Yahuuda 1:16 - Fulfulde Nigeria

¹⁶ Ɓe'e yimɓe ɓe metitotooɓe, koo ndeye e ɓe ngi'a boofol woɓɓe. E ɓe tokka suunooji maɓɓe kalluɗi. E ɓe meta haalaaji mawninki ko'e maɓɓe, e ɓe metana yimɓe haalaaji belɗi ngam ɓe keɓa ko ɓe ngiɗi.

Yahuuda 1:16 ပူးပေါင်းရင်းမြစ်များ

2 Biiturus 2:18

ngam e ɓe mawnina ko'e maɓɓe e metemeteeji meereeji. E ɓe kuutira suuno ɓalli ngam ɓe pooɗoya hakkiilo yimɓe soɓtiiɓe ko neeɓaayi daga nder yimɓe jooɗiiɓe nder hakke.

2 Biiturus 2:10

Tokkuɓe suuno ɓalli maɓɓe nganyuɓe laamu, kamɓe o ɓurata taƴanki kiita kalluka. Ɓen ɗon moodiɓɓe fewre ɓe cemtataa koo seɗɗa, ɓe mawninooɓe ko'e maɓɓe. Ɓe kulataa metuki haalaaji kalluɗi dow gooduɓe teddungal gonɓe dow.

Filibiyanko'en 2:14

Fuu ko ngaɗoton, to' on ngaɗuɗum nder metitaaki, koo nder geddi,

1 Biiturus 4:2

Ngam non, nder balɗe mooɗon koriiɗe e duuniyaaru, to' on ɓeydu tokkuki suuno ɓandu, ammaa tokkee ko Allah yiɗi.

1 Timooti 6:5

O giɗɗo yeddootirki ki re'ataa e yimɓe ɓe nyumo baatungo, ɓe ngalaa goonga, nyumooɓe tokkol Allah ɗum ɗatal heɓuki ceede.

1 Korintiyanko'en 10:10

Nden to' on metito no woɓɓe maɓɓe ngaɗi haa Malaa'ikaajo Mayde wariɓe.

Yahuuda 1:18

Ɓe mbi'ii'on, “E balɗe re'uki duuniyaaru yimɓe jukkitooɓe mburtoyto, tokkiranooɓe suuno maɓɓe kallungo ngo ciya kulol Allah.”

2 Biiturus 3:3

Arande doole andon ɗu'um, nder balɗe re'uki duuniyaaru woɓɓe yimɓe ngaray njukkita'on, tokkooɓe suuno maɓɓe kallungo.

1 Biiturus 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

Yahuuda 1:15

ngam o waɗana koo moye kiita. O taƴana fuu ɓe tokkaayi Allah kiita ngam kuuɗe maɓɓe ɗe ciya kulol Allah ɗe ɓe ngaɗi, e fuu haalaaji kalluɗi ɗi gaɗooɓe hakke ɓe kulataa Allah meti dow maako.”

1 Biiturus 1:14

Ngaɗee jonde bo ɓiɓɓe gaɗooɓe ko ɗum wi'iɓe. To' on tokkiran suuno mooɗon ngo ndenno, ngo ngoodunooɗon carel ko on andaa koo ɗume.

Galaatiyanko'en 5:16

Ko mbi'aymi woni, ngaɗee jonde mooɗon no Ruuhu Allah holliri'on, nden on ngaɗataa ko suunooji ɓalli mooɗon ngiɗi.

Yahaya 6:61

Ammaa Yeesu e andi tokkuɓemo e metitoo dow ko o wi'i, o wi'iɓe, “Ekkitinol ngo'ol wanni'on?

2 Timooti 4:3

Ngam carel e wara ngel yimɓe nganyata ekkitinol goonga, ɓe tokka ko welnantaɓe ɓerɗe, ɓe tokka moodiɓɓe bi'ooɓeɓe ko ɓe ngiɗi nanki.

1 Tasaloonikanko'en 4:5

naa' nder suuno ngo wooɗaa non no heeferɓe ɓe andaa Allah ngaɗata.

Galaatiyanko'en 5:24

Yimɓe ɓe Yeesu Almasiihu jeyi, ɓe mbarii kuuɗe kalluɗe ɗe ɓandu e fuu suunooji mayru dow gaafaangal, waato ɓe cendirii e maajum.

Yahaya 6:41

Sey Yahuudanko'en puɗɗi metitaaki dow maako, ngam o wi'ii, “Min woni nyamndu ƴiwoyndu daga dow.”

Luka 19:7

Nde yimɓe ngi'i Yeesu yahi wuro maako, ɓe fuu ɓe ngaɗi ka metitaaki e ɓe mbi'a, “O waalay wuro neɗɗo gaɗoowo hakke.”

Luka 15:2

Ammaa Faarisanko'en e moodiɓɓe Attawra ngaɗi ka metitaaki e ɓe mbi'a, “Neɗɗo o'o e jaɓɓoo gaɗooɓe hakke haa maa e mo nyamda e maɓɓe.”

Luka 5:30

Ammaa, Faarisanko'en e moodiɓɓe Attawra maɓɓe ngaɗi ka metitaaki, e ɓe mbi'a tokkuɓe Yeesu, “Ngam ɗume nyamdoton e jaɓooɓe ceede leydi e gaɗooɓe hakke?”