Yahaya 12:27 - Fulfulde Nigeria

²⁷ Yeesu nyamri yeeso e wiiki, “Jooni ɓernde am wannii. Ɗume mbi'aymi? Mi wi'a, ‘Nyaako am, hisnam daga carel nge'el?’ Naa' non, ngam kanjum waɗi ngarmi carel nge'el.

Yahaya 12:27 ပူးပေါင်းရင်းမြစ်များ

Yahaya 12:23

Yeesu wi'iɓe, “Carel warii ngel Ɓii Neɗɗo teddintee.

Ibraaniyanko'en 5:7

Carel ko Yeesu woni nder duuniyaaru, o waɗii do'aaje e hononde cembinde e gonɗi o torake Allah baawayɗo hisnukimo daga mayde. Ɗum boo jaɓii do'aare maako ngam o waɗii ko Allah wi'i nder kulol Allah.

Yahaya 13:21

Gaɗa Yeesu wi'ii non, o wanni naa' seɗɗa, sey o wi'i e njayri, “E mi wi'a'on goonga, go'oto nder mooɗon hokkitirayyam.”

Maatiyu 26:42

O fuɗɗiti o dilli ɗiɗaɓum, o waɗi do'aare, o wi'i, “Nyaako am Mo Dow, to ɗum waɗataako ɗum ittanayam torra ka'a, sey to mi yariika, al ko ngiɗɗaa waɗee.”

Ibraaniyanko'en 2:14

Nde ɓiɓɓe ɓen ɓe gooduɓe ɓandu e ƴiiƴam, Yeesu e hoore muuɗum wartii neɗɗo bo maɓɓe. O waɗu non ngam barka mayde maako o halka on ɗon jogiiɗo bawɗe mayde, waato Ceyɗan.

Luka 22:44

E mo nder torra kalluka, ngam non o ɓeydi waɗuki do'aare. Asawre maako warti bo ƴiiƴam e simta e leydi.

Yahaya 18:37

Sey Bilaatus ƴamimo wi'i, “Too, an, a laamiiɗo won ɗon?” Yeesu nootii, wi'i, “A wi'ii mi laamiiɗo. Ngam ɗu'um ɗum danyiyam, nden ngam maajum ngarmi nder duuniyaaru ngam mi meta dow ko woni goonga. Koo moye giɗɗo goonga tokkay ko mbiimi.”

Luka 22:53

Koo ndeye nyalnde e mi wondi e mooɗon nder Wuro Ceniingo, on nangaayiyam. Ammaa jooni ɗum carel mooɗon, e laamu nyiwre.”

1 Timooti 1:15

Yeesu Almasiihu warii nder duuniyaaru ngam hisna gaɗooɓe hakke. Haala ka'a ka tabbutuka ka hewtii ɗum jaɓaka. Min boo, mi ɓurii koo moye waɗuki hakke.

Yahaya 11:41

Sey ɓe itti kaaƴa ngan daga dammugal yenaande nden. Sey Yeesu raari dow wi'i, “Nyaako Mo Dow, mi yettiima ngam a nanii do'aare am.

Maatiyu 11:25

E carel ngel Yeesu wi'i, “Mi yettiima, Nyaako am Mo Dow, Joomiraawo dow e ley, ngam a suuɗii fii ɗu'um to gooduɓe faamu e andal, a holliiɗum ɓikkoy pamaroy.

Maatiyu 11:26

Non Nyaako am, ngam non welanmaa ngaɗaa.”

Maatiyu 26:45

O fuɗɗiti o so''ii to maɓɓe tataɓum, o wi'iɓe, “Haa jooni on ɗaanii, on ciwtoo? Carel warii. Ɗum hokkitirii Ɓii Neɗɗo nder juuɗe gaɗooɓe hakke.