Yahaya 17:25 - Fulfulde Nigeria

²⁵ Yaa Nyaako am aadiliijo, yimɓe duuniyaaru andaama, ammaa min e mi andumaa, nden e ɓe andi an liloyiyam.

Yahaya 17:25 ပူးပေါင်းရင်းမြစ်များ

Yahaya 17:11

Jooni naa' ko neeɓi mi alay duuniyaaru mi waroya to maaɗa, ammaa kamɓe e ɓe nder duuniyaaru. Nyaako am Ceniiɗo, surirɓe bawɗe inde maaɗa, inde nde kokkuɗaayam, ngam ɓe ngarta go'o non no an e min en go'o.

Yahaya 17:8

Mi wi'iiɓe boliiɗe ɗe mbiiɗaayam, ɓe boo njaɓiiɗe. Ɓe andii ɗum goonga to maaɗa ƴiwoymi, nden ɓe koolake an liloyiyam.

Yahaya 15:21

Ammaa ɓe ngaɗanay'on fuu fii ɗu'um ngam onon ɗum ɓe am, ngam ɓe andaa on ɗon liloyɗoyam.

Yahaya 7:29

ammaa min e mi andimo, ngam daga to maako ƴiwoymi, kanko liloyiyam.”

Yahaya 16:27

Ngam Nyaako Mo Dow kanko e hoore maako e mo yiɗi'on. E mo yiɗi'on ngam on ngiɗiyam, nden on koolake daga to maako ƴiwoymi.

Ibraaniyanko'en 8:11

Naa' naa goɗɗo ekkitinii mo jooɗodii, koo ekkitina bandiraawo muuɗum wiiki, ‘Andu Joomiraawo,’ ngam ɓe fuu ɓe andayyam, daga pamaro maɓɓe haa mawɗo maɓɓe.

2 Korintiyanko'en 4:4

Ceyɗan laamiiɗo duuniyaaru ndu'u wumnii ɓerɗe yimɓe ɓe koolaaki Yeesu, ngam to' ɓe ngi'a jayngol Habaru Belɗum ɗum teddungal Almasiihu nanduɗo e Allah.

Yahaya 10:15

non no Nyaako am andiriyam, e no andirmoomi. Mi hokkii yonki am ngam baali ɗin.

Yahaya 8:55

Koo nde on andaamo, ammaa min e mi andimo. Daa mi wi'iino'on mi andaamo, daa mi wartii pewoowo bo mooɗon. Ammaa e mi andimo, e mi tokka wolde maako.

Luka 10:22

Sey o wi'i yimɓe, “Nyaako am hokkiiyam koo ɗume. Walaa anduɗo moye woni Ɓiɗɗo on sey ni Nyaako on, non maa walaa anduɗo moye woni Nyaako on sey ni Ɓiɗɗo on, e mo Ɓiɗɗo on yiɗi andina Nyaako on.”

Wahayu Yahaya 13:8

Fuu yimɓe jooɗiiɓe e duuniyaaru ɓe mawninayndi, sey ni ɓe ɗum windi inɗe maɓɓe ko duuniyaaru tagee nder deftere yonki nde Karoori baraandi.

1 Yahaya 1:9

Ammaa to en mbi'ii Allah hakke ɗum ngaɗuɗen, o yaafanto'en hakke meeɗen, o loota'en daga ko wooɗaa ɗum ngaɗuɗen, ngam kanko o kebbinoowo alkawal, e mo woodi aadilaaku.

2 Tasaloonikanko'en 1:8

Ganyuɓe Allah e ganyuɓe ngaɗa ko Habaru Belɗum ɗum Joomiraawo meeɗen Yeesu wi'i, Allah waatanayɓe halkere kallunde.

1 Korintiyanko'en 15:34

Ngartee nder hakkiilo mooɗon no haani, alee waɗuki hakke, ngam e woodi woɓɓe mooɗon ɓe ngalaa andal dow Allah. Mi wi'u non ngam cemton.

1 Korintiyanko'en 1:21

Ngam Allah nder faamu muuɗum suɓii to' yimɓe andamo laawol faamu maɓɓe. O nanii belɗum hisnuki kooliiɓe Almasiihu laawol wa'ajinki Habaru Belɗum ɗum woɓɓe ngi'ata ɗum haaŋoore.

Roomanko'en 3:26

O waɗu non ngam e carel ngel o holla kanko e hoore maako o aadiliijo, nden e mo waɗa koo moye kooliiɗo Yeesu warta aadiliijo.

Roomanko'en 3:11

walaa gooduɗo faamu, walaa ɗaɓɓutuɗo Allah.

Roomanko'en 1:28

Nde ɓe nganyii ɓe anda Allah, Allah aliiɓe ɓe tokka nyumooji kalluɗi ngam ɓe ngaɗa ko haanaa ɗum waɗa.

Kuuɗe Lilaaɓe 26:18

A wumtinayɓe, ɓe mburtoyoo nder nyiwre, ɓe ngarta nder jayngol, ɓe mburtoo nder laamu Ceyɗan, ɓe co''oo to Allah, ngam ɓe keɓa yaafaneeki hakke, ɓe natta nder yimɓe gartuɓe ceniiɓe ngam ɓe koolakeyam.’

Kuuɗe Lilaaɓe 17:23

ngam nde ngiiliimi nder gariiri mooɗon, e mi raara bigeeje diina mooɗon haa mi yi'i sakkirde, ɗum windi dow mayre ‘Ngam Allah mo andaaka.’ Too, on ɗon mo mawninton nder ciya andal, kanko ngiɗumi andinki'on.

Yahaya 17:23

E mi sumpootira e maɓɓe nden en cumpootira ngam ɓe ngarta go'o nder koo ɗume, ngam duuniyaaru anda an liliyam, kadin a yiɗiɓe non no ngiɗirɗaayam.

Yahaya 17:21

E mi waɗa do'aare ɓe fuu maɓɓe ɓe ngarta go'o. Nyaako am e mi toromaa, ɓe keɓa ɓe cumpootira e meeɗen non no cumpootirten, ngam duuniyaaru jaɓa an liloyiyam.

Yahaya 17:18

Non no liliroyɗaayam nder duuniyaaru, min maa mi liliiɓe nder duuniyaaru.

Yahaya 17:3

Yonki ki re'ataa woni ɓe andumaa, an tan woni Allah goongaajo, nden ɓe anda Yeesu Almasiihu mo liloyɗaa.

Yahaya 16:30

Jooni e min andi a andi koo ɗume, naa' naa goɗɗo ƴamiima ƴamɗe. Ɗu'um waɗii min njaɓi daga to Allah ƴiwoyɗaa.”

Yahaya 16:3

Yimɓe ngaɗanay'on non ngam ɓe andaa Nyaako Mo Dow, ɓe andaayam.

Yahaya 8:19

Ɓe mbi'imo, “Toye nyaako maaɗa on woni?” Yeesu wi'iɓe, “On andaayam, on boo andaa Nyaako am. Daa on andiyam, daa on andi Nyaako am maa.”

Yahaya 6:19

Nde ɓe ngaɗi yaadu nder mbeela ngan hewti mil tati koo nayi, ɓe ngi'i Yeesu e yaha dow ndiyam ɗam e waroya to komiwal maɓɓe, kulol nangiɓe.

Yahaya 3:17

Ngam Allah liloyaayi Ɓiɗɗo muuɗum nder duuniyaaru ngam o taƴanandu kiita. Ammaa o liloyiimo ngam o hisna duuniyaaru e laawol maako.

Yahaya 1:18

Walaa neɗɗo meeɗuɗo yiiki Allah. Ɓiɗɗo maako bajjo, gonɗo nder ɓernde Nyaako Mo Dow, kanko holli'en no Allah wa'i.

Maatiyu 16:16

Sey Siiman Biiturus nootii, wi'i, “An woni Almasiihu, Ɓiɗɗo Allah mo yonki.”

Maatiyu 11:27

Sey o wi'i yimɓe, “Nyaako am hokkiiyam koo ɗume. Walaa anduɗo moye woni Ɓiɗɗo on sey ni Nyaako on, non maa walaa anduɗo Nyaako on sey ni Ɓiɗɗo on, e mo Ɓiɗɗo on yiɗi andina Nyaako on.

Wahayu Yahaya 16:5

Mi nanii malaa'ikaajo paamanoowo ndiyam e wi'a, “Yaa Ceniiɗo, an woni ndenno an woni jooni. An a aadiliijo nder kiita maaɗa kan ɗon.