Yahaya 8:44 - Fulfulde Nigeria

⁴⁴ Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.

Yahaya 8:44 ပူးပေါင်းရင်းမြစ်များ

Kuuɗe Lilaaɓe 13:10

wi'imo, “An ɓii Ceyɗan, a ganyo koo ɗume boɗɗum, keewuɗo ƴoyre kallunde e nganyaandi. A yiɗi waylutuki goonga Joomiraawo ka warta fewre?

1 Yahaya 3:12

To' en ngartu bo Kayinu gartuɗo mo Ceyɗan, o wari minyiraawo maako. Ngam ɗume o warimo? O waru minyiraawo maako ngam ko minyiraawo maako waɗi e wooɗi, ammaa kanko, ko o waɗi ɗum wooɗaa.

2 Korintiyanko'en 11:3

Ammaa e mi hula to ɗum warta no mboodi ƴoyriri Hawwaa'u e ƴoyre mayri kallunde, onon maa ɗum majjina'on alon tokkuki Almasiihu e ɓernde go'o e ɓernde laaɓunde.

Wahayu Yahaya 12:9

Ɗum hubinoyinga nder duuniyaaru. Kanga woni mbooga nga daga ndenno bi'eteenga Gullotooɗo koo Ceyɗan, majjinoowo duuniyaaru. Ɗum hubininga nder duuniyaaru fuu e malaa'ika'en maako.

Yahaya 8:38

E mi wi'a'on ko ngiimi to Nyaako am, onon boo on ngaɗa ko nanɗon daga to nyaako mooɗon.”

Yahaya 8:41

On ngaɗa ko nyaako mooɗon waɗi.” Ɓe mbi'imo, “Minon naa' min jaalu'en, Allah woni Nyaako amin, kanko tan woni Nyaako mo min ngoodi.”

1 Yahaya 3:15

Koo moye wanyi bandiraawo muuɗum o gaɗoowo warhoore. On andi gaɗoowo warhoore walaa yonki ki re'ataa nder maako.

Maatiyu 13:38

Ngesa kan woni duuniyaaru. Nden awdi mbondi ndin woni ɓiɓɓe Laamu Allah. Geene ɗen ngoni ɓiɓɓe Ceyɗan.

Yahuuda 1:6

Ciftoree malaa'ika'en ɓe curaayi mangu laamu maɓɓe, ammaa ɓe ali to ɓe njooɗii. Allah suriiɓe haɓɓiriɓe ɓoggi njamndi ɗi haa abadaa nder nyiwre kallunde e ɓe maɓɓii naa Nyalnde mawnde nde kiita.

1 Yahaya 2:4

Fuu biiɗo e andi Allah, ammaa o tokkaayi ko Allah wi'i, too, o pewoowo, goonga walaa nder ɓernde maako.

Wahayu Yahaya 21:8

Ammaa gooduɓe kulol e nyaamooɓe amaana, e kuwooɓe kuugal kallungal, e gaɗooɓe warhoore, e gaɗooɓe njeenu, e darnooɓe, e mawninooɓe gunkiiji, e fuu fewooɓe, ɓe fuu ɗum nattinayɓe mbeela hiite kibiritu, kanga woni mayde ɗiɗawre.”

1 Biiturus 5:8

Curee ko'e mooɗon, njooɗooɗon on ciryii. Ganyo mooɗon Ceyɗan e mo woosoo bo sembindu ɓernundu e mo ɗaɓɓita mo o halkata.

Wahayu Yahaya 9:11

Nden e ko ngoodi laamiiɗo laamotooɗoko, kanko woni malaa'ikaajo ngayka kalluka lugguka kan. Inde maako nder Ibraaniyankoore woni “Abaddon,” nder Helenankoore boo “Afooliyon,” waato Kalkoowo.

Kuuɗe Lilaaɓe 5:3

Biiturus wi'imo, “Hanaaniya, ngam ɗume aluɗaa Ceyɗan natti ɓernde maaɗa haa pewanɗaa Ruuhu Allah, cuuɗuɗaa goɗɗe ceede nder ceede ngesa kan?

Yahaya 6:70

Sey Yeesu wi'iɓe, “Naa' onon sappo e ɗiɗo cuɓumi? Go'oto mooɗon o Ceyɗan!”

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

2 Biiturus 2:4

Koo malaa'ika'en, Allah alaayiɓe nde ɓe ngaɗi hakke, ammaa o waɗiɓe nder wuro hiite nder gayɗe lugguɗe gooduɗe nyiwre ɓaleere ngam ɗum suraɓe naa Nyalnde Kiita.

Wahayu Yahaya 13:14

Ndi majjini yimɓe wonɓe duuniyaaru e kayɗiniiɗum ɗum um alindi ndi waɗa e yeeso mardi arandeeri nawniraandi kaafahi ammaa e ndi woodi yonki. Nden ndi wi'iɓe ɓe ngaɗa ngunkiwa nandunga e mardi arandeeri ndin ngam hokkukindi mangu.

Wahayu Yahaya 22:15

Ɓe ɗum haɗi nattuki gariiri ndin boo, kamɓe ngoni bonnuɓe ko'e maɓɓe, e darnooɓe, e gaɗooɓe njeenu, e gaɗooɓe warhoore, e mawninooɓe gunkiiji, e giɗɓe fewuki koo ndeye.

Maatiyu 12:34

Onon boole kalluɗe! No waɗata onon kalluɓe meton ko wooɗi? Ngam honduko neɗɗo e meta ko woni nder ɓernde muuɗum.

Maatiyu 13:15

Ngam ɓerɗe yimɓe ɓen ɗon ɗe cembiɗɗe, nden ɓe cukkii noppi maɓɓe, ɓe maɓɓii gite maɓɓe, ngam to' ɓe ngi'a e gite maɓɓe, to' ɓe nana e noppi maɓɓe, ɓe paama nder ɓerɗe maɓɓe haa ɓe ngarta to am, mi yamɗitina ɓerɗe maɓɓe.’

Yahaya 7:17

Koo moye cuɓuɗo waɗa ko Allah yiɗi o anday koo ko ekkitinaymi to Allah ɗum ƴiwoyi, koo ko mbi'aymi ɗum boliiɗe am.

Yahaya 8:55

Koo nde on andaamo, ammaa min e mi andimo. Daa mi wi'iino'on mi andaamo, daa mi wartii pewoowo bo mooɗon. Ammaa e mi andimo, e mi tokka wolde maako.

1 Yahaya 1:8

To en mbi'ii en ngalaa hakke, en ƴoyra ko'e meeɗen won ɗon, nden goonga walaa nder ɓerɗe meeɗen.

1 Yahaya 2:21

Mi windan'on, naa' ngam on andaa goonga, ammaa ngam on andika, nden on andi goonga rimataa fewre.

Kuuɗe Lilaaɓe 24:9

Yahuudanko'en garduɓe e maako kawti mbi'i ko o wi'i fuu ɗum goonga.