Yahaya 7:39 - Fulfulde Nigeria

³⁹ Nde Yeesu wi'i ɗu'um, dow Ruuhu Allah o metata ɗum kooliiɓemo keɓata. E ngel ɗon carel Allah hokkaayi Ruuhu muuɗum taw, ngam Yeesu teddinaaka taw.

Yahaya 7:39 ပူးပေါင်းရင်းမြစ်များ

Kuuɗe Lilaaɓe 2:17

‘Nder balɗe cakitiiɗe ko duuniyaaru re'a, mi hokkay yimɓe fuu Ruuhu am. Ɓiɓɓe mooɗon worɓe e rewɓe ɓe nga'ajinay habaru am, kori'en mooɗon ngi'ay wahayu, ndotti'en mooɗon koyɗay koyɗi ƴiwoyɗi to Allah.

Kuuɗe Lilaaɓe 2:33

Allah mawniniimo, jooɗiniimo e jungo muuɗum nyaamo hokkimo Ruuhu muuɗum no o waɗunoo alkawal. Kanko boo o hokkiiminɗum. Kanjum woni ko ngi'oton e ko nanoton jooni.

Kuuɗe Lilaaɓe 2:4

Sey ɓe fuu ɓe keewi Ruuhu Allah, ɓe puɗɗi metuki nder ɗemɗe feere‑feere no Ruuhu hokkiriɓe bawɗe metuki.

Yahaya 16:7

Ammaa e mi wi'a'on goonga, ngam ɓeydaari mooɗon ndillaymi. Ngam to mi dillaayi, ɗum ɗon Ballayɗum warantaa'on. Ammaa to mi dillii, mi liloyayɗum to mooɗon.

Yahaya 12:16

Arande tokkuɓemo paamaayi ɗu'um, ammaa gaɗa Yeesu teddinaama, sey ɓe ciftori ɗu'um ɗum windaa dow maako ɗum boo waɗaniimoɗum.

Roomanko'en 8:9

Ammaa onon on ngaɗataa ko ɓalli mooɗon ngiɗi. On ngaɗa ko Ruuhu Allah wi'i, to ni ɗum goonga Ruuhu Allah e jooɗii nder ɓerɗe mooɗon. Koo moye to walaa Ruuhu Almasiihu, naa' Almasiihu jeyimo.

Kuuɗe Lilaaɓe 2:38

Biiturus wi'i, “Koo moye mooɗon tuuba waɗanee baptisma nder inde Yeesu Almasiihu ngam keɓon yaafaneeki hakke mooɗon. Nden Allah hokkay'on Ruuhu muuɗum caahu.

Yahaya 20:22

Nde o wi'i non, sey o fuufi dow maɓɓe o wi'iɓe, “Njaɓee Ruuhu Allah.

Yahaya 12:23

Yeesu wi'iɓe, “Carel warii ngel Ɓii Neɗɗo teddintee.

Aafisanko'en 4:30

Paamee, to' mettinanon Ruuhu Allah ɓernde, ngam Allah hokkii'onɗum ngam holla onon ɗum ɓe maako, nden Nyalnde Jaango o rimɗinay'on.

2 Korintiyanko'en 3:8

too, kuugal Ruuhu Allah ɓuray non teddungal!

Kuuɗe Lilaaɓe 4:31

Nde ɓe njottini do'aare wuro ngo ɓe kawriti dimbii. Ɓe fuu ɓe keewi Ruuhu Allah, ɓe nga'ajini Wolde Allah kulol walaa.

Kuuɗe Lilaaɓe 3:13

Allah mo Ibraahim e Iciyaaku e Yaakubu, Allah mo maama'en meeɗen, o teddinii maccuɗo maako Yeesu. Ammaa kanko woni mo kokkitirnooɗon ngam o waree. On nganyiimo yeeso Bilaatus koo nde Bilaatus e yiɗi yoofukimo.

Yahaya 17:5

Nyaako am, jooni teddinam yeeso maaɗa teddungal ngal ngoodunoomi yeeso maaɗa ko duuniyaaru tagee.

Yahaya 14:13

Mi waɗay koo ɗume ɗum toriiɗon nder inde am, ngam ɗum yi'a mangu Nyaako Mo Dow barka Ɓiɗɗo on.

Yahaya 7:12

Nder hawriinde nden yimɓe e soondootira dow maako naa' seɗɗa. Woɓɓe e mbi'a, “O'o neɗɗo e woodi ngikku boɗɗum.” Woɓɓe boo e mbi'a, “E mo ƴoyra yimɓe.”

Yahaya 6:14

Nde yimɓe ngi'i fii kayɗiniiɗum ɗu'um ɗum Yeesu waɗi, ɓe puɗɗi wiiki, “Goonga o'o woni on ɗon annabiijo garayɗo duuniyaaru.”

Yahaya 1:33

Min e hoore am mi andaamo, ammaa liloyɗoyam mi waɗira baptisma e ndiyam wi'iyam, ‘Neɗɗo mo ngiiɗaa Ruuhu am jippoyake daga dow jooɗii dow maako, kanko woni gaɗirayɗo baptisma e Ruuhu am.’ ”

Yahaya 1:25

ƴamimo mbi'i, “To ni naa' an woni Almasiihu, kadin naa' an woni Iliya, koo on ɗon annabiijo, ngam ɗume ngaɗantaa yimɓe baptisma?”

Yahaya 1:21

Ɓe mbi'imo, “To naa' an woni Almasiihu, too, an a moye? An woni Iliya?” Yahaya nootii wi'iɓe, “Koo seɗɗa, naa' ɗum min.” Ɓe ƴamimo ɓe mbi'i, “An woni on ɗon annabiijo?” O wi'i, “Aa'a.”

Luka 24:49

Raɗɗum, mi lildoyay'on Ruuhu Allah no Nyaako am waɗi alkawal. Njooɗee nder Urucaliima naa Ruuhu Allah jippoyake dow mooɗon hokkii'on bawɗe.”

Luka 7:16

Kulol nangiɓe ɓe fuu, ɓe manti Allah, ɓe mbi'i, “Annabiijo mawɗo wangii hakkunde meeɗen! Allah warii walluki yimɓe muuɗum!”

Luka 3:16

Yahaya wi'iɓe, “E mi waɗirana'on baptisma e ndiyam, ammaa ɓurɗoyam mangu e wara. Mi fotaayi fittuki lokkulli paɗe maako. O waɗiranay'on baptisma e Ruuhu Allah e hiite.

Maatiyu 16:14

Sey ɓe mbi'i, “Woɓɓe e mbi'a a Yahaya Gaɗoowo Baptisma. Woɓɓe boo e mbi'a a Annabi Iliya. Nden woɓɓe e mbi'a a Annabi Irmiya koo go'oto nder annabo'en.”

Yahaya 14:26

Ammaa e woodi Ballayɗum, waato Ruuhu Allah ɗum Nyaako Mo Dow liloyta nder inde am. Ɗum ekkitinay'on koo ɗume, ɗum siftoranay'on fuu ko mbiimi'on.

Maatiyu 21:11

Sey yimɓe ɗuɗɓe ɓen jaadooɓe e Yeesu mbi'i, “Ɗum Yeesu, annabiijo daga gariiri Najarat nder leydi Galiili.”

Yahaya 8:54

Yeesu nootii wi'i, “To mi teddinii hoore am, teddungal am wartii meere. Nyaako am mo mbi'oton woni Allah mooɗon, kanko woni teddinɗoyam.

Yahaya 16:14

Ruuhu ɗum hoccay ko mbiimi ɗum wi'a'onka, non ɗum hollirta teddungal am.

Yahaya 17:1

Gaɗa Yeesu yottinii wiiki boliiɗe ɗe'e, o raari dow o wi'i, “Nyaako am, carel warii. Mawnin Ɓiɗɗo maaɗa, ngam Ɓiɗɗo maaɗa teddiniima.

Kuuɗe Lilaaɓe 19:2

O ƴamiɓe, o wi'i, “Koo on keɓii Ruuhu Allah nde ngartuɗon tokkuɓe Yeesu?” Ɓe nootii, ɓe mbi'imo, “Min meeɗaayi nanuki habaru Ruuhu Allah.”