1 Ja̰ 1:3 - Gabri Maja

³ Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

1 Ja̰ 1:3 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 17:11

Haw kɛ na ɨŋ na gɨ cay gɨsəŋ gaŋ kɛ naŋ ɨni, ɨŋ kɨya jɔgɛ gusɨn̰, ama kan na, kɨya bɔɔge a cay gɨsəŋ gaŋ. Banɨ, ji gɨ ji woy dan̰ cɨndɨn̰, kalaŋ ga ji ba bəŋ danage le, ji gamage dan̰ dɔnɔ di da gusondɨn̰. Ɗe kan bugoŋge pɨna hɨn̰ gɨ na-gandi na ba bugoŋ pɨna wo̰ bɨ.

Kɔl-gɨ-Ɗari gɨ Ja̰ wal 17:21

Ɗe kan nɔm bugoŋge pɨna. Hɨn̰ gɨ ji-bandi Banɨ, ji ba woy kuduronɨ bɨ, ɨŋ ba woy kuduron̰ bɨ le. Ɗe kan kalɨn̰ ma woyge kuduroyna bɨ. Ɗe kalaŋ ga cay gɨsəŋ gaŋ been̰ge kuduroyge cay kɔl gɨ nee le, gɨ ji naa ba gɨyigəŋ.

Kɔl-gɨ-Ɗari gɨ Ja̰ wal 17:25

Ay Banɨ, ji gɨ dan̰ durɔ ɗɨngar. Kalaŋ ga cay gɨsəŋ gaŋ sɨlan̰ge naŋ. Ama ɨŋ-bandi ɨŋ solɨn̰ bɨ, kan ga ba kɛ solge gɨ ji na ba gɨyigəŋ bɨ.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 19:35

Ungo gɨ ba dor kardi hɨnga ga nee le, sol hɨnga ga nee le dan̰ cɨndi, lee gɨ tɨmon̰ toy or pɨna dan̰ kɔl gɨ cɨndi: Ungo gɨ nee le sol gɨ ɗi na ye na kɔl gɨ cɨndi ɗe gɨ kɨŋ-gandi kalɨn̰ ma kɨŋ na bɨgan̰ kuduroygɨŋ cay kɔl gɨ cɨndi gɨ da ba-lɔɔ tɨmon̰ le.

Gɨye-lɔɔ 13:32

«Haw kɛ na, ni-gandi na, ni tee na bɛrnɛ Kɔl-gɨ-Ɗari gɨ nee le bɨgɨŋ: Na hɨnga ga Kumu ye gɨ ɗi na kɨya lɔɔ bɨn̰ mon̰inagɨŋ.

Gɨye-lɔɔ 13:41

“Kɨŋ ka-cɔrɛ kɨɗɨn̰ le, Kuɗa gɨ turnoygɨŋ gɨr kayaŋ bɨ, mundoŋ gɨŋ bɨ, Kɨŋ kɨya marɨn̰ coŋ bɨ. Kɨya wa ɨŋ kɨya lɔɔ hɨnga pɨna duroygɨŋ, Kɨɗɨn̰ ga kɨŋ ban̰ dan̰ cɨndɨgɨŋ ƴee, Hɨn̰ gɨ ungo na yagɨŋ koldɨge kalɨn̰ ma, Kɨŋ kɨya bɔgɛ kuduroygɨŋ cay nee naŋ.”»

Gɨye-lɔɔ 2:42

Kan dorge sɨmayge kuɗa jen̰ge kɔl gɨ ka-gɨre-gɨye gɨlgege bɨ, dayge gusɨge kɨɗɨn̰ dayaŋ ga da ka-karme gaŋ bɨ, dɨn̰ge hɨnga pɨna bɨ, gosnɨn̰ge gusɨge dɔɔ gɨ da Ba-gulɔŋ bɨ, olɨn̰ge Kumu pɨna daa daa bɨ.

Gɨye-lɔɔ 20:27

Kɨya wa ɨŋ tee bɛrnɛdi hɨnga nɔm ga Kumu ba ojɨ lɔɔ bɨgɨŋ le, dɨle wɔsɛ cay hɨnga pɨna dugo.

Gɨye-lɔɔ 4:20

Ni-gandi na, hɨnga ga ni ba sol dan̰ cɨndɨni bɨ, ni ba je dan̰ sɨmayni bɨ le, ni gɨ ɓale sɔgɨyɛ koldɨge dugo naŋ.»

Magtubu di Pol wal bɨn̰ kalaŋ ga Rɔm 15:27

Kan ojɨge hɨnga ga nee le, na dan̰ gusi-mɔwa. Woy gɨlɨn̰ na hɨn̰ tugɨla wo̰ a cayge, kɨya wa tumɔ na Jubɨn̰əŋ ba gɔsɨnɛge tɔrɛ-kɨbɨ koge gɨ kan way a gusi Kumu dan̰ kalaŋ ga toyge na Jubɨ naŋ. Haw kɛ na, ojɨ gɨ na kalaŋ ga toyge na Jubɨn̰əŋ naŋ na ba jɨbge te Jubɨn̰əŋ, dan̰ hɨnga ga ni tɔrɛ-kɨbɨ ga da cay gɨsəŋ ga kan wayge.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 1:9

Kumu gɨ ba togɨgɨŋ ɗe agɨŋ na bugoŋ pɨna dan̰ Kurondi Jesu-Kɨris gɨ na Ba-gulondɨna le, na Kumu gɨ ba ɨre a cay gasɨndi gaŋ.

1 Korɛ̰t 15:1

Ay, karmɨnɨ ga ban̰aŋ dan̰ ga kandɨ, ɨŋ gey hɨne kuduroygɨŋ a cay tɔgɛ bɛrnɛ di da Kɔl-gɨ-Ɗari gɨ ɨŋ te bɨgɨŋ. Tɔgɛ bɛrnɛ di nee le kɨŋ ƴee bɨ, haw kɛ kol caa na kɨŋ luyoŋ toy nee kuɗa.

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

Pilib 2:1

Hɨnga ga beena pɨna dan̰ Kɨris ga dobɨ bandɨ kuduroyna wɨya nee naŋ ga? Hɨnga ga bɨna tɔgɨ a te geye gɨŋ wɨya nee naŋ ga? Kɨŋ bugoŋ pɨna te Turnɔ di da Kumu ɗe saɗɨna pɨna le naŋ ga? Kuduroyna ga woy a cay gusɨna wɨya nee naŋ ga? Sɔlɛ cɨn̰-n̰age da gusɨna wɨya nee naŋ ga? Ho’o woy nee.

Pilib 3:10

Ɨŋ wɨraŋde na ɗe gɨ aŋ na solɨn̰ Kɨris bɨ, dɔnɔ di da bɔyɛ lɨbe koyi bɨ. Ɨŋ wɨraŋde na ɗe gɨ aŋ na bugoŋ pɨna danayi boy cɨn̰-gɨle-cɨn̰ toyi dɨŋ bɨ, ɗe aŋ na gɨlɨn̰ hɨn̰ ban wo̰ boy tɨmaydi dɨŋ bɨ.

Kɔlɔs 1:13

Ho’o, Kumu dornagɨŋ a te dɔnɔ di da dɨlɨm dɨŋ bɨ, orɨn̰ dananagɨŋ a boy dɔɔ-ƴaa gɨ da Kurondi gɨ ban geyi gɨŋ bɨ.

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

1 Timote 6:2

Kan ga ka-gulondɨge na ka-aye kudurɔ le, ɗɔɔ gɨ kan ɗɔɔ gusɨge kardi tɔgɛ gɨ na teen̰ gusɨnagɨŋ karme bɨ, kan̰ɨn̰ hɨndarɨn̰ turnoy ka-gulondɨge le naŋ bɨ. Ama kɨɗɨn̰ ga kan ga kan lee gɨye bɨge le, naa ka-aye kudurɔ bɨ, ka-wandɨ bɨ le, kuɗa gɨ kan laa gɨye kuɗa ɗɨn̰ gɨ tumɔ coŋ, bɨge. Na hɨnga ga nee le ma kuɗa gɨ ji tɨraban̰ kalaŋ bɨ, dɨbage bandɨ kuduroyge, ɗe ayge leen̰ gɨye bɨ.

Əbɨro 2:12

Na cɨndi, Jesu ye hɨn̰: «Ɨŋ kɨya andɨn̰ dan̰ gusondɨn̰ tumoy karmɨnɨ bɨ, Ɨŋ kɨya hɨramɨn̰ duroy Ka-Daye gaŋ bɨ.»

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

2 Pɨyɛr 1:16

Kɔl gɨ ni ba tee bɛrnɛdi bɨgɨŋ ojɨ cay dɔnɔ di da Ba-gulondɨna Jesu-Kɨris bɨ, caga koyi bɨ le, na dɔrɛ kɔl gɨ cayi bɨ toyi bɨ unɔ hɨn̰ dɔrɛ kɔl gɨ kalaŋ dorge dan̰ cɨn̰-muɗɔlɛ koge wo̰ naŋ. Na cɨndi, ni-gandi ni sol gɨmɨn̰aw toyi dan̰ cɨndɨni bɨ, lee tɨmon̰ toyi bɨ.

1 Ja̰ 1:1

Ni wal magtubu bɨgɨŋ ojɨn̰ na cay ban gɨ ba-bee sɔmɛ-bɨra le. Ban som nee tumɔ ɓɨrag, pa dɨm ma Kumu ɗen̰ hɨnga nɔm ƴee. Ni-gandi, ni je kɔl gɨ ban ye bɨ, ni solii dan̰ cɨndɨni bɨ, ni ɗe cɨndɨni cayi kuɗa bɨ, ni ɨsɨbii dan̰ kobɨni bɨ.

1 Ja̰ 1:5

Sɨlagɨŋ kɔl gɨ ni ba je a gusi Jesu-Kɨris gɨ ni ba tee bɛrnɛdi bɨgɨŋ le ba kɛ: Kumu na asɨn̰a bɨ, dɨlɨm unɔ a gusi bɨ.

1 Ja̰ 1:7

Ama hɨn̰ gɨ na na guragɨŋ a duroy asɨn̰a dɨŋ hɨn̰ gɨ ban kalɨn̰ ma na asɨn̰a wo̰ bɨ na, na sol leen̰ cɨndi gɨ na na bugoŋgɨŋ pɨna duroyna dan̰ gusɨnagɨŋ bɨ, kɨbardi Kurondi Jesu dornagɨŋ mɨra te ɨsɨna konagɨŋ gɨŋ nɔm bɨ.