Yahaya 4:11 - Fulfulde Nigeria

¹¹ Sey debbo on wi'i Yeesu, “Moodibbo, a walaa ko nyeɗirtaa ndiyam ɗam, kadin boo ɓundu ndun e luggi. Toye keɓataa ɗam ɗon ndiyam kokkoojam yonki?

Yahaya 4:11 ပူးပေါင်းရင်းမြစ်များ

1 Korintiyanko'en 2:14

Neɗɗo mo walaa Ruuhu Allah, o jaɓataa ko ƴiwoyi to Ruuhu Allah, ngam to maako ɗum haaŋoore. O waawataa o faamaɗum ngam o walaa Ruuhu Allah.

Yahaya 3:4

Nikoodimus ƴamimo wi'i, “No neɗɗo mawɗo danyitirtee? Ɗum waɗataako o so''o nder reedu maduujo maako ɗum fuɗɗita ɗum danyamo ɗiɗaɓum.”

Yahaya 4:14

ammaa koo moye jarɗo ndiyam ɗam kokkaymoomi o fuɗɗitataa o nana ɗonka kadin. Ndiyam ɗam kokkaymoomi ɗam wartay nder maako ndiyam ɓuloojam kokkayɗammo yonki ki re'ataa.”

Yahaya 7:37

Nyalnde nde humto ngon re'ata, kayre woni nyalnde mawnde nde humto ngon. E nyalnde nden Yeesu ummii, darii, wi'i e sembe, “Fuu nanayɗo ɗonka wara to am mi hokkaymo ko o yarata.

Kuuɗe Lilaaɓe 10:14

Ammaa Biiturus nootii wi'i, “Aa'a, Joomiraawo! Mi meeɗaayi nyaamuki ko harminii koo ko laaɓaayi.”

Wahayu Yahaya 7:17

Ngam Karoori ngondi caka jooɗorgal laamu ngal ndi wartay gaynaako maɓɓe. Nden ndi yaarayɓe to ndiyam yonki ɓuliroyta. Allah boo moytanayɓe fuu gonɗi maɓɓe.”

Wahayu Yahaya 21:6

Nden o wi'iyam, “Ɗum heenyii! Min woni Alfa, min woni Omeega, waato Fuɗɗoode e Timmoode. Fuu nanɗo ɗonka mi hokkaymo ndiyam caahu daga to ndiyam yonki ɓuliroyta.

Wahayu Yahaya 22:1

Nden malaa'ikaajo on holliyam caangol ndiyam yonki e ngol ɗelkitoo bo daaroggal e ngol iloya daga jooɗorgal laamu Allah e Karoori ndin,

Wahayu Yahaya 22:17

Ruuhu Allah e Ɓaŋaaɗo e ɓe mbi'a, “Woroy!” Koo moye nanuɗo ɗu'um fuu wi'a, “Woroy!” Fuu nanɗo ɗonka wara, fuu giɗɗo sey nyeɗa ndiyam yonki caahu.