Yahaya 16:33 - Fulfulde Nigeria

³³ Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

Yahaya 16:33 ပူးပေါင်းရင်းမြစ်များ

Yahaya 14:27

“Jam woni ko aldumi'on, jam am kokkumi'on. Mi hokkii'onɗum naa' no yimɓe duuniyaaru kokkirta. To' on alu ɓerɗe mooɗon nganna, to' on kulu.

1 Yahaya 5:4

Ngam fuu ɓiɗɗo Allah waaway heɓuki jaalorgal dow duuniyaaru. Hoolaare meeɗen dow Almasiihu, kayre waɗi keɓuɗen jaalorgal dow duuniyaaru.

2 Tasaloonikanko'en 3:16

Joomiraawo joomu jam e hoore muuɗum hokka'on jam koo ndeye nder koo ɗume. Joomiraawo wonda e mooɗon on fuu.

1 Yahaya 4:4

Onon ɓiɓɓe am, onon ɗum ɓe Allah, nden on keɓii jaalorgal dow annabo'en fewre ɓen ɗon. Ngam bawɗe Ruuhu Allah gonɗum nder mooɗon ɓurii bawɗe Ceyɗan laamotooɗo yimɓe duuniyaaru sembe.

Filibiyanko'en 4:7

Nden jam ɗum Allah hokkata ƴaɓɓiiɗum faamu neɗɗo ɗum suray ɓerɗe mooɗon e nyumo mooɗon ngam on cumpootira e Yeesu Almasiihu.

1 Biiturus 5:9

Nganyeemo, ndarooɗon dow hoolaaki Yeesu e sembe. On andi bandiraaɓe mooɗon fuu nder duuniyaaru e njara iri kan ɗon torra.

Yahaya 14:1

Yeesu wi'iɓe, “To' on ngannu nder ɓerɗe mooɗon, koolee Allah, kooleeyam.

2 Timooti 3:12

Goonga koo moye giɗɗo waɗa jonde iri nde Allah yiɗi nder tokkuki Yeesu Almasiihu, o yaray bone.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.

Ibraaniyanko'en 11:25

O suɓii o yarda torra e yimɓe Allah dow o nana belɗum hakke ngam carel seɗɗa.

Wahayu Yahaya 7:14

Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

1 Tasaloonikanko'en 3:7

Ngam non, bandiraaɓe, nder fuu wannaare e torra ɗum min njari, on pewnaniimin ɓerɗe ngam hoolaare mooɗon.

Wahayu Yahaya 12:11

Ɓe keɓii jaalorgal dow maako barka ƴiiƴam Karoori ndin nden e barka Wolde Allah ngam ɓe njaɓii ɓe ndulla yonki maɓɓe.

Koloosiyanko'en 1:20

Barka Ɓiɗɗo on Allah siryootiri hoore muuɗum e koo ɗume gonɗum dow e ley. O siryootira e maajum barka ƴiiƴam Ɓiɗɗo on ndufaaɗam dow gaafaangal.

2 Korintiyanko'en 1:3

Yettoore tabbita to Allah, Nyaako Joomiraawo meeɗen Yeesu Almasiihu. Kanko woni Nyaako mo yurmeende, Allah baltinayɗo ɓerɗe.

2 Korintiyanko'en 13:11

Too, bandiraaɓe am, sey nyalnde go'o. Mo''inee jonde mooɗon, ngaɗee ko toriimi'on ngaɗon, ngartee ɓe nyumo go'o, njooɗodee jam. Allah joomu yidde e jam wonda e mooɗon.

1 Tasaloonikanko'en 3:4

Ngam carel ko min ngondunoo e mooɗon, min ngaɗii ka wiiki'on daga ilaa en njaray torra. Ɗum boo waɗii non, no anduɗon.

Galaatiyanko'en 6:14

Ammaa min, koo seɗɗa mi mawnintaa hoore am sey ni dow gaafaangal Joomiraawo meeɗen Yeesu Almasiihu. Barka mayde maako dow gaafaangal, ko woni nder duuniyaaru wartii meere to am, min maa mi wartii meere to mayru.

2 Korintiyanko'en 7:4

Mi hoolake'on ɓernde go'o, e mi mantoroo'on naa' seɗɗa, on cembiɗiniiyam naa' seɗɗa. Fuu e torraaji ɗi min njarata, welwelo am walaa keerol.

Kuuɗe Lilaaɓe 27:25

Ngam non, cembiɗinee ɓerɗe mooɗon, ngam e mi hoolii Allah, ko o wi'iyam ɗum wartay goonga.

Galaatiyanko'en 1:4

Yeesu hokkii hoore muuɗum ngam hakke meeɗen ngam o hisna'en daga jaamanu kalluɗum ɗu'um. Non ɗum cuɓol Allah Nyaako meeɗen Mo Dow.

Kuuɗe Lilaaɓe 9:31

Gaɗa maajum kawtal tokkuɓe Yeesu nder leyɗe Yahuudiya e Galiili e Samaariya fuu keɓi jonde jam. Ruuhu Allah walliɓe, ɓe cembiɗi, ɓe ɓeydi kulol Joomiraawo, ɓe ɗuuɗi.

Yahaya 12:31

Jooni woni carel ngel ɗum waɗanta yimɓe duuniyaaru ndu'u kiita. Jooni ɗum riiway laamiiɗo duuniyaaru ndu'u.

Luka 2:14

“En mawnin Allah Mo Dow, jam jooɗoo nder duuniyaaru e dow yimɓe ɓe o nanata belɗum maɓɓe.”

Kuuɗe Lilaaɓe 27:22

Ammaa jooni e mi toroo'on, cembiɗinee ɓerɗe mooɗon, ngam koo go'oto nder mooɗon halkataa, sey komiwal nga'al tan.

Luka 19:38

E ɓe mbi'a, “O barkiɗinaaɗo Laamiiɗo garoyɗo nder inde Joomiraawo! Jam e ton dow, en mawnin Allah!”

Kuuɗe Lilaaɓe 23:11

Nder jemmaare nden Joomiraawo wangi haade Bulus, wi'imo, “Taa' hulu! Non no andinirɗaa habaru am nder Urucaliima, doole ngaɗaa non nder gariiri Rooma.”

Ibraaniyanko'en 7:2

Ibraahim hokkimo jakka nder fuu ko heɓi to konu. Ma'ana arandejum ɗum inde Malkisadik woni “Laamiiɗo Aadilaaku”; nden kadin kanko woni laamiiɗo Salem, waato “Laamiiɗo Jam.”

Yahaya 16:11

Ɓe paamaayi ko woni kiita Allah, ngam laamiiɗo duuniyaaru ndu'u yaadake taƴanaama kiita.

Maatiyu 9:2

Sey woɓɓe ngaddanimo goɗɗo jaraaɗo dow daago. Nde Yeesu yi'i hoolaare maɓɓe, o wi'i jaraaɗo on, “Taa' wannu, higo am, a yaafanaama hakkeeji maaɗa.”

2 Korintiyanko'en 2:14

Ammaa yettoore tabbita to Allah kokkoowo'en jaalorgal koo ndeye barka sumpootirki meeɗen e Almasiihu. Laawol meeɗen o sankitii habaru Almasiihu koo toye bo urngol belngol.

2 Korintiyanko'en 4:7

Ammaa minon e min nandi e gojiije loope. Ɗum resii jawdi nder amin ngam holluki ɗe'e bawɗe ɓurɗe koo ɗeye bawɗe, to Allah ɗe ƴiwoyi, naa' to amin.

2 Korintiyanko'en 6:4

Ammaa nder koo ɗume ko min ngaɗata, e min kolla min maccuɓe Allah ɓe goonga nder munyal mangal ngal min ngaɗata nder torra, e caɗeele, e ɓiɗɗaare.

1 Yahaya 2:13

Mi windan'on, onon ndotti'en, ngam on andi on ɗon gonɗo daga arande. Mi windan'on, onon kaye'en, ngam on keɓii jaalorgal dow Kalluɗo. Mi windan'on, onon ɓiɓɓe am, ngam on andi Nyaako Mo Dow.