Yahaya 19:34 - Fulfulde Nigeria

³⁴ Ammaa go'oto nder sooji'en ɓen yuwiri Yeesu labbo to becce, ɗon e ɗon ƴiiƴam e ndiyam wurtii.

Yahaya 19:34 ပူးပေါင်းရင်းမြစ်များ

1 Yahaya 5:6

Yeesu Almasiihu woni garɗo nder duuniyaaru. O wardii e alaama ndiyam e ƴiiƴam. Naa' e ndiyam tan o wardi, ammaa ndiyam e ƴiiƴam. Ruuhu Allah wi'ii'en non, ngam Ruuhu e wi'a goonga.

1 Yahaya 5:8

Kanjum woni Ruuhu Allah, e ndiyam, e ƴiiƴam, ɗum fuu e ɗum holla ceyda go'o.

Wahayu Yahaya 7:14

Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

Aafisanko'en 5:26

O waɗu non ngam o wartira tokkuɓemo ceniiɓe barka bawɗe wolde maako, o lootiriiɓe ndiyam ngam o wartiraɓe laaɓuɓe.

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

1 Biiturus 3:21

Ndiyam ɗam boo ɗum misaalu baptisma. Jooni baptisma hisnii'on barka bawɗe ummaaki Yeesu Almasiihu daga mayde. Baptisma naa' ɗum ittuki tuundi daga ɓalli meeɗen, ɗum alkawal ngal neɗɗo waɗani Allah e ɓernde lamnde.

Ibraaniyanko'en 9:22

Goonga, Attawra wi'ii haade koo ɗume e laaɓiniree ƴiiƴam, nden to naa' ƴiiƴam rufaa, hakke yaafataake.

Ibraaniyanko'en 9:13

Ƴiiƴam be'i e ƴiiƴam ga'i e tooka wiige nge ɗum wuli, e ɗum meccanaɗum yimɓe ɓe diina holli ɓe laaɓaa, e ɗum itta ciya laɓki maɓɓe ɗum wartiraɓe laɓɓe nder diina.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

1 Korintiyanko'en 6:11

Ndenno non woɓɓe mooɗon mba'i. Ammaa jooni ɗum lootii hakke mooɗon, on ngartiraama yimɓe Allah, on ngartiraama aadili'en barka Yeesu Almasiihu Joomiraawo meeɗen e Ruuhu Allah.

1 Korintiyanko'en 1:30

O wartirii'on ɓe Yeesu Almasiihu. Allah wartiriimo faamu meeɗen. Laawol maako ɗum wartiri'en aadili'en, ceniiɓe, rimɗinaaɓe.

Maatiyu 27:62

Nde fini, waato gaɗa Nyalnde Siryaaki, sey mawɓe ardiiɓe diina e Faarisanko'en kawriti yeeso Bilaatus.

Kuuɗe Lilaaɓe 22:16

Jooni, ɗume ndentuɗaa? Umma ɗum waɗanmaa baptisma, toroɗaa Allah yaafanomaa hakke maaɗa.’

Yahaya 19:33

Ammaa nde ɓe ngari to Yeesu ɓe ngi'i o yaadake o maayii, ɓe ngewaayi koyɗe maako.

Yahaya 20:20

Gaɗa o wi'i non, o holliɓe juuɗe maako e becce maako. Sey tokkuɓemo nani belɗum naa' seɗɗa nde ɓe ngi'imo.