1 Ja̰ 2:1 - Gabri Maja

¹ Ay, kɨŋ ga kɨŋ woy hɨn̰ karɨnɨ kange wo̰ le, ɨŋ wal kɔl gɨ kɛ le bɨgɨŋ na ɗe gɨ agɨŋ na leen̰ ɨsɨna naŋ ɨni. Ama hɨn̰ gɨ ungo duroynagɨŋ na laa ɨsɨna na, na orɨn̰gɨŋ dan̰ ungo pɨna woy nee gɨ ba ƴɔɔ cay nagɨŋ tumoy Baynagɨŋ Kumu. Ba ƴɔɔ cayna le, na Jesu-Kɨris gɨ ba lɔɔ hɨnga ga dan̰ durɔ ɗɨngar le.

1 Ja̰ 2:1 ပူးပေါင်းရင်းမြစ်များ

1 Timote 2:5

Kɨya wa Kumu na pɨna hayi kəɗ kəɗ bɨ, Ba-ɨre duroy Kumu dan̰ kalaŋ kalɨn̰ ma, Na pɨna hayi kəɗ kəɗ. Ungo gɨ nee le, Na Jesu-Kɨris.

Magtubu di Pol wal bɨn̰ kalaŋ ga Rɔm 8:34

Kɛ na waŋ ba kɨya ɓale bɔyɛ kɔl sige cayge ga? Ungo wo̰ unɔ! Jesu-Kɨris gusi ba mare kol cayna. Ɗɨn̰ gɨ nee le na, ban boy lɨbɨ bɨ som a kɨway Kumu a cay kobi gɨ bara gɨŋ bɨ, woy te ɔlɛ Kumu kol cayna.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

1 Ja̰ 4:4

Ay, karɨnɨ kange, kɨŋ na ga da Kumu, kɨŋ boy-kɨmbɨl a cay ka-yɔɔ-kɔl-gɨ-Kumu-ba-yɔɔ ga cɨndi naŋ le ɨni, kɨya gɨ ban gɨ som a kuduroygɨŋ le, gumu ɗɨn̰ ban gɨ som a cay gɨsəŋ gaŋ.

1 Ja̰ 3:18

Ay, karɨnɨ kange, ɗɔɔ gɨ na geyegɨŋ gusɨnagɨŋ dan̰ kɔl gɨ a kɨbɨnagɨŋ ƴɔbɨ naŋ, ama kuɗa gɨ na geygɨŋ gusɨnagɨŋ dan̰ gɨye-lɔɔdɨnagɨŋ bɨ dan̰ geye gɨ hɨnde bɨ.

1 Ja̰ 3:7

Ay, karɨnɨ, ɗɔɔgɨŋ ungo nare cɨndɨgɨŋ naŋ. Waŋ waŋ gɨ na laa hɨnga ga dan̰ durɔ ɗɨngar na, na ungo gɨ dan̰ durɔ ɗɨngar hɨn̰ gɨ Kɨris na ungo gɨ dan̰ durɔ ɗɨngar wo̰ bɨ.

Kɔl-gɨ-Ɗari gɨ Ja̰ wal 8:11

Tama le jɨga dɨbii cay nee yeyi hɨn̰: «Ba-gulɔŋ ungo unɔ.» Ɨni na, Jesu yo hɨn̰: «Ɨŋ-bandi kalɨn̰ ma ɨŋ dɨbɨ kɔl cɛɛ naŋ ɨra hɛɛ ɨni, ama jɔgɛ lɔɔ ɨsɨna naŋ bɨrɨŋ].»

Əbɨro 9:24

Ho’o, kɨɗɨn̰ ga woy dan̰ cɨndɨge ga Kɨris andaŋ boy nee le, na ga kobɨ ungo ba lɔɔ naŋ. Kɨɗɨn̰ ga nee le na turnoy hɨnga ga cɨndi ƴɔbɨ naŋ. Ama ban andaŋ a gɨɗɨgɨ-Kumu gɨŋ jada ɗe na ɨrɨn̰ tumoy Kumu kol cayna boy tɨwa di haw kɛ dɨŋ.

1 Ja̰ 3:5

Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.

Epɛs 2:18

Kɨya cay hɨnga ga Kɨris lee le, na-gandi ga toyna na Jubɨ bɨ, ga toyna na Jubɨ naŋ bɨ, na orɨn̰gɨŋ dan̰ gɨyəŋ gɨ ni ɨrga mɨnde gusi Bayna Kumu, dan̰ gɨyəŋ gɨ da Turnoyi.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

Epɛs 4:26

Hɨn̰ gɨ kuduroy-hɔmɛ na laagɨŋ na, kɨŋ ɗɔɔ ba lɔɔ ɨsɨna naŋ, ɗɔɔgɨŋ tɨwa ɗɔbɛ a cay kuduroy-hɔmɛ togɨŋ dɨŋ naŋ,

Galad 4:19

Karɨnɨ ga ɨŋ geygɨŋ tɔgɨ, ɨŋ jɨga way gɨle-cɨn̰ ɗaŋ coŋ hɨn̰ da tama di wɔɔ loo wo̰ kɨya gɨ kɨŋ jɨga karu. Ɨŋ kɨya gɨle-cɨn̰ bɨrɨŋ gɨsin̰ gɨ kɨŋ kɨya bɨləŋ gɨlɨn̰a na hɨn̰ Kɨris wo̰ hɔlɔlɔ.

Kɔl-gɨ-Ɗari gɨ Ja̰ wal 10:15

Hɨn̰ gɨ Banɨ ba sɔlɔŋ bɨ, ɨŋ-bandi, ɨŋ ba solii bɨ le, lee gɨ ɨŋ ay gusɨnɨ dɨbɨ coŋ kɨya gamge kange.

Kɔl-gɨ-Ɗari gɨ Ja̰ wal 5:36

Ama ɨŋ-bandi ɨŋ orɨn̰ dan̰ tɨmon̰ di gumu ɗɨn̰ di da Ja̰. Tɨmon̰ di nee le: Na gɨye nɔm ga Banɨ bəŋ gɨ ɨŋ na laa dɨɗɨn̰ kɨbi. Gɨye gɨ nee le ɨŋ lee nɔm, na ban ba lɔɔ tɨmon̰ tɨnge,

Kɔl-gɨ-Ɗari gɨ Lug wal 10:22

Ɨni na, ban yen̰ kalaŋ ga ba ɨrege nee le, yege hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ Ɨŋ dorii pa dɨm ma maŋ kɨya gɨlii Banɨ, ɗe ban na solii ƴee.»

1 Pɨyɛr 2:22

Ban laa hɨnga ga ɨsɨni pɨna naŋ bɨ, ungo ja kɔl gɨ ni nare cɨn̰-kɨɗɨn̰ kɨbi naŋ bɨ.

1 Korɛ̰t 15:34

Jɨgegɨŋ a te gɨyəŋ gɨ ɗari gɨŋ gɨ kɨŋ ɗe coŋ bɨ, kɨŋ ɗɔɔ ba lɔɔ ɨsɨna bɨ. Ɨŋ yəgɨŋ kɔl gɨ nee le kɨya gɨ kalaŋ ga pɨna duroygɨŋ sɨlage Kumu naŋ, gɨ nee le na dasi kol caygɨŋ.

Kɔl-gɨ-Ɗari gɨ Ja̰ wal 5:14

Kardi nee ɨni na, Jesu jɨga wayi duroy ƴaa-di-da-Kumu dɨŋ bɨ, yeyi hɨn̰: «Haw kɛ na sɨla ji poɗɨ ɨni, lɔɔ ɨsɨna naŋ bɨrɨŋ gajanaŋ, naŋ na hɨnga ga ɗɨn̰ ga ba kɛ, kɨya da andaŋ can̰ ɗaŋ coŋ.»

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.

1 Ja̰ 5:21

Ay karɨnɨ kange, ɗagɨŋ muɗɔlɛ cay gusɨgɨŋ gɨŋ kɨya cay kulan̰əŋ.

Magtubu di Jag wal 3:9

Na dan̰ kɨləndɨna ma mana hɨramɨn̰gɨŋ Ba-gulɔŋ Kumu Bayna bɨ. Na dan̰ kɨləndɨna ma mana ɓɨsɨn̰gɨŋ kalaŋ ga na hɨnga se ga da Kumu ga gɨlɨn̰ danayi bɨ.

Magtubu di Pol wal bɨn̰ kalaŋ ga Rɔm 6:15

Kɛ duroyi na wa ga? Hɨn̰ gɨ nana sɨma naa te dɔnɔ di da gasɨn̰-kɔl gɨ da Moyis gɨŋ naŋ, ama naa ɗarwa di da Kumu na ba daa-ƴaa cayna na, kɛ duroyi na gɨ nana wɨya naa te lɔɔ ɨsɨna ga? Cə, na hɨn̰ wo̰ naŋ bɨrɨŋ.

Kɔl-gɨ-Ɗari gɨ Ja̰ wal 13:33

Ay! Karɨnɨ kange, ɨŋ kɨya sɔmɛ danagɨŋ karɨnɨ sɨngɨɗɨwa naŋ. Kɨŋ kɨya malaŋ bɨ, ama hɨn̰ gɨ ɨŋ ba yen̰ Jubɨn̰əŋ tumɔ ye hɨn̰: «Kan kɨya ɓalege dɨbege tɨbayge a kɨɗɨn̰ ga ɨŋ ba kɨya orɨn̰ nee gaŋ naŋ le, na ban ma maŋ yəgɨŋ haw kɛ bɨ.

1 Timote 3:14

Ɨŋ wal magtubu di kɛ le bɨn̰, ama ɨŋ ɨrɨm gɨ ni ɔrɛ jɨn̰ gusɨn̰ mɨnde.

Kɔl-gɨ-Ɗari gɨ Ja̰ wal 21:5

Jesu yege hɨn̰: «Karɨnɨ, kɛ kɨŋ ɨran̰ dan̰ gusa dḛ naŋ ga?» Kan dɨbiige cay nee yeyige hɨn̰: «Ni ƴɨma gusa pɨna naŋ.»

Kɔl-gɨ-Ɗari gɨ Ja̰ wal 14:16

Ɨŋ-bandi, ɨŋ kɨya ɔlɛ Banɨ, ɗe bɨgɨŋ Ba-ƴɔɔ caygɨŋ a ban̰nɨ, Ba-ƴɔɔ caygɨŋ le kɨya sɔmɛ danagɨŋ dan̰ cɨndi.

Gɨye-lɔɔ 7:52

Na ka-yɔɔ-kɔl-gɨ-Kumu-ba-yɔɔ ga ani ma mon̰igɨŋ dɨle gɨlge cɨn̰ ga? Kan dɨɗɨge ka-yɔɔ-kɔl-gɨ-Kumu-ba-yɔɔ ga teege bɛrnɛ caga gɨ da marɨna ba-gɨye koyi Kɨris, gɨ gɨye-lɔɔdi or dan̰ durɔ ɗɨngar bɨge. Bɨ kɨɗɨn̰ ga ban caga ɨni na, kɨŋ ay cayi bɨ, dɨɗii coŋ bɨ.

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

1 Ja̰ 5:17

Hɨnga ga wɨya dan̰ gɨyəŋdɨge naŋ nɔm le na ɨsɨna. Ama na ɨsɨna nɔm ba pɔyɛ ungo dan̰ Kumu bɨrɨŋ naŋ.

3 Ja̰ 1:4

Kɨɗɨn̰ ga ɨŋ je gɨ karmɨnɨ na gorge a te gɨyəŋ gɨ da kɔl gɨ cɨndi gɨŋ na, hɨnga ga nee le bəŋ gusi-mɔwa di ɗɨn̰ hɨnga nɔm ga a cay gɨsəŋ gaŋ.