Yahaya 19:6 - Fulfulde Nigeria

⁶ Nde mawɓe ardiiɓe diina e taadiiɓe Wuro Ceniingo ngi'imo, ɓe mbi'i e sembe, “Warumo! Warumo dow gaafaangal!” Ammaa Bilaatus wi'iɓe, “Onon kocceemo mbaronmo. Min mi tawraayimo goɗɗum kalluɗum.”

Yahaya 19:6 ပူးပေါင်းရင်းမြစ်များ

Yahaya 18:31

Bilaatus wi'iɓe, “Onon e ko'e mooɗon kocceemo ngaɗanonmo kiita no dooka mooɗon wi'i.” Ɓe mbi'imo, “Onon Roomanko'en on alataamin min taƴana goɗɗo kiita mayde.”

Yahaya 19:4

Bilaatus fuɗɗiti wurtii yaasi wi'i Yahuudanko'en, “Ndaaree, mi wurtinanay'onmo ɗo'o ngam andon mi tawraayimo goɗɗum kalluɗum.”

Kuuɗe Lilaaɓe 7:52

Moye annabiijo woni mo maama'en mooɗon torraayi? Haa maa ɓe mbarii wi'unooɓe Aadiliijo on waray. Jooni onon e ko'e mooɗon on nyaamii amaana maako, on mbariimo.

Kuuɗe Lilaaɓe 2:23

Fuu e non on kokkitiriimo nder juuɗe kalluɓe. On ngaɗii ɓe ɓiliimo dow gaafaangal, ɓe mbarimo. Fuu e non, non Allah siryorii fii ɗum waɗira.

Yahaya 19:15

Ɓe mbi'i Bilaatus e sembe, “Warumo! Warumo dow gaafaangal!” Bilaatus wi'iɓe, “On ngiɗi mi wara laamiiɗo mooɗon dow gaafaangal?” Sey mawɓe ardiiɓe diina nootii mbi'i, “Min ngalaa goɗɗo laamiiɗo sey Kaysar!”

Luka 23:4

Bilaatus wi'i mawɓe ardiiɓe diina e hawrutuɓe ɓen, “Mi yi'aayi goɗɗum kalluɗum ɗum nangirɗon neɗɗo o'o.”

Maatiyu 27:24

Nde Bilaatus yi'i walaa ko waawata waɗuki, nden hawre fuɗɗi ummaaki, sey o nyeɗoyi ndiyam o looti juuɗe maako yeeso maɓɓe. O wi'i, “Mi walaa hakke ƴiiƴam neɗɗo o'o. Ɗum caɗɗum mooɗon.”

Maatiyu 27:22

Sey Bilaatus ƴamiɓe wi'i, “Too, ko ngiɗɗon mi waɗana Yeesu bi'eteeɗo Almasiihu?” Ɓe fuu ɓe mbi'i, “Warumo dow gaafaangal!”

Maatiyu 26:58

Ammaa Biiturus tokkirimo gaɗa daga to woɗɗi haa yaaki caka wuro Mawɗo Mawɓe Ardiiɓe Diina on. O natti o jooɗodii e taadiiɓe Wuro Ceniingo, ngam o yi'a no ɗum waɗanta Yeesu.

Yahaya 18:3

Sey Yahuuda yahi ngesa kan e ardii kawtal sooji'en Rooma, e woɓɓe taadiiɓe Wuro Ceniingo ɓe mawɓe ardiiɓe diina e Faarisanko'en lili. E ɓe njogii fitilaaji, e jame hiite, e ko ɗum honirta.

Yahaya 18:38

Bilaatus ƴamimo wi'i, “Ɗume woni goonga?” Gaɗa Bilaatus wi'ii non fuɗɗiti wurtii yaasi to Yahuudanko'en wi'iɓe, “Mi tawraayimo goɗɗum kalluɗum.