Yahaya 7:35 - Fulfulde Nigeria

³⁵ Sey ardiiɓe Yahuudanko'en mbi'i hakkunde maɓɓe, “Toye neɗɗo o'o yiɗi yaaki to en mbaawataa heɓukimo? Koo e mo yiɗi yaaki nder gariije Helenanko'en to yimɓe meeɗen ngoni o ekkitina Helenanko'en?

Yahaya 7:35 ပူးပေါင်းရင်းမြစ်များ

Yaakubu 1:1

Min, Yaakubu, windi ɗerewol ngo'ol. Mi maccuɗo Allah e Joomiraawo meeɗen Yeesu Almasiihu. E mi howna'on, onon tokkuɓe Yeesu cankitiiɓe nder duuniyaaru.

1 Biiturus 1:1

Min Biiturus lilaaɗo Yeesu Almasiihu windi ɗerewol ngo'ol. Mi windanngol yimɓe ɓe Allah suɓi, cankitiiɓe, gaɗooɓe jonde koɗaaku e leydi Fantus, e leydi Galaatiya, e leydi Kafadookiya, e leydi Aasiya, e leydi Bitiiniya.

Yahaya 12:20

E woodi woɓɓe Helenanko'en nder jaaɓe Urucaliima ngam mawninki Allah carel Humto Sakkinki.

2 Timooti 1:11

Ngam hokkuki Habaru Belɗum ɗu'um, Allah wartiriyam ga'ajinoowo e lilaaɗo e ekkitinoowo.

1 Timooti 2:7

Ngam maajum ɗum suɓiiyam mi warta ga'ajinoowo e lilaaɗo e ekkitinoowo yimɓe naa' Yahuudanko'en dow hoolaaki goongahi. Goonga mbi'aymi, naa' mi feway!

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Aafisanko'en 3:8

Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

Kuuɗe Lilaaɓe 22:21

Joomiraawo wi'iyam, ‘Umma, mi lilete to woɗɗi nder leƴƴi ɗi naa' Yahuudanko'en.’ ”

Kuuɗe Lilaaɓe 21:21

Ɓe nanii a ekkitina Yahuudanko'en wonɓe nder goɗɗi leƴƴi ala tokkuki Attawra, a wi'a to' ɓe naada ɓikkoy maɓɓe, to' ɓe tokka ndonu Yahuudanko'en.

Kuuɗe Lilaaɓe 11:18

Nde ɓe nani ko o wi'i, ɓe nde''iti, ɓe manti Allah, ɓe mbi'i, “Allah waɗanii yimɓe naa' Yahuudanko'en laawol tuubuki ngam ɓe kisa ɓe keɓa yonki ki re'ataa.”

Yahaya 8:22

Ɗu'um waɗi ardiiɓe Yahuudanko'en mbi'i, “O waray hoore maako won ɗon? Koo kanjum o yiɗi wiiki nde o wi'i, ‘To njahaymi on mbaawataa yaaki?’ ”

Luka 2:32

O wartay bo jayngol, o hollay lenyi duuniyaaru laawol maaɗa, o waɗay yimɓe maaɗa Yahuudanko'en keɓa mangu.”

Maatiyu 12:21

Lenyi fuu ngaɗay kammunde dow maako.”

Yahaya 7:1

Gaɗa ɗu'um Yeesu waɗi ka yiilaaki nder leydi Galiili. O yiɗaa yiilaaki nder leydi Yahuudiya, ngam ardiiɓe Yahuudanko'en wonɓe ton e ɓe ɗaɓɓita laawol no ɓe mbarirtamo.

Kuuɗe Lilaaɓe 11:20

Ammaa woɓɓe nder maɓɓe ƴiwoyɓe Sayiifurus e Saayirin natti gariiri Antaakiya, e ɓe nga'ajina Habaru Belɗum ɗum Yeesu Joomiraawo nder yimɓe naa' Yahuudanko'en.

Kuuɗe Lilaaɓe 14:1

Too, nde Bulus e Barnaba njottii Ikooniya, ɓe natti nder suudu do'aare non no ɓe mboowi waɗuki. Ɓe nga'ajini haa ɗuɗɓe nder Yahuudanko'en e goɗɗi leƴƴi koolii Yeesu.

Kuuɗe Lilaaɓe 17:4

Woɓɓe nder Yahuudanko'en njaɓika, ɓe tokki Bulus e Siila, kamɓe e yimɓe naa' Yahuudanko'en ɗuɗɓe kulooɓe Allah, hawti e rewɓe ɗuɗɓe gooduɓe mangu.

Kuuɗe Lilaaɓe 18:4

Koo ndeye Nyalnde Siwtaare, Bulus e yeddootira e yimɓe nder suudu do'aare, e mo fooɗa hakkiilo Yahuudanko'en e yimɓe naa' Yahuudanko'en ngam ɓe tokka Yeesu.

Roomanko'en 1:16

Mi nanataa cemtuɗum wa'ajinki Habaru Belɗum, ngam ɗum bawɗe Allah baawayɗe hisna koo moye kooliiɗomo. Arande ɗum andiniiɗum Yahuudanko'en, nden sey yimɓe naa' Yahuudanko'en.