Yahaya 15:5 - Fulfulde Nigeria

⁵ “Min woni layol inabohi, onon ngoni lice maagol. Koo moye jooɗiiɗo e jokkootiri e am, min maa e mi jokkootiri e maako, o wartay bo lisal dimayngal ɓikkoy ɗuɗkoy. Ngam to naa' on kawtu e am, on mbaawataa ngaɗon goɗɗum.

Yahaya 15:5 ပူးပေါင်းရင်းမြစ်များ

Filibiyanko'en 4:13

Mi waaway waɗuki koo ɗume barka on ɗon cembiɗinɗoyam.

Koloosiyanko'en 1:10

E min ngaɗana'on nde'e do'aare ngam mbaawon ngaɗon jonde haanunde tokkuɓe Joomiraawo ngaɗa, nden ngarton belnanooɓemo ɓernde koo ndeye, jonde mooɗon wurtina koo iri ɗeye kuuɗe boɗɗe, nden ɓeydon anduki Allah.

Yahaya 15:16

Naa' onon cuɓiyam, min suɓi'on hokki'on kuugal njahon ngaɗon goɗɗum ɗum Allah yiɗi tabitayɗum. Nden Nyaako Mo Dow hokkay'on koo ɗume ɗum toriiɗonmo nder inde am.

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,

2 Korintiyanko'en 13:8

Ngam min mbaawataa min kaɗa goonga nyamruki yeeso, sey ni min ngaɗa ko waɗata goonga nyamra yeeso.

Yahaya 5:19

Yeesu nootii wi'iɓe, “E mi wi'a'on goonga, Ɓiɗɗo on waɗataa koo ɗume kanum tan, ko o yi'i Nyaako maako e waɗa tan o waɗata, ngam koo ɗume ko Nyaako on waɗata, kanjum ɓiɗɗo on waɗata.

Yaakubu 1:17

Koo ngale dokkal bongal e koo ɗume caahu jamum fuu daga to Allah Nyaako Mo Dow ɗum ƴiwoyta, taguɗo naange e lewru e koode. Kanko o waylitataako, o nandaa e ɗowdi goosotoondi.

2 Biiturus 3:18

Ammaa ɓeydee yidde e yurmeende e anduki Joomiraawo meeɗen Kisnoowo meeɗen Yeesu Almasiihu. Teddungal tabbita to maako jooni e haa abadaa! Aamin.

Yahaya 12:24

E mi wi'a'on goonga, to naa' gabbel alkamaari yani to leydi waati, ngel jooɗoto kangel tan. Ammaa to ngel waatii, ngel rimay gabbe ɗuɗɗe.

Roomanko'en 7:4

Bandiraaɓe am, dow Attawra, on ngartii bo mayɓe barka mayde Almasiihu dow gaafaangal, ngam ngarton ɓe goɗɗo jeyi. Jooni jeyɗo'on woni Almasiihu ummiiɗo daga mayde, ngam ngarten kuwooɓe nder kuugal Allah.

Filibiyanko'en 1:11

ngam ngikku mooɗon heewa aadilaaku keɓeteeɗum to Yeesu Almasiihu, ngam Allah teddinee, mantee.

Yahaya 9:33

Daa neɗɗo o'o naa' to Allah o ƴiwoyi, daa o waawataa o waɗa goɗɗum.”

Filibiyanko'en 4:17

Naa' e mi ɗaɓɓita dokkal to mooɗon, ammaa e mi ɗaɓɓitana'on ɓeydaari dow barka ɗum ngooduɗon.

Roomanko'en 6:22

Ammaa jooni nde ɗum rimɗinii'on daga hakke, nden on ngartii maccuɓe Allah, ɓeydaari ndi keɓoton woni jonde lamnde, nden e re'irde keɓon yonki ki re'ataa.

Kuuɗe Lilaaɓe 4:12

To maako tan kisndam heɓetee, ngam walaa wonde inde feere nder duuniyaaru nde Allah hokki nde ɗum hisirta to naa' inde Yeesu.”

1 Korintiyanko'en 12:12

Ɓandu go'o e woodi jokkooɗe ɗuɗɗe. Fuu jokkooɗe ɓandu ndun koo nde e ɗe ɗuuɗi, kanje kawti ngarti ɓandu go'o. Too, non maa tokkuɓe Almasiihu ngontindiri.

1 Biiturus 2:4

Ngaree to maako. Kanko woni hayre goodunde yonki. Yimɓe nganyiimo, ammaa Allah suɓiimo mawniniimo.

1 Korintiyanko'en 12:27

Too, onon ngoni ɓandu Almasiihu, koo moye mooɗon bo ɗum jokkoode maako.

Aafisanko'en 5:9

Mi wi'u non ngam jayngol e waɗa yimɓe ngaɗa ko wooɗi, e ko Allah yiɗi, e goonga.

2 Korintiyanko'en 9:10

Allah woni kokkoowo demoowo awdi, kokkoowo yimɓe ko nyaamata. O hokkay'on ko heƴata'on, o ɗuɗɗinayɗum, ngam ɓeydon ballal ngal kokkoton kaanuɓe mballee.

Koloosiyanko'en 1:6

ɗum nanɗon. Habaru Belɗum ɗu'um e ɗum barkiɗina yimɓe e ɗum sankitoo nder duuniyaaru fuu, non no ɗum waɗi nder mooɗon, daga nyalnde nde nanɗonɗum nyalnde nde paamuɗon boɗɗum no Allah yiɗiri yimɓe.

Roomanko'en 12:5

Non maa, koo nde en yimɓe ɗuɗɓe, en ngartii bo ɓandu go'o ngam en koolake Almasiihu, en fuu en njokkootiri no jokkooɗe ɓandu njokkindiri.

1 Korintiyanko'en 10:16

Jardugel ndiyam inabojam ɗam njareten nder kirtaari Joomiraawo ɗam ngetteten Allah ngam maajam, to en njariiɗam, naa' en keɓay barka gonɗum nder ƴiiƴam Almasiihu? Nden Buroodi ɗum cendeten, to en nyaamiiɗum, naa' en keɓay barka gonɗum nder ɓandu Almasiihu?

Maatiyu 13:21

Ammaa nde wolde nden walaa ɗaɗi nder ɓernde maako, o munyay carel seɗɗa tan. To caɗeele koo torra warii ngam wolde nden, ɗon e ɗon o yoofande.