Yahaya 5:16 - Fulfulde Nigeria

¹⁶ Ngam Yeesu e huwa iri kuuɗe ɗe'e Nyalnde Siwtaare, ardiiɓe Yahuudanko'en puɗɗi hallankimo.

Yahaya 5:16 ပူးပေါင်းရင်းမြစ်များ

Yahaya 15:20

Nyumee ko mbiinoomi'on, ‘Walaa maccuɗo ɓurɗo jeyɗomo.’ To yimɓe duuniyaaru torriiyam, onon maa ɓe torray'on. To ɓe tokkii ekkitinol am, onon maa ɓe tokkay ekkitinol mooɗon.

Yahaya 10:39

Ɓe puɗɗiti ɓe ndarwi nangukimo, ammaa o wurtii juuɗe maɓɓe o daɗi.

Yahaya 7:25

Woɓɓe yimɓe Urucaliima mbi'i, “Naa' o'o neɗɗo woni mo ardiiɓe ɗaɓɓitata warki?

Yahaya 5:13

Ammaa jamɗutuɗo on andaa moye yamɗitinimo, ngam e woodi yimɓe ɗuɗɓe e wigeere nden; Yeesu boo yaadake nattii nder maɓɓe.

Luka 6:11

Ammaa ɓerɗe maɓɓe metti naa' seɗɗa, ɓe meti hakkunde maɓɓe dow ko ɓe ngaɗanta Yeesu.

Markus 3:6

Sey Faarisanko'en mburtii suudu do'aare ndun, ɓe puɗɗi medduki e yimɓe Hirudus dow no ɓe mbardata Yeesu.

Maatiyu 12:13

Sey o wi'i neɗɗo on, “Fortu jungo maaɗa.” Sey o fortingo, sey ngo yamɗiti, ngo warti bo wo'oto ngon.

Yahaya 1:19

Raa ceyda ɗum Yahaya hokki carel ko ardiiɓe Yahuudanko'en nder Urucaliima lili woɓɓe ardiiɓe diina e Leewiyanko'en to maako ɓe ƴamamo kanko o moye.

Yahaya 5:10

Ngam non, ardiiɓe Yahuudanko'en mbi'i jamɗitinaaɗo on, “Hande ɗum Nyalnde Siwtaare, Attawra haɗii koccaa daago maaɗa.”

Yahaya 5:15

Sey neɗɗo on yahi wi'i ardiiɓe Yahuudanko'en Yeesu yamɗitinimo.

Yahaya 5:17

Yeesu boo wi'iɓe, “Haa hande Nyaako am e huwa, min maa e mi huwa.”

Yahaya 5:18

Ka'a haala waɗi ardiiɓe Yahuudanko'en ɓeydi ɗaɓɓutuki laawol no mbardatamo. Ngam naa' dooka Nyalnde Siwtaare tan o yewi, ammaa haa maa o wi'ii Allah ɗum Nyaako maako, waato o wartirii hoore maako go'o e Allah won ɗon.

Yahaya 7:21

Yeesu wi'iɓe, “Mi waɗii ko hayɗinii go'o, on fuu on kayɗinii.