Yahaya 15:11 - Fulfulde Nigeria

¹¹ “Mi wi'u'on ɗu'um ngam nanon belɗum nder ɓerɗe mooɗon iri ɗum am, nden belɗum ɗum warta kewɗum.

Yahaya 15:11 ပူးပေါင်းရင်းမြစ်များ

Roomanko'en 15:13

Allah tabbitinɗo kammunde meeɗen waɗa'on nanon belɗum kewɗum, o hokka'on jam barka hoolaaki ki kooliiɗonmo, ngam kammunde mooɗon waɗa ka ɓeydaaki laawol bawɗe Ruuhu maako.

Yahaya 17:13

Jooni e mi waroya to maaɗa. Mi wi'u fuu ɗu'um carel nge'el ngel ngonmi nder duuniyaaru ngam ɓe nana iri belɗum ɓernde ɗum nanaymi ɓe nana ɗum kewɗum.

Yahaya 16:24

Haa jooni on toraaki goɗɗum nder inde am. Toree on keɓay, ngam welwelo mooɗon heewa.

1 Yahaya 1:4

E min mbindonoya'on ɗu'um ngam nanen belɗum naa' seɗɗa.

1 Biiturus 1:8

Koo nde on meeɗaayi yiikimo, on ngiɗimo. Koo nde naa' on ngi'amo jooni, on koolakemo, on nana belɗum mawɗum nder ɓerɗe mooɗon ƴaɓɓiiɗum meteeki.

2 Yahaya 1:12

E mi woodi fii ɗuɗɗum ko ngiɗumi mi wi'a'on, ammaa mi yiɗaa mi windaɗum nder ɗerewol. Sey ni e mi yiɗi mi wara mi medda e mooɗon honduko e honduko, ngam nanen belɗum naa' seɗɗa.

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

2 Korintiyanko'en 1:24

Min ngiɗaa min kolla'on laamu sembe dow hoolaare mooɗon. Minon min kuudooɓe e mooɗon ngam nanon belɗum nder ɓerɗe mooɗon, ngam on ndarake boɗɗum dow ko kooliiɗon.

1 Tasaloonikanko'en 5:16

Nanee welwelo nder ɓerɗe mooɗon koo ndeye.

Luka 15:32

E haani nanen belɗum, ngam minyiraawo maaɗa o'o o maayiino, ammaa jooni o ummake, o majjiino, ammaa jooni o heɓtaama.’ ”

Luka 15:9

To o heɓtiinde, o nodday higooɓe maako e ɓe o heddi, o wi'aɓe, ‘Mballeeyam nanki belɗum, ngam mi heɓtii yamnde am majjunoonde.’

Filibiyanko'en 1:25

Mi tabbitinii ɗum non. Ngam maajum e mi andi mi jooɗodoto e yonki taw, mi nyamra yeeso e jooɗodaaki e mooɗon on fuu, ngam nyamron yeeso, nanon belɗum nder hoolaaki Yeesu.

Aafisanko'en 5:18

To' on nattin ko'e mooɗon njaru, ngam ɗum laawol lallere. Ammaa alee Ruuhu Allah heewa'on.

Yahaya 3:29

Angoojo jeyi ɓaŋaaɗo. Higo angoojo on dariiɗo e nana ko o wi'ata, o nanay belɗum naa' seɗɗa to o nanii hononde angoojo on. Iri belɗum ɗum higo angoojo on nani, iri maajum nanaymi naa' seɗɗa jooni.

Luka 15:5

To o heɓtoyiinga, o nanay belɗum o towoyanga e daande maako.

Luka 15:23

Ngaddee ngaari payndi, kirsonndi, nyaamen nanen belɗum,