Yahaya 16:2 - Fulfulde Nigeria

² Ɗum riiway'on daga nder lenyol. Goonga, carel e wara ngel koo moye barɗo'on nyumay Allah huwanta.

Yahaya 16:2 ပူးပေါင်းရင်းမြစ်များ

Yahaya 9:22

Danyooɓe neɗɗo on mbi'ii non ngam e ɓe kula ardiiɓe Yahuudanko'en. Ngam ardiiɓe Yahuudanko'en ɓen njaadake ciryake wiiki koo moye biiɗo Yeesu woni Almasiihu ɗum riiwaymo daga nder lenyol.

Maatiyu 10:28

To' on kulu warooɓe ɓandu neɗɗo, ammaa ɓe mbaawataa warki yonki maako. Sey ni kulon on ɗon baawayɗo halka ɓandu e yonki fuu nder wuro hiite.

Wahayu Yahaya 6:9

Nde Karoori ndin takkiti haatimiire njowaɓre nden, mi yi'ii yonkiiji ɓe ɗum wari ngam ɓe nga'ajinii Wolde Allah e goonga. E ɓe ley to ɗum wulata urde.

Yahaya 12:42

Fuu e non, koo nder ardiiɓe, ɗuɗɓe koolii Yeesu. Ammaa ngam Faarisanko'en ɓe mbi'aayika e njayri ngam e ɓe kula ɗum riiwaɓe daga lenyol.

Luka 6:22

“On barkiɗinaaɓe to yimɓe nganyii'on, ndiiwii'on, kuɗii'on, mbonnii inɗe mooɗon ngam Ɓii Neɗɗo.

1 Korintiyanko'en 4:13

To yimɓe metii haala kalluka dow amin, sey min metanaɓe haala mbelka. Min ngartii mbuuri duuniyaaru, min ngartii ko nefnii. Haa jooni non ɗum woni.

Kuuɗe Lilaaɓe 7:56

O wi'i, “Raa! E mi yi'a dow e maɓɓitii, Ɓii Neɗɗo e darii e jungo Allah nyaamo.”

Maatiyu 24:9

“Nden ɓe ngaɗay'on nder juuɗe yimɓe torrayɓe'on, ɗum wara'on. Fuu lenyi duuniyaaru nganyay'on ngam on tokkuɓeyam.

Yahaya 9:34

Ɓe mbi'imo, “A danyaama nder hakke a mawnii nder hakke, no waɗata ekkitinaamin?” Sey ɓe ndiiwimo.

Kuuɗe Lilaaɓe 5:33

Nde mawɓe ɓen nani non, ɓerɗe maɓɓe metti naa' seɗɗa, ɓe ngiɗii ɓe mbara lilaaɓe ɓen.

Yahaya 4:21

Yeesu wi'imo, “Jaɓu ko mbi'aymi, carel e wara ngel mawninton Nyaako Mo Dow naa' dow hocceere nde'e naa' nder Urucaliima.

Filibiyanko'en 3:6

Mi tokkii diina am haa mi torrii tokkuɓe Yeesu. Dow waɗuki aadilaaku nder tokkuki Attawra, ɗum tawraayiyam goɗɗum ko wooɗaa.

Yahaya 4:23

Ammaa carel e wara, ngel yaadake ngel warii, carel ngel yimɓe mawninooɓe Allah no haani ɓe mawninay Nyaako Mo Dow nder goonga e nder bawɗe Ruuhu Allah, ngam iri maɓɓe Nyaako Mo Dow yiɗi ɓe mawninamo.

Yahaya 16:25

“Mi huutirii misaalu mi wi'ii'on fuu ɗu'um. Ammaa carel e wara ngel mi metirantaa'on misaalu, ammaa mi metanay'on e njayri dow Nyaako Mo Dow.

Yahaya 16:32

Carel e wara ngel yaadake ngel wari ngel ɗum sankitata'on, koo moye so''oo wuro muuɗum. On alayyam min tan. Ammaa naa' ɗum min tan, ngam Nyaako Mo Dow e wondi e am.