1 Ja̰ 1:2 - Gabri Maja

² Ban gɨ na sɔmɛ-bɨra le, gɨl gusi lee gɨ ni solii dan̰ cɨndɨni bɨ, ni lee tɨmon̰ toyi bɨ. Na toy di hɨn̰ wo̰ ma, ni tee bɛrnɛ di da sɔmɛ-bɨra gɨ dan̰ tumoy gɨ tumɔ som na gusi Bayi pa dɨm ma gɨl gusi bɨni ƴee le, bɨgɨŋ.

1 Ja̰ 1:2 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 1:4

Sɔmɛ-bɨra woy na boy Kɔl gɨŋ, sɔmɛ-bɨra, na kɨɗɨn̰ asɨn̰e gɨ da kalaŋ.

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 15:27

Kardi nee na, na kɨŋ-gandi ba kɨya lɔɔ tɨmon̰ tɨnge bɨn̰ kalaŋ ga ɗaŋ, kɨya wa kɨŋ ay te gɨye danaŋ bɨrɨŋ gɨsɨn̰ labɨde.»

Kɔl-gɨ-Ɗari gɨ Ja̰ wal 16:28

Ɨŋ sayga na gusi Banɨ nii, ma maŋ ɨrga a cay gɨsəŋ gaŋ kɛ. Haw kɛ ɨŋ kɨya sɔ cay gɨsəŋ gaŋ kɛ, jɔgɛ gusi Banɨ.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 17:5

Haw kɛ na, Banɨ ayaŋ duroy gɨmɨn̰aw ton̰ dɨŋ, ɗe aŋ som boy gɨmɨn̰aw tɨnge di ɨŋ ba somɨn̰ nee gusɨn̰ tumɔ pa dɨm ma mɨn̰ ba ɗen̰ cay gɨsəŋ ƴee le.

Kɔl-gɨ-Ɗari gɨ Ja̰ wal 19:35

Ungo gɨ ba dor kardi hɨnga ga nee le, sol hɨnga ga nee le dan̰ cɨndi, lee gɨ tɨmon̰ toy or pɨna dan̰ kɔl gɨ cɨndi: Ungo gɨ nee le sol gɨ ɗi na ye na kɔl gɨ cɨndi ɗe gɨ kɨŋ-gandi kalɨn̰ ma kɨŋ na bɨgan̰ kuduroygɨŋ cay kɔl gɨ cɨndi gɨ da ba-lɔɔ tɨmon̰ le.

Kɔl-gɨ-Ɗari gɨ Ja̰ wal 21:14

Na gɨ ni tɨba sɨbɨdi ɨni, gɨ Jesu gɨlɨn̰ ka-aye-cay-tɨbayi gusi, ayɨn̰ toy gɨ ban boy lɨbɨ duroy kalaŋ ga madɨrdaŋ gaŋ le.

Kɔl-gɨ-Ɗari gɨ Ja̰ wal 3:13

Ungo pɨna wo̰ saa a cay gɨsəŋ gaŋ kɛ naa ɨra daa nii naŋ, ama na ɨŋ-bandi Kurɨn̰-ungo ƴɔbɨ ba sayga daa nii gɨsɨngɨ dugo cay gɨsəŋ gaŋ.

Kɔl-gɨ-Ɗari gɨ Ja̰ wal 7:29

Ɨŋ-bandi na, ɨŋ solii kɨya gɨ ɨŋ sayga na gusi bɨ, na ban ba gɨyigəŋ bɨ.»

Kɔl-gɨ-Ɗari gɨ Ja̰ wal 8:38

Ɨŋ-bandi, ɨŋ ye na kol hɨnga ga ɨŋ sol a gusi Banɨ bɨ, kɨŋ-gandi kalɨn̰ ma, kɨŋ lee na hɨnga ga kɨŋ je koldɨge a gusi baygɨŋ bɨ.

Gɨye-lɔɔ 1:22

Ayɨn̰ toy a cay batɛm da Ja̰ dɨŋ, bɨrɨŋ gɨsɨn̰ wɔlɛ gɨ Kumu ba ayi duroy nagɨŋ orɨn̰ danayi daa nii le. Ungo gɨ na ba kɨya dorii le, kɨya bɨle tɨmon̰ di da bɔyɛ lɨbe gɨ da Jesu danana.»

Gɨye-lɔɔ 10:41

Ban gɨl gusi na cɨn̰ kalaŋ nɔm naŋ, ama ban andaŋ na cayni ni-gandi ga ban torni leen̰ tɨmon̰ kayi, ga dii danayi bɨ, sii danayi bɨ, kardi bɔyɛ lɨbe koyi duroy kalaŋ ga madɨrdaŋ gaŋ.

Gɨye-lɔɔ 2:32

«Jesu ban gɨ nee le, Kumu boyi lɨbii bɨ, na-gandi nɔm na soliigɨŋ dan̰ cɨndɨnagɨŋ bɨ, nana tɨmon̰ kayi bɨ.

Gɨye-lɔɔ 3:15

Kɨŋ dɨɗii ban gɨ ba ɗɔɔ te habe gɨ ni somɨn̰-bɨra, ama Kumu boyi lɨbii duroy kalaŋ ga madɨrdaŋ gaŋ lee gɨ ni na tɨmon̰ kayi.

Gɨye-lɔɔ 5:32

Na-gandi bɨ, Turnɔ ɗe-kuduroy-bɛrɛ di Kumu bɨn̰ kan ga ka-jɔɔ kɔl koyi bɨ le, nana tɨmon̰ ga da hɨnga ga lee gusɨge le.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

2 Timote 1:10

A boy tɨwa di na ba somɨn̰gɨŋ nee haw kɛ le, ban gɨl ɗarwa toyi dan̰ caga gɨ da ungo gɨ ba-poɗɨnagɨŋ. Ban na Jesu-Kɨris. Jesu mondɨ dɔnɔ da tɨma coŋ dan̰ gɨyəŋ gɨ da Kɔl-gɨ-Ɗari. Ban haŋgɨ cay sɔmɛ-bɨra gɨ kɨya mundoŋ naŋ.

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

1 Ja̰ 1:1

Ni wal magtubu bɨgɨŋ ojɨn̰ na cay ban gɨ ba-bee sɔmɛ-bɨra le. Ban som nee tumɔ ɓɨrag, pa dɨm ma Kumu ɗen̰ hɨnga nɔm ƴee. Ni-gandi, ni je kɔl gɨ ban ye bɨ, ni solii dan̰ cɨndɨni bɨ, ni ɗe cɨndɨni cayi kuɗa bɨ, ni ɨsɨbii dan̰ kobɨni bɨ.

1 Ja̰ 2:25

Hɨnga ga Kumu ye gɨ ɗi na kɨya lɔɔ bɨna le ba kɛ: Na sɔmɛ-bɨra gɨ dan̰ tumoyi.

1 Ja̰ 3:5

Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.

1 Ja̰ 4:2

Sɨlagɨŋ, gɨyəŋ gɨ kɨŋ ba kɨya solɨn̰ gɨ ungo na orɨn̰ dan̰ Turnɔ di da Kumu a gusi ba kɛ: Hɨn̰ gɨ ungo na ya gɨ Jesu-Kɨris na ɨrga a cay gɨsəŋ gaŋ kɛ hɨn̰ ungo gɨ ɨndi wo̰ na, ban ye kɔl na dan̰ gɨyəŋ gɨ da Turnɔ di da Kumu.

1 Ja̰ 5:11

Tɨmon̰ di Kumu lee le ba kɛ: Ban gɨ na sɔmɛ-bɨra gɨ dan̰ tumoyi bɨ sɔmɛ-bɨra gɨ nee le, ban bɨna na dan̰ gɨyəŋ gɨ da Kurondi.

1 Ja̰ 5:13

Ɨŋ wal kɔl nɔm gɨ kɛ le duroy magtubu dɨŋ bɨgɨŋ kɨŋ-gandi ga kɨŋ bee kuduroygɨŋ a cay Kurɨn̰-Kumu, ɗe agɨŋ na solɨn̰ gɨ kɨŋ na orɨn̰ dan̰ sɔmɛ-bɨra gɨ dan̰ tumoyi ɨni.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.