Yahuuda 1:24 - Fulfulde Nigeria

²⁴ Yettoore tabbita to baawayɗo suruki'on to' njanon, o wadda'on yeeso teddungal maako on ngalaa goɗɗum ko wooɗaa, on nanay belɗum naa' seɗɗa.

Yahuuda 1:24 ပူးပေါင်းရင်းမြစ်များ

2 Timooti 4:18

Joomiraawo wurtinayyam daga koo iri ɗume fii kalluɗum, o hisnayyam ngam o nattinayam wuro maako ton dow. Mangu tabbita to maako haa abadaa abadin. Aamin.

Aafisanko'en 3:20

Allah waaway waɗuki ko ɓuri ko toriiɗenmo koo ko nyumeten barka bawɗe maako kuwooje nder meeɗen.

Koloosiyanko'en 1:22

Ammaa jooni Allah siryootiri e mooɗon barka mayde Ɓiɗɗo maako, ngam o wartira'on ceniiɓe, laɓɓe ɓe ngalaa ko ɗum wullortooɓe yeeso maako.

Aafisanko'en 5:27

Almasiihu waɗii ɗu'um ngam o hoccana hoore maako tokkuɓemo ɓe ngarta laɓɓe, ɓe ngalaa koo goɗɗum nefniiɗum, koo goɗɗum ɗum wooɗaa yiiki. Kadin ɓe ngarta ceniiɓe ɓe ngalaa goɗɗum ɗum wooɗaa.

2 Korintiyanko'en 4:14

Ngam e min andi Allah umminɗo Yeesu Joomiraawo meeɗen daga mayde, o umminaymin minon maa non no o umminiri Yeesu, o waddamin hawti e mooɗon yeeso maako.

Wahayu Yahaya 14:5

Ɗum meeɗaayi nanki fewre daga konduɗe maɓɓe, ngam ɓe meeɗaayi waɗuki goɗɗum ko wooɗaa.

Roomanko'en 8:31

Ɗume mbi'eten dow fii ɗu'um? To Allah e wondi e meeɗen, moye waawata heɓa jaalorgal dow meeɗen?

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

1 Biiturus 4:13

Ammaa nanee belɗum to on njara torra iri ka Almasiihu yari, ngam to o wartii nder mangu maako nanon belɗum naa' seɗɗa.

2 Korintiyanko'en 11:2

E mi haaja'on no Allah haajirta'on. Mi waɗanii'on alkawal teegal e gorko go'oto, waato Almasiihu. E mi yiɗi mi yaara'on to maako bo debbo ceniiɗo mo andaa gorko.

2 Korintiyanko'en 4:17

Ngam torraaji ɗi min torretee jooni ɗi seɗɗanaaji ɗi neeɓataa ɗi ngaɗay min keɓa teddungal ngal haa abadaa ɓurngal koo ɗume.

Maatiyu 5:12

Nanee belɗum, mbelmbeltee, ngam barka mooɗon ɗum ɗuɗɗum e dow, ngam non ɓe ngaɗannoo annabo'en arande'en.

Roomanko'en 14:4

An a moye mbi'ataa maccuɗo goɗɗo waɗii ko wooɗaa? Ay, Joomu maako suɓata koo ko o waɗi e wooɗi, koo ɗum wooɗaa. O waɗay ko wooɗi, ngam Joomiraawo wallaymo o waɗa ko wooɗi.

Yahuuda 1:21

Njooɗee nder yidde nde Allah waɗani'en, keɗooɗon yurmeende Joomiraawo meeɗen Yeesu Almasiihu kokkaynde yonki ki re'ataa.

Koloosiyanko'en 3:4

Yonki mooɗon ki goonga woni Almasiihu. To o so''oyake duuniyaaru ndu'u, onon maa, on ngonday e maako nder teddungal maako.

Koloosiyanko'en 1:28

E min nga'ajina habaru Almasiihu, e min mbaggina koo moye neɗɗo, e min ekkitina koo moye nder fuu faamu amin, ngam min ngaɗa koo moye warta kewɗo nder tokkuki Yeesu yeeso Allah.

Luka 9:26

Koo moye ganyuɗoyam, min Ɓii Neɗɗo e boliiɗe am, mi wanyaymo to mi wartoyii nder teddungal am, e nder teddungal Nyaako am Mo Dow, e malaa'ika'en maako ceniiɓe.

Maatiyu 25:31

“To Ɓii Neɗɗo warii nder teddungal muuɗum e malaa'ika'en fuu, o jooɗoto dow jooɗorgal laamu maako ɗum teddungal.

Maatiyu 19:28

Yeesu wi'iɓe, “E mi wi'a'on goonga, e jaamanu garayɗum, to Ɓii Neɗɗo jooɗake dow jooɗorgal laamu muuɗum ɗum teddungal, onon tokkuɓeyam onon maa on njooɗoto dow jooɗorle laamu sappo e ɗiɗi, on laamoo lenyi Israa'iila sappo e ɗiɗi.

Yaakubu 2:10

Ngam fuu tokkuɗo dookaaji ɗi fuu, ammaa o yewi go'o, too, o yewiiɗi ɗi fuu.

2 Biiturus 1:10

Ngam non, bandiraaɓe, ngaɗee ko mbaawoton waɗuki tabbitinon noddol e cuɓol ngol Allah waɗani'on. To on ngaɗii non, on njanataa.