Yahaya 8:20 - Fulfulde Nigeria

²⁰ Yeesu metii haala ka'a carel ko o ekkitinta nder Wuro Ceniingo haade akwaatiiji to ɗum resata dokke ngam Allah. Ammaa walaa nanguɗomo ngam carel maako waɗaayi taw.

Yahaya 8:20 ပူးပေါင်းရင်းမြစ်များ

Yahaya 7:30

Woɓɓe ngiɗii nangukimo, ammaa walaa gaɗuɗo jungo dow maako, ngam carel maako waɗaayi taw.

Yahaya 7:8

Onon njahee humto ngon, min mi yahataa, ngam carel am waɗaayi taw.”

Markus 12:41

Yeesu jooɗii nder Wuro Ceniingo haade to ɗum hokkata ceede ngam Allah. E mo raara yimɓe e ɓe ngaɗa ceede maɓɓe nder to ɗum hokkata ceede ngam Allah. Riskuɓe ɗuɗɓe ngaɗi ceede ɗuɗɗe nder.

Yahaya 7:44

Woɓɓe e ngiɗi nangukimo, ammaa walaa gaɗuɗo jungo dow maako.

Markus 12:43

Sey Yeesu noddi tokkuɓemo, wi'iɓe, “E mi wi'a'on goonga, o'o debbo mo walanaa, ko o hokki ɗum ɓurii ko horiiɓe fuu kokki.

Maatiyu 27:6

Ammaa mawɓe ardiiɓe diina ɓopti ceede ɗen, mbi'i, “Attawra haɗii ɗum waɗa ɗe'e ceede nder to ɗum resata dokkal ngam Allah nder Wuro Ceniingo, nde ceede ɗen ɗum ceede ƴiiƴam.”

Yahaya 10:39

Ɓe puɗɗiti ɓe ndarwi nangukimo, ammaa o wurtii juuɗe maɓɓe o daɗi.

Yahaya 8:59

Nde o wi'i non, sey ɓe kocci kaaƴe ngam ɓe kuboomo, ammaa Yeesu suuɗi hoore muuɗum, wurtii nder Wuro Ceniingo ngon dilli.

Luka 20:19

Moodiɓɓe Attawra e mawɓe ardiiɓe diina e ngiɗi nanga Yeesu ɗon e ɗon, ngam ɓe paamii dow maɓɓe o hokki misaalu ɗu'um, ammaa e ɓe kula yimɓe.

Maatiyu 26:55

E ngel ɗon carel Yeesu wi'i garoyɓe ɓen, “On ngardoyi e kaafaaje e cabbi ngam nangoyyam bo mi gujjo calorɗo? Koo ndeye e mi jooɗoo nder Wuro Ceniingo e mi ekkitina, on nangaayiyam.

Luka 21:1

Yeesu ƴefti hoore muuɗum yi'i riskuɓe e ngaɗa dokke maɓɓe nder to ɗum hokkata ceede ngam Allah nder Wuro Ceniingo.

Yahaya 2:4

Yeesu wi'imo, “Ngam ɗume nattinɗaayam nder ɗu'um? Carel am waɗaayi taw.”

Yahaya 7:14

Nde sendere balɗe humto ngon ƴaɓɓii, Yeesu natti Wuro Ceniingo fuɗɗi ekkitinki.

Yahaya 8:2

Nde fini ilaa subaka o so''ii Wuro Ceniingo. Yimɓe ɗuɗɓe kawriti haade maako, o jooɗii o fuɗɗii ekkitinkiɓe.