Yahaya 5:3 - Fulfulde Nigeria

^3-4 Nyawɓe ɗuɗɓe e pukkoo haade njonga ngan. E woodi wumɓe, e yimɓe ɓe koyɗe nyawɗe, e jaraaɓe.

Yahaya 5:3 ပူးပေါင်းရင်းမြစ်များ

Luka 7:22

O wi'i lilaaɓe Yahaya, “Njahee, mbi'on Yahaya ko ngiiɗon e ko nanuɗon: wumɓe e mbumta, jaraaɓe e njaaɓa, gooduɓe nyawu nyaamoojum laral e njamɗitinee, pahuɓe e nana, mayɓe e umminee, ɓe ngalanaa e nga'ajinanee Habaru Belɗum.

Maatiyu 15:30

Yimɓe ɗuɗɓe ngari to maako, ɓe ngaddoyi ɓe koyɗe jaraaɗe, e wumɓe, e laƴooɓe, e ɓe mbaawataa metuki, e woɓɓe ɗuɗɓe gooduɓe nyawuuji. Ɓe ndesiɓe yeeso maako, sey o yamɗitiniɓe.

Yaakubu 5:7

Ngam non, bandiraaɓe am, ngaɗee munyal haa yaaki nyalnde nde Joomiraawo wartata. Ndaaree no demoowo munyirta ngam ndiyam seeto e ɗam ƴaawol ɓendina fii boɗɗum ɗum o remi.

Roomanko'en 8:25

Ammaa to en ngaɗa kammunde dow goɗɗum ɗum en ngi'ataa, en keɗoɗum nder munyal.

Maatiyu 4:24

Habaru maako sankiti koo toye nder leydi Siiriya. Yimɓe ngaddanimo fuu nyawɓe, piidooɓe e nyawuuji feere‑feere, e piidooɓe e nawɗum ɓalli, e gooduɓe ginni, e gooduɓe paɗɗe, e jaraaɓe, o yamɗitiniɓe.

Yahaya 5:2

Ton Urucaliima e woodi njonga ndiyam haade wongal dammugal gariiri ndin bi'eteengal Dammugal Baali. Haade njonga ngan e woodi rumpaaji jowi. Nder Ibraaniyankoore e nga noddiree Betasda.