Yahuuda 1:12 - Fulfulde Nigeria

¹² Yimɓe ɓen ɗon e ɓe cemtina'on carel ngel ɓe nyamdata e mooɗon ammaa kamɓe ɓe semtataa, e ɓe ndura ko'e maɓɓe tan. E ɓe nandi e iyeende nde hendu hocci ndiyam toɓaayi. E ɓe nandi e leɗɗe ɗe ndimataa koo e carel rimuki, ɗoofaaɗe, baatuɗe.

Yahuuda 1:12 ပူးပေါင်းရင်းမြစ်များ

Maatiyu 15:13

Yeesu nootii, wi'i, “Fuu awre nde ɗum aawi, to naa' Nyaako am Mo Dow aawinde, ɗum ɗoofaynde.

Filibiyanko'en 3:19

Re'irde maɓɓe ɗum halkere, deeɗi maɓɓe ngoni allah maɓɓe, e ɓe mantoroo ko semtinii ɗum ɓe ngaɗata. Ɓe ngaɗii ɓerɗe maɓɓe dow ko woni nder duuniyaaru.

Aafisanko'en 4:14

Nden en puɗɗitataa ngaɗen jonde bo sukahoy, en ngaylita ɓerɗe meeɗen dow ko kooliiɗen ngam majjinooɓe yimɓe ƴoyrii'en e ekkitinol fewre.

Luka 21:34

“Paamee to' yare‑yare e nyaame‑nyaame e wannuki e ko woni nder duuniyaaru hocca ɓerɗe mooɗon, ngam to' nyalnde nden uddoo'on on andaa.

Luka 8:6

Wondi boo yani nder kaaƴe, nde ndi fuɗi, ndi yoori ngam ndiyam heƴaayindi.

Yaakubu 5:5

On ngaɗii jonde nanki belɗum e duuniyaaru, on nyaama, on njara, on ngaɗa no ngiɗɗon. On paynii ko'e mooɗon ngam nyalnde hirsuki.

1 Timooti 5:6

Ammaa debbo mo gorko muuɗum maayi giɗanɗo hoore muuɗum jonde nanki belɗum, o yaadake o maayii koo nde e mo foofa.

Luka 16:19

“E woodi goɗɗo diskuɗo ɓornotooɗo limce ɗe ceede, e mo nyaama ko o yiɗi koo ndeye.

Luka 12:45

Ammaa to maccuɗo on wi'ii hoore muuɗum, ‘Joomu wuro am wartataa jooni,’ sey o fuɗɗi fiyuki maccuɓe worɓe e rewɓe e mo nyaama e mo yara njaru naa hoore maako waylitake.

Markus 4:6

Ammaa nde naange wurtoyii fiyindi, sey ndi yoori ngam ndi walaa ɗaɗi.

Maatiyu 13:6

Ammaa nde naange wurtoyii fiyindi, sey ndi yoori ngam ndi walaa ɗaɗi.

Ibraaniyanko'en 13:9

To' on njaɓu ekkitinol ngol tokkaayi laawol goonga majjina'on. E ɗum wooɗi yidde Allah sembiɗina ɓerɗe meeɗen, naa' tokkuki dookaaji dow nyamndu. Iri ɗin ɗon dookaaji nafantaa tokkooɓeɗi.