Yahaya 9:35 - Fulfulde Nigeria

³⁵ Yeesu nani ɓe ndiiwii neɗɗo on. Nde o tawi neɗɗo on, o ƴamimo o wi'i, “A hoolake Ɓii Neɗɗo?”

Yahaya 9:35 ပူးပေါင်းရင်းမြစ်များ

Yahaya 20:31

Ammaa ɗu'um ɗum windaa ngam koolooɗon Yeesu woni Almasiihu Ɓiɗɗo Allah, nden laawol hoolaakimo keɓon yonki ki re'ataa barka inde maako.

1 Yahaya 5:13

Mi windan'on ɗu'um, onon kooliiɓe inde Ɓiɗɗo Allah, ngam andon on ngoodi yonki ki re'ataa.

Yahaya 10:36

To ɗum non, min mo Nyaako Mo Dow suɓi ngam kuugal maako liloyiyam nder duuniyaaru, mi huɗii Allah won ɗon nde mbiimi, ‘Min mi Ɓiɗɗo Allah?’

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

1 Yahaya 5:10

Fuu kooliiɗo Ɓiɗɗo Allah tabbitinii ɗu'um nder ɓernde muuɗum. Ammaa fuu mo hoolaaki Allah, o wartirii Allah pewoowo won ɗon, ngam o wanyii o hooloo ko Allah tabbitini dow Ɓiɗɗo muuɗum.

1 Yahaya 5:5

Moye waawata heɓuki jaalorgal dow duuniyaaru? Sey kooliiɗo Yeesu o Ɓiɗɗo Allah.

1 Yahaya 4:15

Fuu jaɓuɗo e ɓernde muuɗum e honduko muuɗum wiiki Yeesu o Ɓiɗɗo Allah, Allah e wondi e maako. Kanko maa e mo wondi e Allah.

Roomanko'en 10:20

Nden Icaaya metii e sembe ɓernde wi'ii Allah wi'ii, “Ɓen ɗon ɓe ɗaɓɓitataayam ɓe keɓiiyam; mi wanginii hoore am to yimɓe ɓe ƴamaayi no ɓe keɓirtayam.”

Roomanko'en 1:4

Ammaa Allah hollii e bawɗe mawɗe Yeesu Almasiihu Joomiraawo meeɗen o ɓiɗɗo maako nde o umminimo daga mayde barka Ruuhu maako.

Kuuɗe Lilaaɓe 9:20

Ɗon e ɗon Caawulu fuɗɗi wa'ajinki habaru Yeesu nder cuuɗi do'aare. O wi'i goonga Yeesu woni Ɓiɗɗo Allah.

Kuuɗe Lilaaɓe 8:36

E ɓe nder yaadu ɓe njottii to ndiyam woni. Sey neɗɗo on wi'i, “Raa ndiyam! Ko haɗata ɗum waɗanayam baptisma?”

Yahaya 20:28

Sey Tooma wi'imo, “Joomiraawo am, Allah am!”

Yahaya 11:27

Marta wi'imo, “Ee, Moodibbo, mi jaɓii an woni Almasiihu, Ɓiɗɗo Allah, mo ɗum wi'i waray nder duuniyaaru.”

Yahaya 6:69

Min njaadake min koolakema, e min andi an woni Ceniiɗo mo Allah.”

Yahaya 5:14

Gaɗa non Yeesu tawimo nder Wuro Ceniingo wi'imo, “Raa, a yamɗitii! Alu waɗuki hakke to' goɗɗum ɓurɗum ɗu'um halluki heɓumaa.”

Yahaya 3:36

Koo moye kooliiɗo Ɓiɗɗo on e woodi yonki ki re'ataa. Ammaa koo moye mo tokkaayi ko Ɓiɗɗo on wi'i, o heɓataa yonki ki re'ataa, ammaa monnere Allah e dow maako haa abadaa.”

Yahaya 1:34

Ɗonmaa Yahaya wi'i, “Mi yi'iiɗum, mi ceydake kanko woni Ɓiɗɗo Allah.”

Yahaya 1:18

Walaa neɗɗo meeɗuɗo yiiki Allah. Ɓiɗɗo maako bajjo, gonɗo nder ɓernde Nyaako Mo Dow, kanko holli'en no Allah wa'i.

Markus 1:1

Ɗu'um woni Habaru Belɗum dow Yeesu Almasiihu, Ɓiɗɗo Allah.

Maatiyu 16:16

Sey Siiman Biiturus nootii, wi'i, “An woni Almasiihu, Ɓiɗɗo Allah mo yonki.”

Maatiyu 14:33

Wonɓe nder komiwal ngal mawnini Yeesu, e mbi'a, “Goonga, an a Ɓiɗɗo Allah.”

Maatiyu 4:3

Sey Ceyɗan wari, wi'imo, “To an woni Ɓiɗɗo Allah, wi'u ɗe'e kaaƴe ngarta buroodi.”

Yahaya 9:22

Danyooɓe neɗɗo on mbi'ii non ngam e ɓe kula ardiiɓe Yahuudanko'en. Ngam ardiiɓe Yahuudanko'en ɓen njaadake ciryake wiiki koo moye biiɗo Yeesu woni Almasiihu ɗum riiwaymo daga nder lenyol.

Yahaya 9:34

Ɓe mbi'imo, “A danyaama nder hakke a mawnii nder hakke, no waɗata ekkitinaamin?” Sey ɓe ndiiwimo.

3 Yahaya 1:10

Ngam non to mi warii, mi wi'ay koo ɗume ko o waɗi e njayri ngam koo moye anda fewre maako e metemeteeji ɗi o waɗata dow amin. Nden naa' kanjum tan o waɗata. Haa e mo wanya jaɓɓaaki tokkuɓe Yeesu garɓe, ɗonmaa e mo haɗa woɓɓe njaɓɓooɓe e mo riiwa jaɓɓotooɓe ɓen daga nder kawtal tokkuɓe Yeesu.

Kuuɗe Lilaaɓe 8:37

[Filibus wi'imo, “Taa hoolake Yeesu e ɓernde go'o, walaa ko haɗata ɗum waɗanmaa baptisma.” Sey neɗɗo on wi'i, “Mi jaɓii Yeesu Almasiihu o Ɓii Allah.”]