga ga ɗari pɨna wo̰ dɨbe daa naŋ bɨ.

1 Ja̰ 1:10

Hɨn̰ gɨ na na ya hɨn̰: «Na na laa ɨsɨna naŋ na», na lee Kumu leen̰ ba poy bɨ, kɔl koyi unɔ a kuduroynagɨŋ bɨ.

1 Ja̰ 1:6

Hɨn̰ gɨ na na guragɨŋ a duroy dɨlɨm dɨŋ, ma mana na yagɨŋ gɨ na na bugoŋgɨŋ pɨna dan̰ Kumu na, na na ka-poy bɨ, na guragɨŋ a te kɔl gɨ cɨndi gɨŋ naŋ bɨ.

1 Ja̰ 1:8

Hɨn̰ gɨ na na ya hɨn̰: «Na na ɨran̰ dan̰ ɨsɨna naŋ na», na nargɨŋ na gusɨnagɨŋ konagɨŋ gaŋ bɨ, kɔl gɨ cɨndi unɔ kɨbɨnagɨŋ bɨrɨŋ bɨ.

1 Ja̰ 2:3

Hɨn̰ gɨ na na bɨgagɨŋ kɔl a cay te tumɔn̰əŋ ga da Kumu na, na solgɨŋ leen̰ cɨndi gɨ na na solgɨŋ Kumu.

1 Ja̰ 2:9

Waŋ waŋ gɨ na ya gɨ ɗi na som naa asɨn̰a gɨŋ, ma na ƴɨma kurɨndi dan̰ kuduroyna, ban baa andaŋ duroy dɨlɨm dɨŋ doŋ coŋ ƴee.

1 Ja̰ 3:6

Waŋ waŋ gɨ na bugoŋ pɨna danayi na, laa ɨsɨna naŋ. Waŋ waŋ gɨ na wɨya te lɔɔ ɨsɨna na, sɨla kurɨn̰ Kumu dan̰ tɨdi naŋ bɨrɨŋ bɨ, sɨlayi naŋ bɨ.

1 Ja̰ 4:20

Waŋ waŋ gɨ na ya hɨn̰: «Ɨŋ gey Kumu», ma na ƴɨma kurɨndi dan̰ kuduroyi na, ban na ba poy. Na cɨndi, ungo gɨ na gey kurɨndi gɨ ban solii dan̰ tɨdi gərɨn̰ gərɨn̰ kɛ naŋ na, ban kɨya ɓale geye Kumu gɨ ban sɨlayi dan̰ tɨdi gərɨn̰ gərɨn̰ naŋ bɨ.

1 Ja̰ 4:7

Ay, kɨŋ ga ɨŋ lee-toygɨŋ, kuɗa gɨ kɨŋ gey gusɨgɨŋ, kɨya gɨ geye sayga na gusi Kumu. Lee gɨ ungo gɨ geye woy kuduroy le, bɨləŋ na kurɨn̰ Kumu bɨ, na ungo gɨ sol Kumu bɨ.