Yahaya 6:9 - Fulfulde Nigeria

⁹ “E woodi goɗɗo suka ɗo'o gooduɗo mburoodihoy njowoy e liƴƴi ɗiɗi. Ammaa goonga koo ko ɗum waɗanta yimɓe ɓe'e.”

Yahaya 6:9 ပူးပေါင်းရင်းမြစ်များ

Luka 9:13

Sey o wi'iɓe, “Onon kokkeeɓe ko ɓe nyaamata.” Ammaa ɓe mbi'imo, “Buroodi jowi e liƴƴi ɗiɗi tan min ngoodi ɗo'o. Sey ni min njaha, min cooda nyamndu ngam yimɓe ɓe'e fuu.”

Markus 6:38

O wi'iɓe, “Buroodi noye ngooduɗon? Njahee ndaaron.” Nde ɓe ndaari, ɓe mbi'i, “Buroodi jowi e liƴƴi ɗiɗi.”

Maatiyu 14:17

Sey ɓe nootii ɓe mbi'imo, “Buroodi jowi e liƴƴi ɗiɗi tan min ngoodi.”

Maatiyu 16:9

Haa jooni on paamaayi? On ciftoraayi no nyamnirmi yimɓe 5,000 e buroodi jowi, e kondooje sappo e ɗiɗi ɗe ɓoptuɗon e keewi horaano?

Markus 8:19

Carel ngel nyamnumi yimɓe 5,000 buroodi jowi, kondooje noye ɓoptuɗon e keewi horaano?” Ɓe mbi'i, “Sappo e ɗiɗi.”

2 Korintiyanko'en 8:9

Ngam on andi ko Joomiraawo meeɗen Yeesu Almasiihu waɗani'on ngam yidde maako. Koo nde o diskuɗo, ngam mooɗon o warti mo walanaa, ngam laawol dullere maako ngarton riskuɓe.

Wahayu Yahaya 6:6

Sey nanmi goɗɗum bo hononde e wurtoyoo hakkunde tagaaɗum nayum gooduɗum yonki ɗum ɗon e nde wi'a, “Ɗum yoɓay ceede kuugal nyalnde go'o ngam poondirgel alkamaari go'o. Ɗum yoɓay ceede kuugal nyalnde go'o ngam poondirkoy tatoy koy gawri. Ammaa taa' wonnu nebbam jaytun koo ndiyam inabooje.”

Yahaya 11:32

Nde Maryaama yottii to Yeesu woni yi'imo, dicci, wi'imo, “Moodibbo, daa a ɗo'o, daa sakiraawo am maayaayi.”

Yahaya 11:21

Marta taɓɓii Yeesu wi'imo, “Moodibbo, daa a ɗonno ɗo'o, daa sakiraawo am maayaayi.

Yahaya 6:7

Filibus wi'imo, “Koo njoɓaari ndi kuwoowo heɓata nder lebbi joweetati ndi heƴataa sooduki nyamndu keƴayndu koo moye maɓɓe heɓa seɗɗa.”

Yahaya 6:11

Sey Yeesu hocci buroodi ɗum, o yetti Allah, o sendaniɗum jooɗiiɓe ɗon non no heƴataɓe. Non maa o waadi e liƴƴi ɗin.

Yahaya 21:9

Nde ɓe njottii to daande ndiyam, ɓe ngi'i docce hiite e liƴƴi dow maaje e buroodi.

Yahaya 21:10

Yeesu wi'iɓe, “Ngaddee goɗɗi liƴƴi ɗi nanguɗon jooni.”

Yahaya 21:13

Yeesu hocci buroodi ɗum, hokkiɓeɗum, kadin o hocci liƴƴi ɗin, o hokkiɓeɗi.