Yahaya 13:34 - Fulfulde Nigeria

³⁴ Jooni raa goɗɗum kesum ɗum ngiɗumi ngaɗon: ngiɗindiree. Non no ngiɗirmi'on, onon maa sey ngiɗindiron.

Yahaya 13:34 ပူးပေါင်းရင်းမြစ်များ

Aafisanko'en 5:2

Ngaɗee jonde yidde, non no Almasiihu yiɗiri'en hokki yonki muuɗum ngam meeɗen. O wartii cakkiri ndi Allah nani belɗum mayri bo urde welnde.

Yahaya 15:17

Ko mbiimi ngaɗon woni, ngiɗindiree.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

Galaatiyanko'en 6:2

Mballindiree nder torraaji mooɗon. To on ngaɗii non, on ngaɗii ko dooka Almasiihu wi'i.

1 Yahaya 3:23

Ko Allah wi'i ngaɗen, kanjum woni koolooɗen inde Ɓiɗɗo maako Yeesu Almasiihu, nden ngiɗindiren non no Almasiihu wi'i ngaɗen.

1 Yahaya 4:21

Ɗu'um woni ko o wi'i'en ngaɗen: o wi'ii, fuu giɗɗo Allah doole yiɗa bandiraawo muuɗum maa.

Yaakubu 2:8

On ngaɗii ko wooɗi to on tokkii dooka ɗum Laamu Allah bindaaɗum nder aayaare biinde, “Yiɗu bandiraawo maaɗa no ngiɗirɗaa hoore maaɗa.”

1 Tasaloonikanko'en 3:12

Joomiraawo ɓeyda yidde nde ngiɗindirɗon naa' seɗɗa e yidde nde ngiɗɗon woɓɓe maa, non no yidde amin ɓeydorii dow mooɗon.

Roomanko'en 12:10

Njogootiree, ngiɗindiree bo bandiraaɓe, kokkee yimɓe mangu bo ɓe ɓurii'on.

2 Yahaya 1:5

Jooni e mi toroo'on, en ngiɗindir. Ɗu'um naa' ɗum dooka kesum mbindanmi'on, ammaa ɗum dooka ɗum ngoodunooɗen daga arande.

Galaatiyanko'en 6:10

Ngam maajum fuu carel ngel keɓɗen, en ngaɗan koo moye ko wooɗi, ko ɓuri maa woni ɓen ɗon tokkuɓe Yeesu bandiraaɓe meeɗen.

1 Yahaya 3:11

Ɗu'um woni ko nanɗon daga arande wiiki ngiɗindiren.

Ibraaniyanko'en 13:1

Ngaɗee ka yiɗindirki bo bandiraaɓe.

2 Tasaloonikanko'en 1:3

Bandiraaɓe amin, e haani min ngaɗa ka yettuki Allah koo ndeye ngam mooɗon, ngam hoolaare mooɗon e ɓeydoo naa' seɗɗa, nden yidde nde ngiɗindiron e ɓeydoo.

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,

2 Biiturus 1:7

Kadimaa ɓeydanee kulol Allah yidde tokkuɓe Yeesu, nden ɓeydanon yidde nden yidde koo moye.

Koloosiyanko'en 1:4

ngam min nanii no kooloriiɗon Yeesu Almasiihu e no ngirruɗon fuu yimɓe Allah.

Galaatiyanko'en 5:6

Ngam to en cumpootira e Yeesu Almasiihu, naadeeki e ciya naadeeki fuu walaa ko nafi. Ammaa ko ɓuri woni hoolaaki Almasiihu. Ko hollata en koolimo woni ngiɗen yimɓe e Allah.

Yahaya 17:21

E mi waɗa do'aare ɓe fuu maɓɓe ɓe ngarta go'o. Nyaako am e mi toromaa, ɓe keɓa ɓe cumpootira e meeɗen non no cumpootirten, ngam duuniyaaru jaɓa an liloyiyam.

Maatiyu 5:44

Ammaa e mi wi'a'on, ngiɗee ganyooɓe mooɗon, ngaɗanee torrooɓe'on do'aare,

Roomanko'en 13:8

To goɗɗo hokkii'on nyamaande, njoɓeemo. Nyamaande nde on mbaawataa yoɓuduki nde warta yiɗindirki. Ngam koo moye giɗɗo bandiraawo muuɗum hebbinii ko Attawra wi'i.

Roomanko'en 13:10

Taa yiɗi bandiraawo maaɗa, a waɗantaamo ko halli. Ngam maajum, yidde woni ko hebbini ko dooka Allah yiɗi.