Yahaya 8:28 - Fulfulde Nigeria

²⁸ Sey Yeesu wi'i, “Carel ngel ƴeftuɗon Ɓii Neɗɗo, on anday min woni on ɗon mo mbi'aymi. Kadin on anday fuu ko ngaɗaymi naa' e laamu am ngaɗiraymiɗum, ammaa ko Nyaako am ekkitiniyam mbi'aymi.

Yahaya 8:28 ပူးပေါင်းရင်းမြစ်များ

Yahaya 5:30

“Mi waawataa mi waɗa goɗɗum e hoore am, e mi waɗa kiita no Allah wi'iyam mi waɗa tan. E mi waɗa kiita goonga, ngam naa' ko welnantayam ɓernde ngaɗaymi, ammaa ko welnata ɓernde on ɗon lilɗoyam ngaɗaymi.

Yahaya 5:19

Yeesu nootii wi'iɓe, “E mi wi'a'on goonga, Ɓiɗɗo on waɗataa koo ɗume kanum tan, ko o yi'i Nyaako maako e waɗa tan o waɗata, ngam koo ɗume ko Nyaako on waɗata, kanjum ɓiɗɗo on waɗata.

Yahaya 6:38

Ngam mi waroyii daga dow naa' ngam mi waɗa ko ngiɗumi, ammaa mi waɗa ko liloyɗoyam yiɗi.

Yahaya 3:14

“Non no Muusa ƴeftiri mboodi gaɗiraandi njamndi mboɗeeri nder ladde, non maa doole Ɓii Neɗɗo ƴeftee,

Roomanko'en 1:4

Ammaa Allah hollii e bawɗe mawɗe Yeesu Almasiihu Joomiraawo meeɗen o ɓiɗɗo maako nde o umminimo daga mayde barka Ruuhu maako.

Kuuɗe Lilaaɓe 4:4

Ɗuɗɓe nder nanɓe wa'aju maɓɓe tokki Yeesu, haa ɗuuɗoral tokkuɓe Yeesu waɗi yimɓe 5,000.

Kuuɗe Lilaaɓe 2:41

Fuu jaɓuɓe ko Biiturus wi'i ɓe ngaɗanaa baptisma. Nyalnde nden haade yimɓe 3,000 ɓeydii nder kawtal kooliiɓe Yeesu.

Yahaya 19:18

To wigeere nden ɓe piyani Yeesu kuusaaje dow gaafaangal hawti e yimɓe ɗiɗo. Ɓe ɓili go'oto e gaafaangal jungo Yeesu nyaamo, nden go'oto e gaafaangal jungo Yeesu nano, Yeesu e caka maɓɓe.

Yahaya 16:10

Ɓe paamaayi ko woni aadilaaku, ngam mi so''oto to Nyaako Mo Dow, nden on puɗɗitataa ngi'onyam.

Yahaya 11:42

E mi andi a nana do'aare am koo ndeye, ammaa mi wi'u non ngam ɓeydaari yimɓe gonɓe ɗo'o, ngam ɓe njaɓa an liloyiyam.”

Yahaya 8:24

Mi wi'ii'on on maayay nder hakke mooɗon, goonga on maayay nder hakke mooɗon sey ni to on njaɓii min woni mo mbiimi'on.”

Yahaya 3:11

E mi wi'umaa goonga, e min meta dow ko min andi, nden e min kokka ceyda dow ko min ngi'i, ammaa on njaɓaayi ko min mbi'i'on.

Maatiyu 24:5

Yimɓe ɗuɗɓe ngaroyay ɓe mbi'a kamɓe ngoni min, ɓe mbi'a, ‘Min woni Almasiihu,’ ɓe majjina yimɓe ɗuɗɓe.

Markus 13:6

Yimɓe ɗuɗɓe noddiray ko'e maɓɓe inde am, ɓe mbi'a ‘Min woni Almasiihu,’ ɓe majjina yimɓe ɗuɗɓe.

Luka 21:8

O wi'i, “Paamee, to' ɗum majjina'on. Ngam yimɓe ɗuɗɓe ngaroyay nder inde am, ɓe mbi'a kamɓe ngoni min, nden, ‘Carel ɓadake!’ To' on tokkuɓe.

Yahaya 4:26

Sey Yeesu wi'imo, “Min meddoowo e maaɗa, min woni Almasiihu on.”

Yahaya 8:27

Ɓe paamaayi Yeesu e metanaɓe dow Nyaako Mo Dow.

Yahaya 8:58

Yeesu wi'iɓe, “E mi wi'a'on goonga, ko Ibraahim danyee e mi ɗon.”

Yahaya 13:19

E mi wi'a'on ɗu'um jooni ko ɗum waɗa, ngam to ɗum waɗii koolooɗon, ‘Min Woni Mo Ngonumi.’

Yahaya 18:32

Ɗu'um waɗu ngam ɗum hebbina ko Yeesu wi'uno dow iri mayde nde maayata.