Yahaya 5:19 - Fulfulde Nigeria

¹⁹ Yeesu nootii wi'iɓe, “E mi wi'a'on goonga, Ɓiɗɗo on waɗataa koo ɗume kanum tan, ko o yi'i Nyaako maako e waɗa tan o waɗata, ngam koo ɗume ko Nyaako on waɗata, kanjum ɓiɗɗo on waɗata.

Yahaya 5:19 ပူးပေါင်းရင်းမြစ်များ

Yahaya 12:49

Ngam mi metiraayi laamu am, Nyaako Mo Dow lilɗoyam wi'iyam ko mbi'aymi e no mbi'iraymiɗum.

Yahaya 8:28

Sey Yeesu wi'i, “Carel ngel ƴeftuɗon Ɓii Neɗɗo, on anday min woni on ɗon mo mbi'aymi. Kadin on anday fuu ko ngaɗaymi naa' e laamu am ngaɗiraymiɗum, ammaa ko Nyaako am ekkitiniyam mbi'aymi.

Yahaya 14:10

Filibus, a hoolaaki e mi nder Nyaako on, nden Nyaako on e nder am? Ko mbiimi'on naa' boliiɗe ɗe hoore am mbiimi'on, ammaa Nyaako Mo Dow, gonɗo nder am, kanum huwata kuuɗe muuɗum.

Yahaya 10:18

Walaa ittanoowoyam yonki. Min e hoore am hokkataki. E mi woodi bawɗe hokkukiki, nden e mi woodi bawɗe mi wartiraki. Ɗu'um kanjum Nyaako am wi'iyam mi waɗa.”

Roomanko'en 8:11

To Ruuhu Allah umminɗo Yeesu daga mayde e jooɗoo nder ɓerɗe mooɗon, on ɗon umminɗo Almasiihu daga mayde hokkay ɓalli mooɗon maayayɗi yonki barka Ruuhu maako jooɗiiɗum nder ɓerɗe mooɗon.

Yahaya 9:4

Doole kuwen kuuɗe on ɗon liloyɗoyam daga naange e ɗon. Jemma ɓadake. E carel ngel walaa baawayɗo huwa.

Luka 21:15

Ngam mi hokkay'on boliiɗe e andal, haa walaa goɗɗo nder ganyooɓe mooɗon baawayɗo do''uki'on koo yedduki ko mbiiɗon.

Yahaya 5:21

Non no Nyaako on umminirta mayɓe hokkaɓe yonki, non maa Ɓiɗɗo on e hokka koo moye mo yiɗi yonki.

2 Korintiyanko'en 5:10

Ngam en fuu doole en ndaroto yeeso Almasiihu ngam kiita, ngam koo moye heɓa mbarjaari ko waɗi nder ɓandu ndu'u, koo ko o waɗi e wooɗi koo ɗum wooɗaa.

Yahaya 3:3

Yeesu wi'imo, “E mi wi'umaa goonga, walaa baawayɗo natta Laamu Allah sey to ɗum fuɗɗitii ɗum danyiimo.”

Wahayu Yahaya 2:23

Mi waray tokkuɓe ekkitinol maako. Sey fuu kawte tokkuɓe Yeesu anda min woni anduɗo nyumooji yimɓe e ko woni nder ɓerɗe maɓɓe. Mi waatanay koo moye mooɗon ko fottidi e kuugal muuɗum.

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.

Koloosiyanko'en 1:16

Barka maako Allah tagi koo ɗume gonɗum dow e ley, ko yi'etee e ko yi'ataake, hawti e malaa'ika'en, e ginni, e koo ɗume gooduɗum laamu e bawɗe. Koo ɗume kanko tagiɗum, nden ngam maako koo ɗume tagaa.

Filibiyanko'en 4:13

Mi waaway waɗuki koo ɗume barka on ɗon cembiɗinɗoyam.

Filibiyanko'en 3:21

O waylitay ɓalli meeɗen tampuɗi maayayɗi, o wartiraɗi bo ɓandu maako goodundu teddungal. O waɗay non e bawɗe maako ɗe o wartirta koo ɗume ley laamu maako.

Aafisanko'en 3:16

E mi toroomo daga nder risku mangu maako o sembiɗina'on, o hokka'on bawɗe laawol Ruuhu maako ngarton cembiɗɓe nder ɓerɗe mooɗon,

Aafisanko'en 2:5

Koo nde en nandi e mayɓe ngam hakke meeɗen, o hokkii'en yonki nder Almasiihu. Yidde maako waɗi kisuɗen.

2 Korintiyanko'en 4:14

Ngam e min andi Allah umminɗo Yeesu Joomiraawo meeɗen daga mayde, o umminaymin minon maa non no o umminiri Yeesu, o waddamin hawti e mooɗon yeeso maako.

1 Korintiyanko'en 15:12

Too, to e ɗum wa'ajina wiiki Almasiihu umminaama daga mayde, no waɗata woɓɓe mooɗon e mbi'a mayɓe ummataako?

Roomanko'en 6:4

Ngam non, baptisma ɗum um waɗani'en bo ɗum uwudu'en e maako, nden en ngartii go'o e maako nder mayde maako, ngam, non no teddungal Nyaako meeɗen Mo Dow umminiri Almasiihu daga mayde, non enen maa en ngaɗu jonde heyre.

Kuuɗe Lilaaɓe 2:24

Ammaa Allah umminiimo daga mayde, wurtiniimo yenaande, ngam mayde waawataa jogaakimo.

Yahaya 2:19

Yeesu wi'iɓe, “Pusee Wuro Ceniingo ngo'o, nden nder balɗe tati mi mahitayngo.”

1 Tasaloonikanko'en 4:14

Nde en njaɓii Yeesu maayii ummake, non maa en njaɓii Allah wadday tokkuɓe Yeesu mayɓe hawti e Yeesu.

Koloosiyanko'en 1:11

Allah sembiɗina'on e fuu sembe bawɗe maako tedduɗe, o waɗa'on ndarooɗon e sembe ngam mbaawon munyon nder koo ɗume ko heɓi'on,

Maatiyu 26:39

Nde o yahi yeeso seɗɗa, sey o yani e leydi e mo hippii, o waɗi do'aare, o wi'i, “Nyaako am Mo Dow, to ɗum waɗoto, ittanam jardugel torra ka'a. Fuu e non naa' ko ngiɗumi waɗetee, ammaa ko ngiɗɗaa waɗee.”

Yahaya 6:38

Ngam mi waroyii daga dow naa' ngam mi waɗa ko ngiɗumi, ammaa mi waɗa ko liloyɗoyam yiɗi.

Yahaya 12:50

Ko o wi'i ɗum waɗa, e mi andi ɗum wadday yonki ki re'ataa. Ngam non, fuu ko mbiimi mi wi'uɗum non no Nyaako am wi'iyam mi wi'a.”