Yahuuda 1:6 - Fulfulde Nigeria

⁶ Ciftoree malaa'ika'en ɓe curaayi mangu laamu maɓɓe, ammaa ɓe ali to ɓe njooɗii. Allah suriiɓe haɓɓiriɓe ɓoggi njamndi ɗi haa abadaa nder nyiwre kallunde e ɓe maɓɓii naa Nyalnde mawnde nde kiita.

Yahuuda 1:6 ပူးပေါင်းရင်းမြစ်များ

2 Biiturus 2:4

Koo malaa'ika'en, Allah alaayiɓe nde ɓe ngaɗi hakke, ammaa o waɗiɓe nder wuro hiite nder gayɗe lugguɗe gooduɗe nyiwre ɓaleere ngam ɗum suraɓe naa Nyalnde Kiita.

Aafisanko'en 6:12

Ngam naa' yimɓe kondeten, ammaa en konda e ginni gonɗi dow, laamotooɗi, e gooduɗi bawɗe, e jogiiɗi laamu duuniyaaru ndu'u ndu jaamanu nyiwre.

Maatiyu 25:41

“Nden o wi'ay wonɓe nano maako, ‘Cendiree e am, onon laanaaɓe! Nattee hiite nge nyifataa haa abadaa nge ɗum siryanii Ceyɗan e malaa'ika'en muuɗum!

Maatiyu 8:29

Ɗon e ɗon ɓe ngulli, e ɓe mbi'a, “Ko wannumaa e amin, Ɓiɗɗo Allah? A warii ngam torraamin ko carel waɗa?”

2 Biiturus 2:9

Fuu fii ɗu'um hollii'en Joomiraawo e andi no hisnirta kulooɓemo daga torraaji, e no o waɗata ka torrirki kalluɓe haa o hiitooɓe Nyalnde Jaango.

Ibraaniyanko'en 10:27

Ammaa ko horii woni keɗooɗen kiita Allah nder kulol, kiita garayka e hiite kallunge kalkaynge ɓen ɗon nganyuɓe Allah.

Yahaya 8:44

Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.

Wahayu Yahaya 20:10

Ceyɗan majjinɗoɓe boo hubinaa nder mbeela hiite kibiritu to mardi ndin e annabiijo fewre on ɗon woni. Ɗum waɗay ka hokkukiɓe bone jemma e nyalawma haa abadaa abadin.

Maatiyu 10:15

E mi wi'a'on goonga, Nyalnde Jaango Allah ɓuray yurminanki yimɓe Sodom e Gomoora dow yimɓe gariiri ndin ɗon.

Roomanko'en 2:5

Ammaa ɓernde maaɗa nde caatunde ganyunde tuubuki. Ngam non, a hawritana hoore maaɗa monnere Allah, Nyalnde monnere maako nde o waɗata kiita goonga.

Yahuuda 1:13

E ɓe nandi e geelooɗi ndiyam maayo, ko semtinii ɗum ɓe ngaɗi e ummoo bo guufe. E ɓe nandi e koode giilotooɗe, ɗum siryanakeɓe nyiwre kallunde haa abadaa.

Wahayu Yahaya 20:2

Sey o nangi mbooga ngan, waato mbooga ngan ɗon nga daga ndenno bi'eteenga Ganyo koo Ceyɗan, o haɓɓiringa ɓoggol ngol haa duuɓi 1,000.